MIKAH 1:16 - Bawm Common Language Bible Version

¹⁶ Juda mi tla nan fa nan dâwt mi tla sal ah put an si awt ruangah nan lung a fâk zauhtirnâk ah nan sam mêt u. Mulukawlh hâwi hen nan lû kâwng tleng ziat u.

MIKAH 1:16 ပူးပေါင်းရင်းမြစ်များ

2 Lal 17:6

chu chu Hoshea lâirêl kum kuanâk asi. Asiria lal lianchem nih Samaria a lâk le, Israel tla chu a tleih na le, Asiria leiah a put na, a zeimaw mi chu Halah khuapi ah an um, a zeimaw mi chu Gozan ram Habor Tiva kiangah an um, a zeimaw mi chu Media khuapi tla ah an um.

JOB LASUIBU 1:20

Job chu a thawk le, a ngaihsia tukah a nipuan tla a thlêk, a lû a mêt rel le, tual ah a rîl thlo.

ISAI 15:2

Dibon mi tla chu tlâng mi, mi thenhlimh thlân leiah ṭap ding hen an kâi. Moab mi tla chu Nebo leh Medeba khua ruangah thungâi an lung a fâk; an lungfâk ruangah an lû leh an khamul tla an mêt hep.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

JEREMIA 16:6

A nei mi leh a pâm mi hi ram ah hin an thi lai le, âukhawm nih an vûi na lai lo le, anmah ruangah lungfâktu khawm an um lai lo. Âukhawm a lungfâk ti theihnâk ah mah a ât hen a lû a mêt lai lo.

JEREMIA 4:8

Churuangah LALPA thinthawknâk fâk tak Juda lakah mi a reh lo ruangah salâpuan aih ule; ṭap leh thinlung fâk hen um u.

JEREMIA 47:5

Gaza mi tla sinah ngaihsiatnâk rokual tak a hawng tlung, Askelon mi tla chu an dâisip. Philistia um rih mi tla nih zeitiang an ulh awt?

JEREMIA 6:26

LALPA nih a mi le sinah, “Salâpuan aih ule, vachâm nâwngah rîl u. Minung pakhat nanmah veih ding hen hawng kal mi nih an do sâwm na awt ruangah, fapa pakhat tek ruangah nan lung a fâk ding mi hâwi hen mitthli tlâ rê hen lungfâk u.

JEREMIA 7:29

“Jerusalem mi tla, ngaihsia tak hen um u; nan sam tan ule, lawnh ving u. Kei, LALPA, ka thinthawk le, ka mi tla ka nawng na ruangah tlâng tlûnah mithi vûinâk la sak u.

LUNGFÂKNÂK 2:19

Zân khuavâr hen LALPA sinah ṭap ding hen thawk lemang le; Na thinlung pêk le, na fa tla tlûnah khuaruat ding hen a sinah deih. Zâwllâi a ker kip ah ngâksia chu sungvâng hen an thi rawh!

AMOS 7:11

A thusim chu hi hi asi: Jeroboam chu râltuknâk ah a thi lai le, Israel mi tla chu an ram thawk hen sal ah put hen an um lai,” a ti.

AMOS 7:17

Churuangah Amaziah, LALPA nih thu a nan simh asi, ‘Na nupi chu khualâi tlângah â zuar mi asi lai, na fa tla chu râltuknâk ah thah hen an um lai. Na ram chu an ṭhen phin lai le, midang tla sinah pêk hen a um lai le, nangmah khawm lunglotu ram ah na thi lai. Israel mi tla chu an ram ah mi sal ah put an si lai,” a ti.

AMOS 8:10

Nan kût ni tla chu mithi vûi ni ah ka changtir lai le, nanna lâwmnâk la chu ngaihsia hen âunâk ah ka changtir lai. Nan lû ka mêt lai le, salâpuan kan aihtir na lai. Nu leh pa nih an fapa an neihlem mi thihnâk ruangah an lungfâk mi hâwi asi lai. Chu ni chu khâtîk hen a dawng lai.

DEUTERONOMY 28:41

Fanu leh fapa nan nei lai le, khawmsele nan thlâu hep na lai, râltuknâk ah tleih hen an kalpi hep na awt ruangah.