MATHAI 9:35 - Bawm Common Language Bible Version

³⁵ Chun, Jisu nih anna pûmnâk in tla ah sîntir na hen, Ram Thâwngthâng Ṭha chu sim hen, damlo kip leh nganfâk kip tla damh hen, khua lian leh khuatê tla zawzawng a ṭawl.

MATHAI 9:35 ပူးပေါင်းရင်းမြစ်များ

MATHAI 10:1

Chun, a ṭhiruai leinih tla chu a kawh na le, khuri nâwmtâm tla nar kho ding hen leh damlo kip leh nganfâk kip damh khonâk ding hen thuneihnâk a pêk na.

MATHAI 11:1

Chun, hi hâwi hi asi le, Jisu nih a ṭhiruai leinih tla chu thu a pêk thluh kâ hen chu thawk chun khua nâi tla ah sîntir leh thusim hen a kal rawh.

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MARK 1:14

Chun, Johan chu rêng an thlâk nûnah Jisu chu Pathian Thâwngthâng Ṭha sim hen Galili ram ah a hawng kal le,

MARK 6:56

Chun, khuatê leh khua lian tla ah, lo tla ah, kha zeizawng ah a lûtnâk kip ah damlo tla chu sumtuah mun tla ah an zâutir na, a puansâr tla tawngh kho an deih chiam le, chun amah tawnghtu zawng chu an dam vima.

MARK 6:6

An lung lo ruangah thungâi chê a ti. Chun, sîntir pah vima hen khua tla chu a ṭawl.

LUK 13:22

Chun, anih nih chun sîntir vima hen, Jerusalem lei fûk hen, khuapi leh khuatê a pal vima.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 2:22

“Nannih Israel mi le tla, hi bang thu hi theih u rawh: Nazaret Jisu, Pathian nih amah mang hen nan lakah thil rokual tla, thilchê tla, leh singsiahnâk tla a ti mi nih khan a nan theihfiangtir na kha; nannih nih chubang chu nan theih asi.