MATHAI 8:27 - Bawm Common Language Bible Version

²⁷ Chun, mikip nih thungâi chê an ti le, “Hi minung hi zei minung me asi? Thli leh rilî tiangmâng khawm nih a thu an ngâi!” an ti.

MATHAI 8:27 ပူးပေါင်းရင်းမြစ်များ

MATHAI 14:33

Chun, lawng lakah um mi tla nih chun, “Pathian Fapa na si tak ngâk mahi,” ti hen, amah mâi an mûk.

MATHAI 15:31

Chuvachun, mi zapi nih chun hawlh kho lo tla an hawng hawlh kho hen, a suaksual mi tla an hawng a remh hen, kekhêng tla kê hen an hawng kal hen, mitchâw tla an hawng muh kho mi an muh rawh chun thungâi chê an ti le; chun Israel tla Pathian chu an sawr rawh.

MATHAI 8:10

Chun, Jisu nih chubang thu chu a theih chun thungâi chê a ti le, a zûltu tla sinah chun, “Thungâi tak hen ka nan simh na, Israel tla lak khawm ah hi tluk rak hen lungnâk fâk hi ka muh lo.

MATHAI 8:26

Chun, Jisu nih chun an sinah, “Lung tâwm tla, zei rangah nan ṭih?” a ti. Churawhchun, a thawk le, thli leh rilî chu a fâi le; chun a hawng reh dup ko.

MATHAI 8:28

Chun, varâl lei Gadarin mi tla ram chu a va tlung rawh chun, khuri vuanh panih thlân khur thawk hen suak mi nih an hawng tawng le; ṭihnung an kâi thlo le, chuvachun chu lampi ah chun âukhawm an kal ngam lo.

MARK 1:27

Chun, an ektê hen thungâi chê an ti. Chuvachun, “Hi hi zei me si le? Sîntirnâk thar asi ma hi! Khuri nâwmtâm tla khawm thu nei tak hen thu a pêk le, a thu anna âwi vima ko râu,” ti hen, anna cheih.

MARK 6:51

Chun, lawng ah chun an sinah â chuan le, thli chu a bâng ko rawh. Chun, an thinlung hen thungâi chê an ti.

MARK 7:37

“Anih nih chun zeizawng ṭha tak hen a ti le, nasêt tla a theihtir le, hawlh kho lo tla khawm a hawlhtir tâwn,” an ti le, dîntuai hen chê an ti lo.