MATHAI 8:8 - Bawm Common Language Bible Version

⁸ Chun, kawrsen zâ hotu nih chun, “Lalpa, ka in sung na lûtnâk tlâk asi lo; thu cho sim le, ka to-aw a dam ko lai.

MATHAI 8:8 ပူးပေါင်းရင်းမြစ်များ

GENESIS 32:10

Na to-aw rangah na vêlneihnâk leh zumh na kâinâk hawng ka tawngtir ding hen ka tlâklo. Jordan va ka kanh liauah chun ṭhianṭhunh pakhat lo chu zeikhawm ka nei lo, tu chun hi bang murui nih hen ka hawng kîr nawlh rawh.

SAM 10:17

LALPA, mi nau tla thlachamnâk chu na ngâi piak lai le; râlṭhatnâk na pêk lai.

SAM 107:20

A thupêk hen a damh na le, thlân lakah mi chu ruang a suah na.

SAM 33:9

Thu a sim le, laikulh chu siam hen a um; a thupêk lakah thil zeizawng a lang.

NUMBER 20:8

“Thudântuk Bâwm mâika mi ṭhianṭhunh kha lâk le, nang leh Aron nih zapi zawzawng pumh na u. An mâika mi lungpi sinah thu va sim rawh, churawhchun tî a hawng suak lai. Hi hâwi hen zapi minung rangah lungpi thawk hen tî na lâk piak na lai le, anmah leh an ran tla din ding hen,” a ti.

MATHAI 3:11

Kei lam nih chun nan rimnâk ding hen tî hen ka nan baptis na; sikhawmsele, ka dunglei ah a hawng kal ding mi chu keimah ngâk hen a rokual dauh le, a pheikawk put tlâk khawm kasi lo, anih nih chun Thlarau Thenhlimh leh mei hen a nan baptis na lai.

MATHAI 3:14

Johan lam nih chun, “Na hawng ka baptis ka herh dauh mi, ka sinah na hawng dauh mu?” ti hen khap a tum.

MATHAI 8:3

Chun, Jisu nih a vuanh le, a tham le, “Ka duh, hawng thiang rawh,” a ti. Chun, zeikarlo ah a phâr chu a hawng thenhlimh sawm rawh.

MATHAI 8:7

Chun anih nih chun, “Ka hawng kal lai le, ka damh lai,” a ti.

MATHAI 8:9

Kei khawm mi thu hen um kasi le, ka tangah kawrsen tla an um le, chu minung chu, ‘Kal rawh,’ ka ti chun a kal tâwn, midang sinah khawm, ‘Hawng,’ ka ti chun, a hawng tâwn. Ka to-aw sinah khawm, ‘Hi hi ti rawh,’ ka ti chun, a ti tâwn,” ti hen, a sâng.

LUK 15:19

Na sinah lawh a kal mi pakhat hâwi hen hawng ka siam rawh ka ti lai,’ a ti.

LUK 15:21

Chun, a fapa nih a sinah, ‘Pa, Pathian lakah leh nangmah mitmuh hen thil ka sual; na fapa si tlâk kasi lo, a ti.

LUK 5:8

Chun, Simon Peter nih a muh rawh chun Jisu khup kiangah a bawkbukhup le, “Lalpa hawng ka kaltâk rawh, misual kasi,” a ti.

JOHAN 1:27

Anih chu ka dung leiah hawng ding mi chu asi, a pheikawk rî sût tlâk khawm kasi lo,” a ti le, a sâng.