MATHAI 7:11 - Bawm Common Language Bible Version

¹¹ Chuvachun, nannih misual men nih nan fa tla thil ṭha pêk ding dân nan theih chun, nan Pa vân ah mi nih chun a deihtu tla chu thil ṭha a pêk dauh khun lai lo mazei?

MATHAI 7:11 ပူးပေါင်းရင်းမြစ်များ

GENESIS 6:5

LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le,

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

2 SAMUEL 7:19

Sikhawmsele, na thilti hi ruat ngâk hen a tam. LALPA zahkâi, tik a hawng um ding mi lakah thlâk tla hawng ka neitir ding hen thu na tiam. LALPA, zahkâi, chubang chu minung rangah na muhtir!

JOB LASUIBU 15:16

Mi nih sualnâk chu tî hâwi hen a din le, asi, minung chu a râwk dep le, zei rua khawm asi lo rawh.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

SAM 85:12

LALPA nih kan sul-le-lam a tluangtir lai le, kan ram nih neihnâk a suah lai.

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

ISAI 49:15

Churuangah LALPA nih a sâng le, “Nunau nih a fa a philh hen a pâwi mi fasêm dâwt lo hen a um mazei? Nunau nih a fasêm a philh menza khawmsele kei chu ka nan philh dah na awtlo.

ISAI 63:7

LALPA dâwtnâk tlawlh dahlo ka sim lai le; Kan rangah thil a ti mi zawzawng ruangah amah chu ka sawr lai. A dâwtnâk leh khuaruatnâk dawnglo ruangah Israel mi tla chu cherkhet hen mal a sâwm na.

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

JEREMIA 33:14

LALPA nih, “Israel leh Juda mi tla sinah thutiamnâk ka siam mi rangtlingtir ding tik chu a tlung rawh.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

MALAKI 1:6

LALPA Zeizawng tikho nih bâwlpu tla sinah, “Fapa nih chun a pa a zah le, to-aw nih a hotu a zah. Kei nan pa kasi mi zei rangah nan ka zah lo zia? Nan hotu kasi mi, zei rangah nan hawng ka zah lo? Nan hawng ka zauhnawmh le, ‘Zei hâwi hen kan zauhnawmh lai,’ ti hen nanna deih.

MATHAI 23:9

Chun, tual tlûnah hin âukhawm ka pa ti lah u, nan Pa chu pakhat cho asi, vân ah mi khi.

MATHAI 7:10

Asi lo leh, ngâ deih sele, âunih rûl a pêk lai?

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

ROM 3:9

Asi chun, kannih Juda tla hi Phundang tla ngâk hen kan ṭha khun mazei? Si lo e! Juda tla leh Phundang tla chu sual thiltikhonâk tangah an um ver asi ti a lân khawm ah ka zauhtir rawh kha.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

GALATIA 3:22

Sikhawmsele, Jisu Krist lungnâk ruangah thil tiam chu a lungtu tla sinah pêk asi khonâk ding hen Pathian lasui thu nih chun sual tangah zeizawng a khâr ver.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

1 JOHAN 3:1

Ngâinik u, Pa nih hawng kan dâwt zia chu a fâk a! A dâwtnâk fâk tak ruangah Pathian fa ah kawh hen kan um hi, chu hâwi chu kan si, hi ruangah laikulh nih hawng kan theih lo asi, amah chu an theih lo ruangah.

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.