MATHAI 7:2 - Bawm Common Language Bible Version

² Nan simsâwi na hâwi ber hen an simsâwi na lai; nan tahnâk tê hen an tah piak nawlh na lai.

MATHAI 7:2 ပူးပေါင်းရင်းမြစ်များ

2 SAMUEL 21:5

Annih nih an sâng le, “Saul nih rawk hep ding hawng kan duh le, Israel ram ah hin pakhat khawm nung hen zuah ding hawng kan duh lo.

SAM 109:17

Siatbarh asi khonâk ding hen siatbarh a duh! Âukhawm nih bâwngmal sâwm lo ding hen bâwngmal sâwm a hua!

EXODUS 21:24

mit ruangrûl ah mit, ha ruangrûl ah ha, kut ruangrûl ah kut, kezaphah ruangrûl ah kezaphah,

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

JEREMIA 34:17

Churuangah tuah Kei, LALPA nih, ka thu nan ngâilo ti ka sim asi: nan hâwi Israel rangah thawsuaknâk nan pêk na lo. A ṭha ma chu, asi chun, thawsuaknâk ka nan pêk na lai: râltuknâk, râi, pâmnâk lakah thi ding mi thawsuaknâk chu. Nan lakah thil ka ti mi hen laikulh phun kip ka lâutir na awt.

JEREMIA 51:24

LALPA nih, “Babulon leh a mi tla chu Jerusalem ah an thilsual ti zawzawng ruangah lehrûl ka sam na mi nan ka muh lai.

OBADIAH 1:15

“Kei, LALPA nih phun zawzawng lâi ka rêl ding ni chu a nâi rawh. Edom, na thilti hâwi hen na tlûnah ti hen a um lai. Na pêk na hâwitê hen na tawng lai.

MATHAI 6:14

“Mi an buar mi tla nan ngaihdam chun nan Pa vân ah mi nih a nan ngaihdam na bâk lai.

MARK 4:24

Chun, amah nih an sinah, “Nan ngâi mi chu zei me asi a thiamthih u; nan tahnâk lîlâ hen an tah piak na lai le, an pêk tam khun na lai.

LUK 6:38

Pêk u, pêk hen nan um lai; ṭhanemsemsê ngâi tak a tah hen, beng zat hen, ninh zat hen, liam pualmâl hen, nan kut ah an pêk na lai. Nan tahnâk lîlâ hen an tah piak na awt dangâiah,” a ti.

2 KORIN 9:6

Sikhawmsele, chu leikângah vawrh tâwm mi nih chun a ât tâwm lai, a vawrh tam mi nih chun a ât tam lai.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

THUPHUANG 18:6

Amah nih a nan ti na mi hâwi hen va tirûl bâk u, amah thilti lehnih hen rulh bâk u. A nan dintir na mi lehnih ngâk a chak hen, a hâi lakah tleng piak bâk u.

LÂIRÊL 1:7

Adonibezek nih, “Lalchem sâwmsarih kutpî leh kepî tan piak hen um mi tla nih ka dawhkân tangah eiphung neknâwi a tlâ mi an sar. Kei khawm an tlûnah ka ti na mi hâwitê hen ka lakah Pathian nih a ti bâk rawh mahi,” a ti. Jerusalem leiah an kalpi le, chunah chun a thi rawh.

LÂIRÊL 5:27

A khûp a tum rep le, a tlû ro, a kê kiangah a rîl thlo, A kê phûr ah a khûp a tum le, a tlû thlo. Tual ah a tlû le, a thi rawh.

1 SAMUEL 15:33

Na nâmsâu nih nu tam tak fa lo hen a siam na mi hâwi hen tuah na nu khawm fa nei lo hen a um lai,” a ti le, Agag chu Gilgal ah mi mâichâm kiangah a tuk dip.