MATHAI 7:23 - Bawm Common Language Bible Version

²³ Chu ni ah chun ‘Nannih thilsual titu tla, ka nan theih na loh, ka sin thawk hen kal u,’ ti hen, annih chu ka simh na teh lai.

MATHAI 7:23 ပူးပေါင်းရင်းမြစ်များ

SAM 119:115

Nannih misual tla, ka sinah mi kal ving u, ka Pathian thupêk tla chu ka zûl awt.

SAM 5:5

Mi â zûm mi mitmuh ah na dîr kho lo le; misual tla chu na hua na.

SAM 6:8

Nannih misual tla, kal ving u! LALPA nih ka ṭap mi a theih le,

MATHAI 25:12

Anih lam nih chun, ‘Thungâi tak hen ka nan simh na, ka nan theih na lo asi,’ a ti le, a sâng.

MATHAI 25:41

“Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

LUK 13:25

In dâwngpu a thawk hen, in a khâr nûnah chun, nannih lênglei ah dîr hen, ‘Lalpa in hawng kan awnh,’ ti hen, inkhâr nan hawng kik tikah anih nih: ‘Kha zei lei mi me nan si ka nan theih na lo;’ ti hen a nan sâng na lai:

LUK 13:27

Chun, anih nih, ‘Ka nan simh na, kha zei lei mi me nan si ka nan theih na lo’ nannih thilsual ti zawzawng tla: ka sinah mi kal ver u,’ a ti teh lai.

JOHAN 10:14

Kei lam chu dawrâ vêngtu ṭha kasi; Pa nih a ka theih mi leh kei nih Pa ka theih hâwi hen ka tâ ka theih le; ka tâ khawm nih an ka theih asi;

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.