MATHAI 6:9 - Bawm Common Language Bible Version

⁹ Chuvachun, nannih nih chun hi hâwi hen thlacham u: ‘Kan Pa vân ah mi, Na min zah hen um seh.

MATHAI 6:9 ပူးပေါင်းရင်းမြစ်များ

2 SAMUEL 7:26

Na min chu rokual tak hen a thang lai le, mi zawzawng nih ‘LALPA zeizawng tikho chu Israel Pathian asi,’ an ti kumza lai le, zeiliau zawng ah ka lalram chu na kilkâwi lai.

1 Lal 8:43

an thlachamnâk chu ngâi piak na. Na mi Israel tla nih an ti mi hâwi hen zei se ti piak ding hen a nan deih, na umnâk vân thawk hen ngâi piak na, laikulh mi zawzawng nih na thu an ngâi khonâk ding hen; chu tikah hi Biakin ka sak mi hi nangmah sawnhnâk in asi ti an theih lai.

1 CHRONICLES 17:24

Na minthangnâk chu a rokual lai le, mi nih, 'Israel lakah LALPA zeizawng tikho chu Pathian asi,’ an ti lai. Chun, ka lal sinâk chu na kilkâwi kumza lai.

2 CHRONICLES 20:6

Lalchem Jehosaphat chu an mâika ah a dîr le, hâu fâk tak hen thla a cham. “LALPA hawng kan thlâktu Pathian, nangnih vân thawk hen laikulh ah mi phun zawzawng tlûnah lâi na rêl. Nang chu thil na tikho hen na chak, âukhawm nih do kho ding mi na si lo.

NEHEMIAH 9:5

Hi bang Levi tla rang hin Pathian sawnh ding hen an kawh na: Jeshua, Kadmiel, Bani, Hasabneiah, Serebiah, Hodiah, Sebaniah leh Pethahiah tla hi. Annih nih chun, “Dîr ule, LALPA nan Pathian sawr u; zungzâl zungzâl hen sawr u! Mikip nih a min rokual sawr na seh, minung sawrnâk ko chu tâwk lah menza khawmsele,” an ti.

SAM 111:9

A mi le chu a suah na, zungzâl thudântuk a siam. Thenhlimhnâk leh thiltikhonâk chu amah asi!

SAM 115:3

Kan Pathian chu vân ah a um, a duh mi zawng a ti.

SAM 72:18

LALPA, Israel Pathian chu sawr u, hi bang thilchê tla hi amah cho nih a ti.

ISAI 37:20

Tuah LALPA, kan Pathian, laikulh phun zawzawng nih nangmah lâwng Pathian na si ti an theih khonâk ding hen Asiria lakah mi hawng kan hum rawh,” a ti.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 6:3

An ektê hen anna auh tawnh: “A thenhlimh, A thenhlimh, A thenhlimh! LALPA Zeizawng tikho chu a thenhlimh! A rokualnâk nih laikulh a khattir,” ti hen.

ISAI 63:16

Nang chu kan pa na si. Hawng kan thlâktu Abraham leh Jakob nih hawng kan theihpi lo le, sikhawmsele LALPA nang chu kan pa, ruang hawng kan suah kumzatu na si.

ISAI 64:8

Sikhawmsele, LALPA, nang chu kan pa na si. Kannih chu sunhtlung valei hâwi kan si, nang chu bêl hêmtu hâwi na si. Nangmah siam mi kan si,

ISAI 66:1

LALPA nih, “Vân chu ka tophah asi, tual chu ka kê thângnâk asi. Chu hâwi asi chun ka umnâk ding hen zeitin mi in nan hawng ka sak piak hen mun nan hawng ka siam piak kho awt?

EZEKIEL 36:23

An lakah nan mualphoh mi ka min thenhlimh rokual, phun tla sinah ka langhtir tikah chun Kei, LALPA kasi ti an theih lai rawh. Kei, LALPA Zahkâi nih ka sim asi. Ka min thenhlimh zia phun tla rangah muhtirtu ah ka nan mang na awt.

EZEKIEL 38:23

Hi hâwi hen phun zawzawng tla chu ka rokual zia leh ka thenhlimh zia ka zauhtir na lai. Chu tikah kei LALPA kasi ti an theih lai,” a ti.

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

HABAKUK 2:14

Sikhawmsele tipi chu ti hen a khat hâwi hen, tual chu LALPA rokualnâk hen a khat lai.

ZEKARIA 14:9

Churawhchun, LALPA chu tual pumpi tlûnah lal asi lai le, mikip nih amah chu an sawnh lai le, a min an theih dân â bang rang lai.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

MATHAI 10:29

Phâisen phittê panih Assarion khat hen an zuar tâwn lo mazei? Sikhawmsele, an lakah pakhat khawm nan Pa thu lo hen tual ah a tlâ lai lo.

MATHAI 23:9

Chun, tual tlûnah hin âukhawm ka pa ti lah u, nan Pa chu pakhat cho asi, vân ah mi khi.

MATHAI 26:29

Sikhawmsele, ka nan simh na, ka Pa Ram ah nanmah tla hen a thar ka din ni a tlung lânlo chu tu thawk hen grep zûn rah lakah mi hi ka din nawlh lai lo rawh,” a ti.

MATHAI 26:42

Chun, veinihnâk ah a va kal le, thla a cham nawlh le, “Ka Pa, din lo hen hi hâi nih hin hawng ka lanh kho lo thlo chun nangmah thu thu si seh,” a ti.

MATHAI 5:16

Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

MATHAI 5:48

Chuvachun, nan Pa vân a mi a ṭha rangtling hâwi hen nan ṭha rangtling ding asi.

MATHAI 6:14

“Mi an buar mi tla nan ngaihdam chun nan Pa vân ah mi nih a nan ngaihdam na bâk lai.

MATHAI 6:6

Nang lam nih chun thla na cham chun na in kardang sung ah lût le, na in khâr le, na Pa a thup hen um mi sinah thlacham rawh; chun, na Pa a thup hen muh tâwntu nih chun a nan rulh lai.

MATHAI 7:11

Chuvachun, nannih misual men nih nan fa tla thil ṭha pêk ding dân nan theih chun, nan Pa vân ah mi nih chun a deihtu tla chu thil ṭha a pêk dauh khun lai lo mazei?

LUK 15:18

Ka thawk lai le, ka pa sinah ka kal lai le, a sinah, Pa, Pathian lakah leh nangmah mitmuh hen thil ka sual; na fapa si tlâk kasi lo rawh.

LUK 15:21

Chun, a fapa nih a sinah, ‘Pa, Pathian lakah leh nangmah mitmuh hen thil ka sual; na fapa si tlâk kasi lo, a ti.

LUK 2:14

“Chungnung chem ah Pathian rokual tak hen um seh. Tual tlûnah a lawmh ngâi mi minung tla sinah remnâk lêng seh,” an ti.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

ROM 8:15

Lâu ah um nawlh ding hen to-aw sinâk thlarau nan tawng asi lo le, fa sinâk thlarau nan tawng asi dauh, chu thlarau ruangah chun ‘Abba, ka Pa’ ti hen kan âu tâwn hi.

GALATIA 1:1

Pawl, mifial minung tla fial si lo hen, minung zârah khawm silo hen, Jisu Krist leh mithi lakah mi thawhtu Pa Pathian zârah asi dauh ti mawh

GALATIA 4:6

Chun, fa nan si ruangah Pathian nih a Fapa Thlarau chu “Abba, ka Pa” ti a auh hen, kan thinlung ah a hawng fial.

1 TIMOTHE 6:16

Amah cho nih thih kholonâk a nei, chêu naih kho lo rê ah a um le, amah chu âukhawm nih an muh dahlo, muh khawm an muh kho ber lo, amah sinah zungzâl chawnglawmhnâk leh thiltikhonâk um seh. Amen.

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

THUPHUANG 4:11

“Nang kan Lalpa leh kan Pathian, rokualnâk tla, chawnglawmhnâk tla, thiltikhonâk tla tawng tlâk na si. Nangnih zeizawng na siam le, nangmah duh thu hen nungnâk na pêk na asi,” an ti.

THUPHUANG 5:12

“Dawrâ Fa thah rawh mi hi, thiltikhonâk tla, neih leh siahnâk tla, finghnâk tla, chaknâk tla, chawnglawmhnâk tla, rokualnâk tla, malsâwmnâk tla tawng tlâk asi,” ti hen la an sak.