MATHAI 7:14 - Bawm Common Language Bible Version

¹⁴ Nungnâk ah kalnâk kawtkâ chu a bî le, a lam khawm a tawr le, a tawngtu tla khawm tâwmtê an si.

MATHAI 7:14 ပူးပေါင်းရင်းမြစ်များ

SAM 16:11

Nungnâk lampi leikâng chu na ka zauhtir le, na hawng ka umpinâk nih lâwmnâk a khattir hen, zungzâl lâwmnâk ah hawng ka tlunh.

THUFING LASUIBU 8:20

Mirep lampi ka zawh le; diknâk lampi ka zûl.

ISAI 30:21

Vawrhlei ah mawh kehlei ah mawh vâi khawm ule, nan dunglei ah hi hâwi thu a sim mi nan theih lai, “Hinah lampi a um hi! Hinah kal u,” ti hen.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 57:14

LALPA nih, “Ka mi tla ka sinah hawng kîr na seh. An lampi khamtu chu lawnh na seh! Lampi remh hen timhtuah zet hen siam na seh!

JEREMIA 6:16

LALPA nih a mi tla sinah, “Lamṭhuam ah dîr ule, zauh u. A lânah mi lampi tla leh lampi ṭha chem umnâk chu deih u. Chu lakah kal ule, thlangam tak hen nan um lai,” a ti. Sikhawmsele annih nih, “Ihih, kan kal awtlo!” an ti.

MATHAI 20:16

Chu hâwi hen madung chem tla chu masa chem an si teh lai, masa chem tla khawm chu madung chem an si teh lai,” a ti.

MATHAI 22:14

“Sâwm tla chu tam tak an si le, thîm tla lam chu tâwmtê an si,” a ti.

MATHAI 7:13

“Kawtkâ bî ah chun lût u; tlâunâk ah kalnâk kawtkâ chu a kâu le, a lampi khawm a kâu le, chu leiah lût mi chu tam khawm thungâi an tam.

MATHAI 7:15

“Khuavâng telê lakah a thiamthih u; chu tla chu dawrâ vun aih hen nan sinah an hawng kal tâwn le, an sung leiah lam chun chingngia râwlṭâm an si ruangah.

MARK 8:34

Chun, mi zapi tla chu a ṭhiruai tla hen a kawh na le, an sinah, “Âuzawng nih hawng ka zûl a duh chun mah a pheh hen a kraws put hen hawng ka zûl seh.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

ROM 9:32

Zei ruang ah me? Lungnâk hen an zûl lo le, thilti a tawng kho hâwi hen an zûl ruangah asi. Tlûknâk lung ah chun an tlu le,