MATHAI 6:4 - Bawm Common Language Bible Version

⁴ na zeilo pêk chu a thup hen a um khonâk ding hen; chuvachun, na Pa a thup hen muh tâwntu nih chun a nan rulh lai.

MATHAI 6:4 ပူးပေါင်းရင်းမြစ်များ

SAM 139:12

mûi chu na rangah a mûi lêm lo, zân khawm nang rangah chun sûn hâwi asi. Mûi leh chêu chu nang rangah chun â bang cho.

SAM 17:3

Ka thinlung na theih le; zân ah na ka veh. Na hawng ka zauh ver le, ka lakah sual duhnâk ka nei lo zia na muh.

THUFING LASUIBU 25:22

Ningzak na saih lai le, LALPA nih lâwmman a nan pêk lai.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

JEREMIA 23:24

Ka muh kho lo ding hen âukhawm anna thup kho lo. Tual leh vân mun kip ah ka um ti nan theih lo ma?

MATHAI 10:42

Chun, âuzawng hi bang hawng ka zûltu tla lakah a mê chem mi pakhat sinah hin, ka ṭhiruai asi ruangah, tî dâi hâi khat cho khawm pêktu zawng chu, thungâi tak hen ka nan simh na, an lâwmman chu an dawk rîlmâl lai lo,” a ti.

MATHAI 6:18

chuvachun na Pa a thup hen um mi mitmuh ah cho lo chun minung mitmuh ah buh ngei hen na lang lai lo; chun, na Pa a thup hen muh tâwntu nih chun a nan rulh lai.

MATHAI 6:3

Nang lam nih chun, mi sinah zeilo na pêk chun, na kut vawrhlei hen na ti mi chu na kut kehlei nih theih lah seh,

MATHAI 6:6

Nang lam nih chun thla na cham chun na in kardang sung ah lût le, na in khâr le, na Pa a thup hen um mi sinah thlacham rawh; chun, na Pa a thup hen muh tâwntu nih chun a nan rulh lai.

LUK 14:14

Chun, chubang nih chun an rulhnâk ding an nei lo ruangah na thaw a suak lai; mirep tla thawknawlh tikah Pathian nih a rulh na awt ruangah,” a ti.

LUK 8:17

“Puang lo ding hen pheh zeikhawm a um lo, theih lo ding hen leh lang lo ding hen thuh zeikhawm a um lo.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

HEBRAI 4:13

Thilsiam Pathian mitmuh ah a lang lo mi rerêng a um loh. A thilsiam zawzawng chu a mitmuh ah langh leh pho hen a um. Kanmah ngelchel nih kan thilti zia kan phuang ngelchel ding mi chu amah sinah asi.

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.