MIKAH 1:3 - Bawm Common Language Bible Version

³ LALPA chu a mun thenhlimh thawk hen a hawng lai le, a hawng ṭum lai le, tlâng sâng tlûnah a hawng kal lai.

MIKAH 1:3 ပူးပေါင်းရင်းမြစ်များ

JOB LASUIBU 40:12

Asi, zauh na le, niam dep hen siam na le, misual tla chu an dîrnâk mun ah veih na.

SAM 115:3

Kan Pathian chu vân ah a um, a duh mi zawng a ti.

ISAI 25:10

LALPA nih Zion Tlâng chu a hum lai le, sikhawmsele Moab mi tla lam chu tual ṭha lakah mi fapawn hâwi hen lamh dep an si lai.

ISAI 26:21

LALPA chu vân ah a umnâk thawk hen tual ah mi tla an sual ruangah rêp ding hen a hawng kal. A thuptê hen tual tlûnah mi thahtu tla khawm a puang lai le, thah hen a um rawh mi tla khawm tual nih a thuh lai lo rawh.

EZEKIEL 3:12

Churawhchun, Pathian thlarau nih hawng ka châwi le, ka dungleiah rihâu fâk tak ka theih le, chu hâu nih chun, “Chung vân ah mi LALPA rokual chu sawr u!” a ti.

AMOS 4:13

Pathian chu tlâng tla leh thli siamtu asi. A thinlung tum chu minung rang a theihtir le, sûn chu zân ah a changtir. Tual mun sâng tlûnah a kâi. Hi hi a min chu: LALPA Pathian, Zeizawng tikho chu asi!

AMOS 9:5

LALPA Zahkâi, Zeizawng tikho nih tual a tawngh le, â nîn le, a sungah um mi zawzawng chu an lawksawng. Nile Tiva tî hâwi hen laikulh pumpi chu a thawk le a tlû.

HABAKUK 3:19

LALPA nih chaknâk hawng ka pêk le, sazuk tla hâwi hen kê nei hen hawng ka siam le, tlâng tlûnah him tak hen hawng ka zauhkhenh.

ZEKARIA 14:4

Chu tikah chun Jerusalem saklei oliv tlâng tlûnah a dîr lai. Churawhchun, oliv tlâng chu saklei leh thlanglei tivakuam kâu tak nih a phel phawk lai. A tlâng khingkhuai chu marlei kângah a khing dang chu simlei kângah a ṭhial lai.

DEUTERONOMY 32:13

“Mun sâng tak tla ah lâi a rêltir na le, phâisen ah thil a kho mi tla an ei. Lungpi tla lakah mâng khuaitizû an tawng; an oliv thing tla chu lung nâwngah a ningno

DEUTERONOMY 33:29

Israel, na lâwptlo chiam e! Nangmah hâwi hen LALPA nih ruang a suah mi phun âukhawm an um lo. LALPA amah tak chu a nan vêng ding leh nehnâk a nan pêk ding hen na phâw leh na nâmsâu chu asi. Na mêlma tla chu khuaruatnâk deih hen an hawng lai le, nangnih na lamhbêk na lai.