MATHAI 7:21 - Bawm Common Language Bible Version

²¹ “ ‘Lalpa, Lalpa’ hawng ka titu namên Vân Ram ah an lût lai lo; ka Pa vân ah mi duhzia titu lam chu an lût lai.’

MATHAI 7:21 ပူးပေါင်းရင်းမြစ်များ

MATHAI 12:50

Âuzawng ka Pa vân ah mi duhzia titu zawng chu ka unau tla, ka farnu tla, ka nu tla an si,” a ti,

MATHAI 16:17

Chun, Jisu nih a sinah, “Simon, Johan fapa, na thaw a suak; minung nih a nan theihtir mi asi lo le, ka Pa vân ah mi nih a nan theihtir mi asi dauh.

MATHAI 18:10

“Hi bang mi mê tla lakah pakhat khawm hi zauhnawmh lo ding hen a thiamthih u; an vânmifial tla nih vân ah ka Pa vân ah mi mêl chu an muh kumza tâwn ti ka nan simh na hi.

MATHAI 18:19

“Thungâi tak hen ka nan simh nawlh na, tual tlûnah hin nan lakah minung panih an thil deih leikâng ah thu anna rual chun, ka Pa vân ah mi nih ti piak hen an um lai.

MATHAI 18:3

“Thungâi tak hen ka nan ti na, nanna lêt hen ngâksiatê hâwi nan silo chun Vân Ram ah nan lût rîlmâl lai lo.

MATHAI 18:35

Mi kip nih thinlung tak hen nan unau tla nan ngaihdam lo chun ka Pa vân ah mi khawm nih chu hâwi ber hen nan tlûnah a ti bâk lai,” a ti.

MATHAI 19:24

Chun, ka nan simh nawlh na, minei Pathian Ram ah lût ngâk hen sangâwngsâu ṭhim kua ah lût a awl dauh,” a ti.

MATHAI 25:10

Chun, châwk ding hen an kal kar chun mo dâwngpu chu a hawng tlung rawh. Chun, a râlring mi tla chu amah hen lâwinâk puai ah an lût le, chun, in chu an khâr rawh.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 26:39

Chun, tâwm hen mâi leiah a va kal le, a bawkbukhup le, “Ka Pa, tikho asi chun hi hâi nih hin hawng ka lanh seh; sikhawmsele keimah thu silo hen, nangmah thu thu si dauh seh,” ti hen thla a cham.

MATHAI 26:42

Chun, veinihnâk ah a va kal le, thla a cham nawlh le, “Ka Pa, din lo hen hi hâi nih hin hawng ka lanh kho lo thlo chun nangmah thu thu si seh,” a ti.

MARK 3:35

Âuzawng Pathian duhzia titu vial chu ka unau, ka far, ka nu tla an si,” a ti.

MARK 9:47

Chun, na mit nih a nan tlûktir chun, chawih zek;

LUK 11:28

Sikhawmsele, anih lam nih chun, “Pathian thu theih hen zâwttu tla hi mi vânṭha an si dauh, ti sim a ṭha dauh,” a ti.

LUK 13:25

In dâwngpu a thawk hen, in a khâr nûnah chun, nannih lênglei ah dîr hen, ‘Lalpa in hawng kan awnh,’ ti hen, inkhâr nan hawng kik tikah anih nih: ‘Kha zei lei mi me nan si ka nan theih na lo;’ ti hen a nan sâng na lai:

LUK 18:25

Mi nei Pathian Ram ah lût ngâk hen sangâwngsâu ṭhim kua lakah lût a awl dauh asi,” a ti.

LUK 6:46

“Chun, nannih nih zei rangah me ka thu zâwt ṭung lo hen, ‘Lalpa,’ nan ka ti lemang?

JOHAN 14:7

Kei hawng ka theih mi si ule, ka Pa khawm nan theih rawh ding mi; tu thawk hen amah nan theih le, amah nan muh rawh,” a ti.

JOHAN 15:23

Âuzawng kei hawng ka huatu nih chun, ka Pa khawm a hua asi.

JOHAN 3:5

Jisu nih a sâng le, “Thungâi tak hen ka nan simh, mi âukhawm tî ah leh Thlarau ah a suak lo chun Pathian Ram ah a lût kho lai loh.

JOHAN 5:17

Sikhawmsele, Jisu nih annih chu a sawnh na le, an sinah, “Ka Pa nih tutiang khawm hen rian a ṭuan tâwn, kei khawm nih ka ṭuan tâwn,” a ti.

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

ROM 2:13

Chun, mi nih Dân a theih mi ko asi chun Pathian lakah mirep asi lo, Dân nih a herh a ti mi tla a ti chun Pathian lakah mirep asi lai.

EPHESI 6:6

minung mitzauh vêng hâwi cho silo hen, Krist to-aw hâwi hen, thinlung ah Pathian duhzia ti dauh hen,

KOLOSA 4:12

Epaphra nanmah lakah mi, Krist Jisu to-aw nih hin chibai a nan bûk na. Anih nih chun Pathian duhzia zawng upat leh lung thlirnâk nei hen nan dîr khonâk ding hen a thlachamnâk tla ah chun nanmah tla rangah â ṭang kumza tâwn asi.

1 THESALONIKA 4:3

Pathian duhzia nan thenhlimhnâk ding chu hi hi asi, duhnâk hi bâng tâk ule;

1 THESALONIKA 5:18

zeizawng ah lâwmthu sim kumza u; chu chu nanmah lei thu ah Krist Jisu ah Pathian duhzia asi ruangah.

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.

HEBRAI 13:21

Jisu Krist zârah amah duhzia ti ding leh amah lawmhtirtu ah um ding hen thlangamhtu Pathian nih chun thil ṭha nan duh mi zawzawng an pêk na seh. Jisu Krist sinah rokualnak zungzâl hen um seh! Amen.

HEBRAI 4:6

Chun, zeimaw mi chu Pathian sinah dinhnâk ah lût ding mi an um. Thâwngthâng Ṭha thusim theih masatu tla chu an lung lo ruangah Pathian sinah lût hen anna dîn lo.

JEM 1:22

A thu ngâi salam hen â lah ule, chu ngâk chun ti ding hen a tum dauh u.

1 PETER 2:15

Nan thil ṭha ti hen mi a hawlh salam mi tla chu na bângtir ding hen Pathian nih a nan duh na asi.

1 PETER 4:2

Churawhchun, tu thawk hen chun minung duh dân silo hen, taksa ah nan um kar zawng chu Pathian duhzia hen nan um ding asi.

THUPHUANG 2:27

Tual bêl mân dip hen vuak mi hâwi hen thîr ṭhianṭhunh hen lâi an rêl piak na lai.

THUPHUANG 22:14

An nipuan thiang tak hen suktu leh nungnâk thing rah ei hen khuapi kawtkâ ah a lût khotu tla chu an thaw a suak.

THUPHUANG 3:5

A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.