MATHAI 9:23 - Bawm Common Language Bible Version

²³ Chun, Jisu chu hotu in ah a lût le, theikhang tumtu tla leh mi zapi tlawk chur mi tla a va muh rawh chun, “Suak u, ngâksia chu a thi lo, a it mi asi dauh,” a ti.

MATHAI 9:23 ပူးပေါင်းရင်းမြစ်များ

2 CHRONICLES 35:25

Khuavâng Jeremia nih lalchem Josiah lakah lungfâknâk thu a phuah. Nunau khawm mipa khawm Josiah rangah lungfâknâk la an sak mi chu Israel ram ah dân hâwi hen an nei. Hi la hi sûnnâk la phuah mi tla lakah a um.

JEREMIA 16:6

A nei mi leh a pâm mi hi ram ah hin an thi lai le, âukhawm nih an vûi na lai lo le, anmah ruangah lungfâktu khawm an um lai lo. Âukhawm a lungfâk ti theihnâk ah mah a ât hen a lû a mêt lai lo.

EZEKIEL 24:17

Na phu-ûk hâu khawm theih hen um lah seh. Na lungfâknâk zauhtir ding hen na lû karo leh kê karo hen kal lah. Na mêl khuh lah le, mi lungfâk tla nih an ei mi buh khawm ei lah,” a ti.

MATHAI 11:17

‘Theikhang ka nan tum piak na le, nan lâm ṭung lo; thungâi kan ṭap le, nan ir nan chumh ṭung lo,’ ti mi tla hâwi an si.

LUK 7:32

Ngâksia tla sumtuah zâwl ah to hen, ‘Theikhang kan tum piak na le, nan lâm ṭung duh lo, kan ṭap chiam le, nan ṭap ṭung lo’ ti hen anna auh mi hâwi an si.

THILTI 20:10

Sikhawmsele, Pawl a va ṭum le, a pawm le a lawh. Anih nih chun, “Lawksawng lah u,” “a nûkri a chat lo rih!” a ti.

THILTI 9:39

Chun, Peter chu a thawk le, an sinah a kal rawh. Chun, a tlung ka hen a tlûnah mi kardang ah an kalpi le; numei zawzawng chu a kiangah dîr hen, Dorka chu an sinah a um liauah a kawrdawh siam tla, a puan siam tla zauhtir bû hen an ṭap ver.

THUPHUANG 18:22

Chun, ṭingṭang tumtu tla, zeilo tum thiam tla, theikhang tumtu tla, tâwtawrâwt tumtu tla nih an tum mi, rihâu khawm nâ lakah an theih lai lo rawh; zungthiam rerêng na lakah an muh lai lo rawh, fângrialnâk rihâu khawm na sungah an theih lai lo rawh;