MIKAH 1:7 - Bawm Common Language Bible Version

⁷ A milem sung tak tla chu mântir dip asi lai le; â zuarnâk a biakin tla chu mei hen a veih lai le; a milem zawzawng chu a karo hen pawng asi lai. Samaria nih a phung sawnhnâk rangah a nei le, tu lam chun mun dang ah sawnhnâk rang ding ah an kalpi hep lai,” a ti.

MIKAH 1:7 ပူးပေါင်းရင်းမြစ်များ

2 CHRONICLES 31:1

Chu Kût chu â lîm rawh chun Israel zapi tla chu Juda khuapi kip ah an kal le, lungphun tla an râwk le, Aserah pathiannu lem tla chu an thlûk, lunglo tla pathian sawnhnâk mun ah mâichâm tla an râwk. Chu hâwi hen Juda ram Benjamin leh Efraim leh Manaseh ram ah mi khawm an râwk le, an in leiah an kîr rawh.

ISAI 23:17

Kum sâwmsarih â lîm chun, LALPA nih Tura chu a sawlehnâk mun li leiah a kîrtir nawlh lai, laikulh lalram zawzawng amah nih a mang na lai rawh.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

EZEKIEL 6:6

Israel khuapi zawzawng chu râwk hen a um lai le, churawhchun an mâichâm leh an milem zawzawng chu mân dip hen a um lai, an rimthâw duahnâk mâichâm tla chu â râwk lai le, an thilsiam zawzawng a vei hep lai.

HOSEA 2:12

Anmah nâwl zulh ding hen amah duhtu tla nih an pêk mi grep leh theipi tla chu ka veih lai. A grep dûm leh a thing thei dûm chu ramkaro hâwi hen ka siam lai le, ramsa tla nih an veih dep lai.

HOSEA 2:14

Churuangah, ramkaro ah ka kalpi nawlh na lai le, chunahchun dâwtnâk thu hen amah chu ka neh lai rawh.

HOSEA 8:5

Samaria khuapi mi tla nih ngûn chawchal lem an sawnh mi chu ka hua asi. An lakah thungâi ka thin a run. Milem an sawnh mi hi zeitik riamruam ah me an bâng awt?

HOSEA 8:6

Israel lakah mi zungthiam tla milem an siam mi chu pathian asi lêm lo! Samaria ah ngûn chawchal lem chu mântir dip asi lai.

JOEL 3:3

Sal tla âu ting ding asi ti theih ding hen chamchawhnâk an siam. Nunau â zuar mi man leh uain man rang ding ah mipa ngâksia sal ah an zuar na.

LEVITICUS 26:30

Tlângah nan ruk sawnhnâk mun tla chu ka râwk lai le, nan rimthâw duahnâk mâichâm tla ka siat lai le, nan ruak chu milem a tlû mi tlûnah lawnh asi lai.

DEUTERONOMY 23:18

LALPA nan Pathian in ah an thutiam zulhpeh ding hen chubang leikângah tawng mi tangka nan hawng put ding asi lo. Â zuar mi minung chu LALPA nih a hua asi.

DEUTERONOMY 9:21

Nan thilsual siam, chawpê lem chu ka lâk le, mei ah ka lawnh rawh. Ka khuai dip le, valeidip hâwi hen ka rial dip le, tlângah a luang mi tiva ah a dip chu ka lawnh rawh.

THUPHUANG 18:3

a hurnâk uain rât tak chu phun zawzawng tla nih an din rawh. Tual ah lal tla nih anih chu an pung tâwn le, laikulh sawlehtu tla nih chun a duhnâk sual chu nei phahnâk ah an mang tâwn,” ti hen a âu.

THUPHUANG 18:9

Chun, tual ah lal tla amah pung tâwntu leh, a nuamsabut chenhpitu tla nih chun a kâng mi khû chu an zauh tikah,

1 SAMUEL 5:4

A thâituan nawlh khawm ah chun milem chu Thudântuk Bâwm mâika ah a tlû fâwn. Chu tan chun a lû leh a bân khawm a kiak le; kawtkâ kiang ah a pum hen a rîl thlo.