MATHAI 7:12 - Bawm Common Language Bible Version

¹² “Chuvachun, thil zeizawng mi nih nan tlûnah ti sele, nan duh hâwi hen mi tlûn khawm ah ti bâk u; chu chu Dân leh khuavâng tla thu asi rêng asi.

MATHAI 7:12 ပူးပေါင်းရင်းမြစ်များ

EZEKIEL 18:21

“Misual nih a thilsual ti a bâng hen, ka dân a zûl hen thil ṭha a ti chun a thi lai lo le; a nung ngelchel lai.

LEVITICUS 19:18

Âukhawm lehrul sam hen hua kumza lah. Sikhawmsele nangmah na dâwt hâwi hen na zâwlbâwm dâwt rawh. Kei, LALPA chu kasi.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

MATHAI 5:17

“Mosi Dân thu mawh khuavâng tla sîntirnak thu mawh veih ding a hawng kal hen hawng ka ruat lah u; veih ding hen hawng kal kasi lo le, rangtlingtir ding hen hawng kal kasi dauh.

LUK 6:31

Chun, mi nih nan tlûnah ti ding nan duh na hâwi hen, mi tlûn khawm ah ti bâk u.

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

JEM 2:8

Pathian lasui thu nih, “Nangmah na dâwt hâwi hen na zâwlbâwm tla na dâwt ding asi,” ti mi Pathian Ram dân nan zawt chun nan ti dik asi.