MATHAI 6:30 - Bawm Common Language Bible Version

³⁰ Chuvachun, mâng belh, tusûn ding a nung, a thâituan ah tappi ah tih nawlh salam ding men Pathian nih chu hâwi tluk a thuamh chun, nannih lung tâwm tla, nipuan a nan pêk tuktarâi na awtlo mazei? Nan lung tâwm chiam e!

MATHAI 6:30 ပူးပေါင်းရင်းမြစ်များ

SAM 92:7

Misual tla chu belh hâwi hen an ṭhang hen, thil diklo titu tla chu an sul-le-lam tluang hen an um kho; khawmsele, an ektê hen râwk dep hen an um lai.

MATHAI 14:31

Chun, Jisu nih a banh sawm le, amah chu a tleih le, a sinah, “Nang, lung tâwm, zei rangah na zumhmaih?” a ti.

MATHAI 16:8

Chun, Jisu nih chu chu a theih le, “Lung tâwm tla, zei rangah sang nan nei lo ruangah nan dawn?

MATHAI 17:17

Chun, Jisu nih, “Tu san lungnâk nei lo leh simh har tla, zei tiang me nan sinah ka um lai le, zei tiang me ka nan sang kho na lai? Amah chu ka sinah hin hawngpi u,” a ti le, a sâng.

MATHAI 8:26

Chun, Jisu nih chun an sinah, “Lung tâwm tla, zei rangah nan ṭih?” a ti. Churawhchun, a thawk le, thli leh rilî chu a fâi le; chun a hawng reh dup ko.

MARK 4:40

Chun, anih nih chun an sinah, “Zeirang chu tluk rak hen nan lâu le? Lungnâk rerêng nan nei lo rih mu?” a ti.

MARK 9:19

Chun, anih nih chun an sinah, “Tu san lungnâk nei lo le tla, zei ri me nan sinah ka um lai le? Zei ri me ka nan sang kho na lai? Amah chu ka sinah hawng ruai u,” ti hen a sâng.

LUK 12:28

Chuvachun, mâng belh, tusûn ah nung, a thâituan ah lungthu kâ ah tih nawlh ding men Pathian nih chu tluk rak hen a thuamh chun, aw nannih lung tâwm tla; chu ngâk chun nipuan an pêk khun na lai!

LUK 9:41

Chun, Jisu nih, “Tu san minung lungnâk nei lo leh lungkhung le tla, zei tiang me nan sinah ka um lai le, ka nan sang kho na lai? Na fapa chu hinah hawng put,” a ti le, a sâng.

JOHAN 20:27

Chun, Thom sinah chun, “Na kutdawng hen hawng tham le, ka kut tla hi zauh rawh; na kut hawng banh le, ka nâk tham rawh; lunglo hen um lah le, lung rawh!” a ti.

HEBRAI 3:12

Unau tla, a thiamthih u, chu lo chun Pathian nung chu bângtâk ding hen nan lakah âu sungah mawh lunglonâk thinlung sual a hawng um lebang lai.

1 PETER 1:24

Pathian lasui thu nih, “Mi zawzawng chu belh hâwi an si; an rokualnâk zawzawng khawm chawmpâr hâwi an si. Belh chu a uai le, a pâr chu a tlawng,