MIKAH 1:1 - Bawm Common Language Bible Version

¹ Juda lal Jotham, Ahaz, Hezekiah san liauah Moreseth khua ah mi Mikah sinah LALPA nih hi thuchah a pêk. LALPA nih Mikah sinah Samaria leh Jerusalem ah thil um ding mi thu chu a langh.

MIKAH 1:1 ပူးပေါင်းရင်းမြစ်များ

2 Lal 15:32

Remaliah fapa Pekah Israel lalchem lâirêl kum nihnâk ah Uziah fapa Jotham chu kum kul leh kum nga asi liauah Juda lalchem a hawng si,

2 Lal 15:5

LALPA nih Uziah chu phâr a veitir le, a thih tiang hen a dam kho lo. Amah lâwng hen in pakhat ah a um, a rian khawm a ṭuan kho lo; chu kar chun a fapa Jotham nih lâi a rêl.

2 Lal 16:1

Remaliah fapa Pekah Israel lalchem lâirêl kum leisarihnâk ah Juda lalchem Jotham fapa Ahaz chu kum kul asi liauah Juda lalchem a hawng si.

2 Lal 18:1

Israel lalchem Elah fapa Hoshea lâirêl kum thumnâk ah, Ahaz fapa Hezekiah chu,

2 CHRONICLES 28:1

Ahaz chu lal asi liauah kum kul mi asi le, Jerusalem ah kum leiruk lâi a rêl. Amah thlâktu lalchem David umdân châwng hen thil a ti lo.

2 CHRONICLES 29:1

Hezekiah chu Juda lal asi liauah kum kul leh kum nga asi liauah Jerusalem ah kum kul leh kum kua a rêl. A nu chu Zekariah fanu Abijah asi

ISAI 1:1

Hi lasuibu lakah hin, Uziah, Jotham, Ahaz leh Hezekiah Juda lalchem an si liauah Amoz fapa Isai sinah Pathian nih Juda tla leh Jerusalem thu a sim mi rîn asi.

ISAI 1:2

LALPA nih, “Tual leh vân, ka thusim ngâi u! Fa ka châwm na mi tla, ka lakah an hel.

ISAI 7:1

Lalchem Ahaz, Jotham fapa, Uziah tupa nih Juda lakah lâi a rêl liauah râltuknâk a hawng um. Siria lalchem Rezin leh Israel lalchem Remaliah fapa Pekah nih Jerusalem an do le, sikhawmsele an lâk kho lo.

ISAI 7:9

Israel chu Samaria ngâk hen a chak dauh lêm lo, a khuapi leh Samaria chu lalchem Pekah ngâk hen an chak dauh lêm lo. “Na zumhnâk a bir lo chun nangmah khawm na bir lai lo,” a ti.

JEREMIA 26:18

“Hezekiah Juda lalchem asi liauah, Moreseth ah mi khuavâng Mikah nih LALPA Zeizawng tikho thusim chu zapi tla sinah a sim, ‘Zion chu phâisen nâwn mi hâwi asi lai le, Jerusalem chu thilsia pawng mi asi lai le, Biakin tlâng chu thingmun asi lai,’ a ti.

HOSEA 1:1

Hi hi Uziah, Jotham, Ahaz leh Hezekiah Juda lal ansi liau ah leh Jehoash fapa Jeroboam Israel lal asi liau ah Beri fapa Hosea sinah LALPA nih thu a chah mi chu asi.

HOSEA 4:15

“Nang, Israel chu ka lakah zumhkâilo hen um menza khawmsele, chu thil lakah Juda tla chu sual rîlmâl lah seh. Gilgal mawh Bethel ah mawh Pathian sawnh hen chunahchun LALPA a nung mi min hen thu tiamh lah u.

HOSEA 8:14

“Israel tla nih in tam tak an sak le, sikhawmsele anmah Siamtu chu an philh ving. Juda mi tla nih kulhnei khuapi tla an dirh. Sikhawmsele an in leh an khuapi tla khanghtu mei ka fial mi nih a khangh hep lai,” a ti.

AMOS 1:1

Hi bang tla hi Tekoa khuapi ah mi dawrâ vêngtu Amos thu tla asi. Lînîn kum nih lânah Uziah, Juda lalchem asi liauah leh Jehoash fapa Jeroboam Israel lal asi liauah Israel leikâng thu ah Amos sinah Pathian nih a muhtir.

AMOS 6:1

Nannih Zion ah nuamchenhtu tla leh Samaria ah him tak a um ding hen ruattu Israel phun lakah mi rokual rangah ṭihnung a kâi awt chiam e, nannih chubang tla sinah ṭangpi deih hen kaltu tla!

MIKAH 1:5

Hi bang zawzawng tla chu Israel mi tla LALPA tlûnah an hel hen an sual ruangah a hawng tlung lai. Israel helnâk ah hin âu me a mawh? Samaria, khuapi chu asi! Juda ram ah milem sawnh ruangah âu a mawh? Jerusalem chu asi!

MIKAH 3:9

Israel lâirêltu tla, diknâk hua hen, diknâk chu diklonâk ah changtirtu, ka thu ngâi u.

HABAKUK 1:1

Hi hi LALPA nih khuavâng Habakuk sinah a thuchah chu asi:

2 PETER 1:21

Simkannâk thu rerêng hi, minung duh thu hen suak asi tâwn lo le, Thlarau Thenhlimh nih mang hen mi nih thu an sim tâwn asi, chu chu Pathian sin thawk hen mi thu asi.