MATHAI 6:6 - Bawm Common Language Bible Version

⁶ Nang lam nih chun thla na cham chun na in kardang sung ah lût le, na in khâr le, na Pa a thup hen um mi sinah thlacham rawh; chun, na Pa a thup hen muh tâwntu nih chun a nan rulh lai.

MATHAI 6:6 ပူးပေါင်းရင်းမြစ်များ

2 Lal 4:33

In a khâr le, LALPA sinah thla a cham.

SAM 34:15

LALPA nih mirep tla chu a vêng na le, an âu hâu a ngâi piak na.

THUFING LASUIBU 25:22

Ningzak na saih lai le, LALPA nih lâwmman a nan pêk lai.

ISAI 26:20

Ka mi tla, nan in sungah va kal ule, in a khâr khumh pang u. Pathian thinthawknâk a reh lânlo chu hun sâwtlotê va a thup rih u.

ISAI 65:24

Ka sinah thla an cham mi anna lîm lânah ka sâng sawm na lai.

MATHAI 14:23

Chun, mi zapi chu a ṭiaktir na nûnah thlacham ding hen tlângah a dang hen a kal le; chun, zânleibâi a hawng si rawh chun, chunah chun amah cho hen a um rawh.

MATHAI 6:18

chuvachun na Pa a thup hen um mi mitmuh ah cho lo chun minung mitmuh ah buh ngei hen na lang lai lo; chun, na Pa a thup hen muh tâwntu nih chun a nan rulh lai.

MATHAI 6:4

na zeilo pêk chu a thup hen a um khonâk ding hen; chuvachun, na Pa a thup hen muh tâwntu nih chun a nan rulh lai.

JOHAN 1:48

Nathanael nih a sinah “Nangnih zeitin na theih?” a ti. Jisu nih a sinah, “Philip nih a nan kawh lânah theipi phûr ah na um liau khan ka nan muh,” a ti.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

THILTI 10:30

Chun, Kornelia nih chun, “Ni li asi rawh, tu tik ding chirah hin ka in ah zânlei dâr thum ah thla ka cham le, minung pakhat puan chêu tak aih hen ka mâika ah a dîr le,

THILTI 10:9

Chun, a thâituan ah, an kal liauah Jopa khua kiang an tlung awt bâi ah, Peter chu thlacham ding hen nî sunh chirah, in tlûnah a kâi.

THILTI 9:40

Sikhawmsele, Peter nih chun an ektê hen a suaktir ver na le, a siksidîr le, thla a cham rawh. Chun, ruak leiah â hawi le, “Tabitha, thawk rawh,” a ti. Chun, a mit a hawng meng le, Peter a muh kâ hen a to.

ROM 8:5

Taksa Dân ah um mi tla nih chun taksa lei thil tla an duh tâwn. Thlarau lei Dân ah um mi tla nih chun Thlarau lei thil tla an duh tâwn.

EPHESI 3:14

Churuang chun, Krist chu lungnâk ruangah nan thinlung ah â chêl khonâk ding hen, a rokualnâk neih zia hâwi vima hen a Thlarau zârah minung sungril leiah chun thiltikhonâk ah chaktir hen a nan umtir na khonâk ding hen, Pa, tual leh vân ah dâwngsungkhur kip min putso mâika ah chun ka siksidîr tâwn le, chun Pathian rangtlingnâk zawng tluk hen khattir a nan um khonâk ding hen, nannih zângfahnâk ah ram thlâk leh ngauhsan nei a um hen, mi thenhlimh zawzawng hen a kauh zia, a sâu zia, a sâng zia, a thûk zia tla theihfiang khonâk, Krist zângfahnâk theih phâk lo theih khonâk nan nei kho lai.