MATHAI 9:36 - Bawm Common Language Bible Version

³⁶ Chuvachun, mi zapi tla chu a muh le, vêngtu nei lo dawrâ tla hâwi hen hamh leh rek phun hen an um ruangah thungâi a siherh na.

MATHAI 9:36 ပူးပေါင်းရင်းမြစ်များ

1 Lal 22:17

Mikaiah nih a sâng le, “Israel kawrsen tla chu dawrâ a vêngtu umlo hen anna rek phin mi hâwi hen ka muh. LALPA nih, “Hi minung tla hi ruitu an nei lo rawh, in leiah thlangamtê hen tlungtir na u,” a ti.

2 CHRONICLES 18:16

Mikaiah nih a sâng le, “Israel tla chu vêngtu nei lo dawrâ hâwi hen tlângah anna rek phin mi ka muh. Churawhchun, LALPA nih ‘Hi minung tla nih ruitu an nei lo rawh, in leiah thlangam tak hen tlungtir na ko u,’ ” a ti.

ISAI 13:14

“Ramdang minung Babulon ah um mi tla chu an ram leiah an tek lai le, sa kahtu lakah mi sazuk a tek hâwi hen leh dawrâ rual vêngtu nei lo mi hâwi an si lai.

JEREMIA 50:6

“Ka mi tla chu dawrâ a dâwngpu nih tlâng sâng takah a thlâu na mi hâwi an si. Dawrâ rual hâwi hen tlâng khat thawk hen tlâng dang tla khawm ah an vâi le, an umnâk in khawm an theih lo rawh.

ZEKARIA 10:2

Mi nih milem leh chamchawh thiam tla sinah thu an deih le, sikhawmsele sângnâk an tawng mi chu âwkrâwl leh zeikhawm lo mi asi. Mi zeimaw mi nih mang an simhfiang le, sikhawmsele amahlo leiah pialtirtu cho asi le; thlangamnâk thu an sim mi khawm mangtlâk asi lo. Churuangah mi tla chu dawrâ a tlâu mi hâwi hen an vâi. Ruitu an nei lo ruangah an lawk a sawng.

ZEKARIA 11:16

Ka dawrâ rual zauhkhenhtu ah ka dawrâpu ka siah le, sikhawmsele veihtu nih a ṭhih na mi lakah a âwva lo le, a tlâu mi khawm a sunhsak lo, â liam mi khawm a thlawp lo, a thibang khawm râwl a pêk lo, chu hâwi ngâk hen dawrâ rual lakah a bit chem mi sa tla a ei le, an ketin khawm a thlêr piak na.

NUMBER 27:17

leh râltuknâk ah thupêk kho ding mi, na ruat ding hen ka nan ngiar, zapi minung tla chu vêngtu nei lo dawrâ hâwi an si lonâk ding hen,” a ti.

MATHAI 10:6

Sikhawmsele, Israel phun dawrâ tlâu tla sinah chun kal dauh u.

MATHAI 14:14

Chun, anih chu vakap ah a suak rawh chun mi zapi cherkhet a muh le, thungâi a siherh na, damlo tla a damh na.

MATHAI 15:24

Anih lam nih chun, “Israel mi tla dawrâ tlâu sinah lo chun fial kasi lo,” a ti le, a sâng.

MATHAI 15:32

Chun, Jisu nih a ṭhiruai tla chu a kawh na le, “Mi zapi tla hi tu ah ni thum ka sinah an um rawh le, ei ding zeikhawm an nei lo ruangah thungâi ka lungkham na asi; sungvâng bû hen kîrtir na ka duh lo, chu lo chun lam lakah an vâiphâl lai,” a ti.

MARK 6:34

Chun, Jisu chu vakap ah a suak le, mi zapi cherkhet a muh na le, vêngtu nei lo dawrâ tla hâwi an si ruangah thungâi a zângfah na le, thu tam tak a sîntir na rawh.

MARK 8:2

“Mi zapi tla hi tu ah ni thum ka sinah an um rawh le, ei ding zeikhawm an nei lo ruangah thungâi ka zângfah na asi.

HEBRAI 4:15

Bâwlpu lalchem kan chak lo zia hawng kan theihpi phanh lo mi neitu kan si lo, kanmah hâwi hen thu zeizawng ah lêmnâk tawng rawh mi, sual lam chu sual lo mi, neitu kan si dauh.

HEBRAI 5:2

Amah khawm zeizawng ah mi chak lo asi ruangah zeikhawm theihlo tla leh mi diklo tla sinah â dawnhkho tâwn asi.