MIKAH 1:9 - Bawm Common Language Bible Version

⁹ Samaria â liam mi chu damh kho asi lai lo, Juda khawm chu hâwitê hen a tuar bâk awt; ka mi tla umnâk Jerusalem kulh kawtkâ tiang chu siatnâk nih a phanh rawh” a ti.

MIKAH 1:9 ပူးပေါင်းရင်းမြစ်များ

ISAI 3:26

Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

ISAI 36:1

Juda tla lalchem Hezekiah a lal mi kum leilinâk ah Asiria lal lianchem Senakerib nih Juda ram ah mi khuapi kulhnei tla a do le, a lâk na.

ISAI 36:2

Churawhchun, a milian chu Lakis thawk hen Jerusalem leiah kawrsen tam tak hen kal hen lalchem Hezekiah an sinah a pêk ding hen thu a pêk. Chu milian nih chun puan siamtu tla rianṭuannâk ah mi lampi tlûnlei mi tili thawk hen tî luangnâk an chawh mi kiang chu a luah.

JEREMIA 15:18

Zei rangah ka tuar kumza nget rih? Zei rangah ka mâ a dam dahlo? Zei rangah an damtir dahlo? Ṭhalpini ah tiva a kang mi hâwi hen lungdawngtir ding ma na ka awt?” a ti.

JEREMIA 46:11

Aigupta mi tla Gilead ah kal ule, turpâng va hâwl u! Nan turpâng tla chu zeikhawm asi lo ti a theih rawh; zeikhawm nih an damh kho na ding asi lo.

MIKAH 1:12

Maroth mi tla nih Jerusalem siatnâk a nâi rawh ruangah, tlunglo sele thungâi an duh.

MIKAH 6:13

Churuang chun nan thilsual ti ruangah nanmah siat leh râwknâk tlungtir ding hen ka dawmh ko rawh.

NAHUM 3:19

Na nganfâk ṭhatnâk ding zeikhawm a um lo, nâ liam mi khawm damh kho asi lai lo. Na siat leh râwknâk thu theihtu zawng chu anna lâwm tukah zâ an bengh rê lai. Dawng ti umlo hen ṭhatlo na rawt mi thu ah suahtu an um ma?