MATHAI 7:15 - Bawm Common Language Bible Version

¹⁵ “Khuavâng telê lakah a thiamthih u; chu tla chu dawrâ vun aih hen nan sinah an hawng kal tâwn le, an sung leiah lam chun chingngia râwlṭâm an si ruangah.

MATHAI 7:15 ပူးပေါင်းရင်းမြစ်များ

1 Lal 13:18

Churawhchun, Bethel mi khuavâng tarpa nih a sinah, “Kei khawm nangmah hâwi hen khuavâng kasi bâk, LALPA thupêk hen vânmifial nih ka in ah kalpi ding leh sunhsaknâk an pêk ding hen hawng ka simh asi,”a ti. Sikhawmsele, chu khuavâng tarpa nih âwkrâwl thu a sim mi asi.

JEREMIA 29:21

“LALPA Zeizawng tikho, Israel Pathian nih Kolaiah fapa Ahab leh Maaseiah fapa Zedekiah a min hen âwkrâwl thu an simh natu thâwngthâng a sim. Anih nih chun Babulon lalchem Nebukadnezar thiltikho tak, nan mitmuh ah thah natu ding mi kutah a pêk na ding mi thu a sim.

EZEKIEL 13:16

khuavâng tla, Jerusalem ṭhalo pet hen ṭha ziar hen ruattu tla chu ka simh na lai!” a ti. LALPA Zahkâi nih a sim asi.

EZEKIEL 13:22

“Nan âwkrâwl thusim hen mi ṭha nganfâk pêk ding ka duh na lo mi tla, nan zerhtir ver na. Misual tla chu thilsual ti bâng ding mi leh an nungnâk hum hen um ding mi nan kham na.

EZEKIEL 22:25

Ruitu tla chu chakeibaknei nih ramsa an seh le, an rûm mi hâwi an si. Mi tla an thah na le, an tangka leh an thil-le-rî an tawng mi tla chu an lâk piak hep na le, an mi thah ruangah numei tam tak an um.

EZEKIEL 22:27

Sawrkar rianṭuantu tla chu, chingngia nih ramsa an thah mi sâm diptu hâwi an si. Nei ding duh hen mi an thah na.

DANIAL 11:34

Chu hâwi hen thahnâk a um liau chirah Pathian mi tla nih chun mah mâi sial mi zûltu tam tak um na menza khawmsele ṭangpinâk tâwm an tawng lai.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

ZEKARIA 13:4

Chu tikah chun khuavâng âukhawm langhnâk muh ruangah anna zûm lai lo rawh le, mi tla hum ding hen khuavâng thuam hen khawm anna thuam lai lo.

MATHAI 10:17

Sikhawmsele, minung lakah chun a thiamthih u; lâirêltu tla a nan tleihtir na lai le, pumhnâk in tla ah an vuak na lai le;

MATHAI 16:11

Sang thu nan sinah ka sim lo ti zeitin zia nan theih lo? Farisai leh Sadukai thilnu lakah chun a thiamthih u,” a ti.

MATHAI 16:6

Chun, Jisu nih an sinah, “Farisai tla leh Sadukai tla thilnu lakah chun a vêng ule, a thiamthih u,” a ti.

MATHAI 24:11

Chun, khuavâng telê tam tak khawm an hawng suak lai le, mi tam tak an perpet lai.

MATHAI 7:14

Nungnâk ah kalnâk kawtkâ chu a bî le, a lam khawm a tawr le, a tawngtu tla khawm tâwmtê an si.

LUK 12:15

Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.

LUK 6:26

“Mi zawzawng nih an nan sawr na tikah nan tlûn a pit teh lai. Chu hâwi ber hen an thlâktu tla nih khuavâng telê tlûnah an ti kha.

JOHAN 10:12

Lawh kal mi, dawrâ vêngtu tak silo hen dawrâ tla a tâ silo mi nih chun chingngia a hawng kal mi a muh chun dawrâ tla a tektâk tâwn; chun chingngia nih chun a seh na le, a rektir phin na tâwn;

THILTI 13:40

Churuangah râlring u, chu lo chun khuavâng tla lasuibu ah an sim mi kha nan tlûnah a tlung lebang lai:

THILTI 13:6

Chun, tikulh chu Paphos khua tiang hen an ṭawl ver le, dâwithiam, khuavâng telê, Juda mi pakhat an muh, a min chu Bar-Jisu asi.

GALATIA 2:4

chu chu unau telê a thup hen an hawng lûtpi na mi ruangah asi; chubang tla chu to-aw ah hawng kan siam khonâk ding hen Krist Jisu ah chun thawsuaknâk kan nei mi hi thlingthlâk ding hen a thup hen an lût.

EPHESI 4:14

fing perpet a minung perpet bû hen, sîntirnâk thli kip nih khatlei khatlei ah vawrh leh ranh mi ngâksia kan si lai lo rawh le,

EPHESI 5:6

Âukhawm nih thu salam hen an perpet lah na seh; chubang thu ruang chun Pathian thinrunhnak lunglo mi tla tlûnah a tlung tâwn.

PHILIPI 3:2

Ui tla, fêmtan ding an duhpi natu lakah chun a thiamthih u, thil ṭhalo titu tla lakah chun a thiamthih u.

KOLOSA 2:8

Thiamthih u, chu lo chun âuzawng nih Krist thu hâwi silo hen, minung thurovuih leh laikulh thlarau tla lâirêlnâk hâwi dauh hen an thufing leh perpetnâk salam hen râl lâk hen an lâk na lebang lai.

2 TIMOTHE 3:13

Misual leh perpettu tla lam chu mi perpet leh mah khawm mi perpet a um hen an sual dadauh lai.

2 TIMOTHE 4:3

Sîntirnâk dik an ngâi huam lo tik a hawng tlung awt ruangah; an nâ tla a zâ ruangah anmah duhkâng mi sîntirtu tla an sinah an pumh na lai le,

2 PETER 3:17

Chun, duhtak le tla, nannih nih chubang thu chu nan hawng theihkan ruangah a râlring u, chu lo chun misual diklonâk ah kalpi sual a um hen, bir tak hen nan um mi nan tlû sual lai.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.

THUPHUANG 16:13

Chun, rûlrêu leh sarâng leh khuavâng telê kâ thawk hen thlarau nâwmtâm pathum chu-uh hâwi an hawng suak mi ka muh.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.