MIKAH 1:11 - Bawm Common Language Bible Version

¹¹ Nannih Saphir mi tla, takkaro leh ningzak bû hen sal ah kal u. Zaanan ah um mi tla chu an khuapi thawk hen an hawng suak ngam lo. Bethezel ah um mi tla an lungfâk mi nan theih tik chun chunah himnâk a um lo rawh ti nan theih lai.

MIKAH 1:11 ပူးပေါင်းရင်းမြစ်များ

ISAI 16:2

Arnon Tiva kap ah an ngâk ko le, tumnâk lêm nei lo hen khatlei khatlei ah va nih a bû a kaltâk mi hâwi hen sawk hen an um.

ISAI 20:4

Asiria lal lianchem nih chun, chu ram panih thawk hen a mi tleih tla chu takkaro leh kê karo hen a kalpi na awt asi. Upa, ngâksia takkaro leh kê karo hen an kal lai le, an taw lang bû hen Aigupta rangah an mualphoh lai.

JEREMIA 13:22

Zei rangah hi bang hi ka lakah a hawng tlung– zei rangah ka nipuan tla a tlêk hen tleihrêm hen ka um na ti mi asi chun na sual a fâk tuk ruangah asi.

JEREMIA 48:6

‘Na nungnâk hum ding hen tek rereh!’ ‘Mâng sanatung hâwi hen tek!’ an ti.

JEREMIA 48:9

Moab rangah thlânlung siam zet u; sâwtlotê ah râwk hen a um lai. A khuapi chu râwk dep hen mâk asi lai le, âukhawm an um nawlh lai lo rawh,” a ti.

EZEKIEL 16:37

Hi ruang hin a lânah a nan duhtu tla zawzawng na duh mi leh na hua mi tla munkhat hen ka hawng tir na awt. Na kiangah hêl dak hen ka hawngpi na lai le, churawhchun na nipuan ka lît lai le, takkaro hen na um mi ka zauhtir na awt.

EZEKIEL 23:29

An hua ruangah na rianṭuan tha ni lawh zawzawng an lâk ver lai le, nunau â zuar mi hâwi hen ni le puan lît hen takkaro hen an siah lai.

MIKAH 1:8

Churawhchun, Mikah nih, “Hi bang ruangah hin ka lung a fâk hen ka ngaih a sia. Ka ngaihsia mi langhnâk ding hen kê karo leh takkaro hen ka kal awt. Kâwlui hâwi hen ka âu lai le, vachâ hâwi hen ka lung a fâk lai.

NAHUM 3:5

LALPA Zeizawng tikho nih, “Ninevi ka nan rêp awt! Na nipuan lît hen takkaro na si mi phun tla kan muhtir lai le, ningzak a kâi zia chu a nan muh lai.

ZEKARIA 14:5

Chu tlâng panih tivakuam a ṭhen phawknâk hen nan suak lai. Juda lal Uziah san ah lî ninh liauah an thlâk natu an tek mi hâwi hen nan tek lai. LALPA ka Pathian chu a vânmifial tla zawzawng put hen an hawng lai.

JOSUA 15:37

Chu lo khawm ah Zenan, Hadasah, Migdalgad,