MATHAI 6:5 - Bawm Common Language Bible Version

⁵ “Chun, thla nan cham chun mi perpê tla hâwi hen nan ti ding asi lo; mi nih an muh khonâk ding hen pumhnâk in tla ah, zâwllâi lamṭhuam tla ah dîr bû hen thlacham an sunhsak tâwn. Thungâi tak hen ka nan simh na, an lâwmman chu an tawng thluh rawh.

MATHAI 6:5 ပူးပေါင်းရင်းမြစ်များ

SAM 5:2

Ka lal leh ka Pathian, ṭangpi ding hen ka nan auhnâk hi hawng ngâi. LALPA na sinah ka nan ngiar.

SAM 55:17

Ka deihnâk leh ka rûmnâk chu, zîng leh sûn leh zân khawm ah a sinah a tlung kumza le, ka aw-hâu a ngâi lai.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 16:5

LALPA nih â zûm mi zawzawng chu a hua le, rêp lo hen a zuah na lai lo.

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

JEREMIA 29:12

Churawhchun, nan hawng ka auh lai rawh. Nan hawng hen ka sinah thla nan cham lai le, kei nih kan sâng na lai.

DANIAL 6:10

Churawhchun, lal nih a min a rîn rawh ti Danial nih a theih rawh chun in leiah a lâwi le, a umnâk in chawnh tlûnah Jerusalem hawi hen langawtkawt a um, chunah chun a ti kumza hâwi hen nisiar ni khat lâi ah veithum vima thla a cham.

MATHAI 21:22

Chun, zeizawng lung bû hen nan deih mi zawng chu nan tawng lai,” a ti le, a sâng.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

MATHAI 23:5

An thilti zawzawng chu minung muh ding ah asi an ti dauh tâwn. An thil bunh tla leh khimh tla chu an lian tir, an puansâr mûm an bawrtir tâwn.

MATHAI 23:6

Puaituahnâk tla ah mun ṭha chem ah, pumhnâk in ah tophah ṭha chem tla ah;

MATHAI 6:1

“Nan thil ṭha ti tla mi muh ding ah, minûng mitmuh ah tilo ding hen a thiamthih u; chu lo chun nan Pa vân a mi sinah lâwmman nan nei lai loh.

MATHAI 6:16

“Buh nan ngei tik khawm ah mi perpê tla hâwi hen zûr mêl put lah u; annih nih chun mi mitmuh ah buh an ngei mi an langh khonâk ding hen an mêl an zûrtir tâwn. Thungâi tak hen ka nan simh na, an lâwmman chu an tawng dih rawh.

MATHAI 6:2

“Chuvachun, mi sinah zeilo na pêk chun, mi perpê tla nih mi sawr an lawh khonâk ding hen, pumhnâk in tla ah, zâwllâi tla ah an ti tâwn hâwi hen na mâika ah tâwtawrâwt tumtir lah. Thungâi tak hen ka nan simh na, an lâwmman chu an tawng thluh rawh.

MATHAI 9:38

Chuvachun, fângzûn ding hen ṭuantu ding tla fial ding hen fâng dâwngpu sinah chun ngiar u,” a ti.

MARK 11:25

Chun, thlacham hen nan dîr tik zawng ah âu lak khawm ah thupawi zeimawh nan nei chun ngaihdam u; nan Pa vân ah mi khawm nih nan buarnâk tla chu a nan ngaihdam na khonâk ding hen.

MARK 12:38

Chun, a sîntirnâk ah chun, “Dân sîntirtu tla lakah a thiamthih u; annih nih chun kawrdawh fual ruk hen tawih an duh tâwn le,

LUK 11:43

“Nannih Farisai tla, nan tlûn a pit! Pumhnâk in ah tophah ṭha chem tla leh sumtuah zâwl ah chibai bûk lebang nan sunhsak tâwn.

LUK 18:1

Chun, lungdawng lo hen thla an cham kumza ding asi ti theihnâk ding hen ṭhiruai tla sinah tahṭhimh thu a sim:

LUK 18:13

“Siah khawlhtu lam chu lât takah a dîr le, vân lei khawm a zauh ngam lo. ‘Pathian, kei misual hi hawng ka zângfah,’ ti hen, a ir rerêng a chumh.

LUK 20:47

numei sum an ei le, mi perpet ding hen sâwt tak thla an cham tâwn; chubang tla nih chun mawh an phurh khun lai,” a ti.

LUK 6:24

“Sikhawmsele, nannih minei tla, nan tlûn a pit! Nan lungngamnâk nan tawng rawh ruangah.

JOHAN 16:24

Keimah min hen zeikhawm nan deih lo; deih u, chun nan tawng lai; nan lâwmnak a rangtling khonâk ding hen.

EPHESI 6:18

thlachamnâk leh deihnâk kip hen zeiliau zawng ah Thlarau a thlacham hen chu leikângah chun mi thenhlimh zawng rangah ṭhanemsemsê ngâi tak hen leh deih thlir hen a ringrâwn u.

1 THESALONIKA 5:17

bâng lo hen thlacham ule,

JEM 4:6

Sikhawmsele, zângfahnâk tam khun Pathian nih a pêk tâwn, churuangah Pathian lasui thu nih, “Pathian nih mi â zûm mi tla a do le, â nâutir mi chu zângfahnâk a pêk,” a ti asi.