MATHAI 8:2 - Bawm Common Language Bible Version

² Chun, a sinah phâr a hawng kal le, “Lalpa, na duh chun na ka thenhlimhtir kho,” ti hen, mâi a mûk.

MATHAI 8:2 ပူးပေါင်းရင်းမြစ်များ

2 SAMUEL 3:39

Kei, Pathian thîm mi lalchem men nih tusûn ni ah thungâi ka tuar phah asi. Hi bang Zeruiah fapa tla hi ka rangah veihtu an si. Chubang hâwi hen mi thah mang tla chu LALPA nih rêp na seh,” a ti.

2 Lal 15:5

LALPA nih Uziah chu phâr a veitir le, a thih tiang hen a dam kho lo. Amah lâwng hen in pakhat ah a um, a rian khawm a ṭuan kho lo; chu kar chun a fapa Jotham nih lâi a rêl.

2 Lal 5:1

Siria lalchem kawrsen hotu Naaman chu LALPA nih amah mang hen Siria tla nehnâk a pêk ruangah lal nih thungâi hen sunhsak hen a putso. Kawrsen zahkâi tak asi, sikhawmsele phâr vei mi asi.

2 Lal 5:27

Tuah Naaman phârnâk chu na lakah a hawng tlung lai, nang leh na thlâk tla nih nan nei pawt lai rawh!” a ti. Churawhchun, Gehazi chu a kal le, râi a vei chawlh le, a vun chu vûr hâwi hen a ngo rawh.

NUMBER 12:10

sûm nih a kaltâk le, Miriam vun chu lâkkhatko ah râi ṭihnungkâi hen a khat phak, vûr hâwi hen a ngo pût. Aron nih a van zauh le, râi ṭhalo nih a tuam mi chu a muh.

MATHAI 10:8

Damlo tla damh ule, mithi tla thawh ule, phâr tla thenhlimhtir ule, khuri tla nar u; a thawt hen nan tawng le, a thawt hen pêk u.

MATHAI 13:58

Chun, an lung lo ruangah chunah chun thilchê tam a ti lo.

MATHAI 14:33

Chun, lawng lakah um mi tla nih chun, “Pathian Fapa na si tak ngâk mahi,” ti hen, amah mâi an mûk.

MATHAI 15:25

Sikhawmsele, nunau chu a hawng kal le, “Lalpa, hawng ka ṭangpi rawh,” ti hen mâi a mûk.

MATHAI 18:26

Chuvachun, to-aw nih chun, ‘Ka pu, hawng ka ngâk dauh rih le, a ektê hen ka nan pêk ver lai, ti hen a bawk le, mâi a mûk.

MATHAI 2:11

Chun, in sungah an va lût le, a nu Mari sinah nâutê chu an muh le, an bawk le, mâi an mûk; chun, an robâwm tla an awng le, a sinah chun lâwmman ngûn tla, bawrâw tla leh murrah tla an pêk.

MATHAI 20:20

Chu liau chun Zebedai fapa tla nu chu a fapa panih tla put hen a sinah a hawng kal le, mâi a mûk le, thil zeimawh a deih.

MATHAI 26:6

Chun, Jisu chu Bethani ah, phâr Simon in ah a um liauah,

MATHAI 28:17

Chun, amah an muh rawh chun mâi an mûk; zeimaw mi nih chun an zumhmaih.

MATHAI 28:9

Chun, lâkkhatko ah, Jisu nih annih chu a tawng na le, “Chibai,” a ti. Chun, annih nih chun a kezaphah tla chu an tham le, an mâimûk.

MATHAI 4:9

Chun, a sinah, “Bawkbukhup hen hawng ka sawnh le, hi bang zawzawng hi ka nan pêk ver lai,” a ti.

MATHAI 8:1

Chun, tlângah mi a hawng ṭum nûnah mi zapi cherkhet nih amah an hawng zûl rawh.

MATHAI 8:25

Chun, a sinah an hawng le, an thawh le, “Lalpa, hawng kan hum rawh, kan vei awt hi!” an ti.

MATHAI 9:18

Chubang thu chu an sinah a sim liau takah hotu pakhat a hawng le, mâi a mûk, “Ka fanu tuhin a thi le, sikhawmsele, hawng kal le, a tlûnah na kut ngauh le, a nung nawlh ko lai,” a ti.

LUK 4:27

Chun, khuavâng Isai dam liau khawm khan Israel ram ah phâr tam tak an um le; sikhawmsele, an lakah âukhawm thenhlimhtir hen an um lo, Naaman Siria ram ah mi cho thenhlimhtir hen a um dauh kha,” a ti.

JOHAN 9:38

Chun, anih nih chun, “Lalpa, ka lung,” a ti le, a mâimûk.

THILTI 10:14

Sikhawmsele, Peter nih chun, “Lalpa asi lo; a thianglo mi leh a nâwmtâm mi zeikhawm ka ei dahlo,” a ti.

THILTI 10:25

Chun, Peter chu a lût awt liau takah Kornelia nih chun a va dawng le, a kê bulah a bawkbukhup le, Pathian hâwi hen a mâimûk.

1 KORIN 14:25

Chun, bawkbukhup hen mâi an mûk lai le, Pathian nan lakah a um ti a phuang lai.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.