MIKAH 1:6 - Bawm Common Language Bible Version

⁶ Churuang chun LALPA nih, “Samaria chu thil sianâwi pawngnâk ah leh grep phunnâk ah ka siam lai, a khuapi mi neknâwi chu tivapi kuamah ka thlêt lai le, khuapi lungphûm chu a karo hen ka siah lai.

MIKAH 1:6 ပူးပေါင်းရင်းမြစ်များ

2 SAMUEL 17:13

Khuapi ah a lût khawmsele, kan mi leh nih rirual an put lai le, khuapi chu tivakuam tleng khet an nûk lai le, tlâng tlûnah lung pakhat khawm umlo hen kan nûk rel lai,” a ti.

2 Lal 18:10

A hualnâk thawk hen a kum thumnâk ah Samaria khua chu a lâk rawh. Chu chu Hezekiah lâirêl kum ruknâk leh Israel lalchem Hoshea lâirêl kum kuanâk asi.

2 Lal 18:9

Lalchem Hezekiah nih lâi a rêl mi a kum linâk chu chu lalchem Hoshea nih Israel lakah a lâirêl kum sarihnâk asi. Asiria lal lianchem Salmaneser nih Samaria khua a hual.

2 Lal 19:25

“Alân thawk hen ka thiltum zawzawng tla hi na theih dah tâwn ma? Tu chun ka hawng langh rawh. Tu chun kulhnei khua tla chu nâwmpawng ah siam kho ding hen thiltikhonâk ka nan pêk.

ISAI 17:1

LALPA nih, “Damaska chu khuapi asi lai lo rawh le; thil râwk mi pawng cho asi lai rawh.

ISAI 25:12

Moab kulh tla leh a kulh vâm, sâng tak tla chu a râwk lai le, nek dip hen a tlûtir lai.

ISAI 25:2

Khuapi tla chu râwk dep hen na tuah le, an kulh tla khawm na râwk ver. Kan mêlma tla nih lal in an sak mi chu a vei pawt rawh.

JEREMIA 31:5

Veikhat chu Samaria tlângah grep nan phun nawlh lai le, a phuntu tla nih grep a rah mi chu an ei nawlh lai.

JEREMIA 51:25

Babulon mi tla, nang chu laikulh pumpi veihtu tlâng sâng tak hâwi na si le, sikhawmsele, Kei, LALPA chu na mêlma kasi. Ka nan tleih lai le, tual hen rual zat hen ka nan siam lai le, vachâm lakah ka nan siah awt.

JEREMIA 51:37

Chu ram chu thilsia nâwm pawngnâk leh ramsa umnâk mun asi lai. Zauh hen ṭihnungkâi tak asi lai le, chunah chun âukhawm an um lai lo le, a muhtu zawng chu an lâu lai.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

LUNGFÂKNÂK 4:1

Kan ngûn a tlêu mi tla khawm a nawh rawh; Biakin lung tla khawm zawllâi ah rek thu hen a um.

EZEKIEL 13:14

Kulh hawl hen an buaih mi chu râwk ding leh veih ding leh a lungphûm tla a karo hen siah ding ka tum asi. A chim lai le, an thah ver na lai. Chu tikah kei LALPA kasi ti mikip nih an theih lai.

HOSEA 13:16

Samaria chu ka lakah a hel ruangah rêp asi lai. A mi tla chu râltuknâk ah an thi lai le, fasêm tla chu tual ah lawnh an si lai. Nunau a râi mi paw chu an khei lai,” a ti.

AMOS 5:11

Mipâm tla nehsawhtu leh an fâng tla lâk piaktu nan si. Churuang chun lungin ṭha tak nan sak mi sungah nan um lai lo le, nan dam sungah mi grep dawh tak nan phun mi hâng khawm nan din lai lo.

AMOS 6:8

LALPA Pathian, Zeizawng tikho nih hi simhkannâk a pêk mi asi: “Israel mi tla anna zûmnâk chu ka hua, an nuamchenhnâk mun chu zeikhawm ka siar lo. An khuapi chem sungah um mi zawzawng chu an mêlma rangah ka pêk awt,” a ti.

MIKAH 3:12

Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

HABAKUK 3:13

Na mi le tla ruangsuah na ding leh na lal thîm ruangsuah ding hen na suak rawh. Misual tla ruitu chu na thlûk le, a hâwi zûltu tla khawm na veih hep na.

MATHAI 24:2

Anih lam nih chun an sinah, “Hi bang zawzawng hi nan muh mu? Thungâi tak hen ka nan simh na, chimtir lo hen lung â tiang mi rerêng hinah a um lai lo,” a ti le, a sâng.