MATHAI 6:25 - Bawm Common Language Bible Version

²⁵ “Churuangah, ka nan simh na, zei me ka ei lai le, zei me ka din lai aw?’ ti hen, ‘Nan nungnâk thu leh zei me ka aih lai aw?’ ti hen nan taksa thu lungkham lah u. Ei ding ngâk hen nungnâk a sung-û dauh lo mazei? Nipuan ngâk hen taksa khawm a sung-û dauh lo mazei?

MATHAI 6:25 ပူးပေါင်းရင်းမြစ်များ

SAM 55:22

LALPA sinah na lawksawngnâk chu pêk le, amah nih a nan vêng lai; mi zumhkâi chu neh hen a umtir dahlo.

JEREMIA 45:5

Nangmah rang ê hen bulsantu na hâwl mu? Minung zawzawng tlûnah siatnâk ka hawng tlungtir lai, sikhawmsele na kalnâk zawng ah na nungnâk cho a him lai. Kei, LALPA nih ka sim asi,” a ti.

MATHAI 10:19

Sikhawmsele, an tleihtir na tikah chun, “Zeitin me, zei thu me ka sim lai?” ti hen lawksawng lah u; nan sim ding mi chu a tik takah chun a nan theihtir na awt ruangah.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 6:31

Chuvachun, ‘Zei me ka ei lai?’ mawh, ‘Zei me ka din lai?’ mawh, ‘Zei aih hen me ka um lai?’ mawh, ti lungkham lah u.

MATHAI 6:34

Chuvachun, thâi rang ding lungkham lah u, thâi nih chun amah rang ding ah a lungkham sawm awt ruangah. Ni khat rangah ni khat hamh chu â tâwk asi.

MARK 13:11

Chun, an ruai na hen, an tleihtir na tikah chun, ‘Zeime ka sim lai,’ ti hen, a dawnkan lah u; a tik takah chun a nan theihtir na mi zawng; chu tak chu sim u; a simtu chu nanmah nan si awt lo le, Thlarau Thenhlimh asi dauh awt.

MARK 4:19

sikhawmsele laikulh lungkhamnâk tla, neihnâk tla, perpetnâk tla, thil dang duhnâk tla chu a hawng lût le, thu chu a dawrh le, rah lo hen a hawng um tâwn.

LUK 12:11

“Chun, pumhnâk in ah mi tla, lal tla leh hotu tla mâika ah an kalpi na tikah chun, ‘Zeitin me, zei thu me ka sâng lai, zei thu me ka sim lai,’ ti hen lawksawng lah u;

LUK 8:14

Chun, bualingnei lakah chî a tlâ mi tla chu hi bang minung tla hi an si; an theih nûnah an kal le, taksa lei lungkhamnâk tla, neihsiahnâk tla, damsung nuamchênnâk tla nih chun a dawrh le, an rah a min dahlo.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

1 KORIN 7:32

Sikhawmsele, lungkham nei lo hen nan um ka nan duh piak na asi. Nupi nei lo mi nih chun Lalpa lawmhtir kho zia ding dawnnâk hen Lalpa lei thil chu a lungkham tâwn.

PHILIPI 4:6

Zei lak khawm ah lawksawng lah u; zeizawng ah thlacham leh deih hen, lâwmthusim tel vima hen, nan duhnâk tla chu Pathian sinah theihtir hen um dauh seh.

2 TIMOTHE 2:4

Kawrsen ah um ding hen thîmtu chu a lawmhtir khonâk ding hen, kawrsen âukhawm râltuk liauah tuliau damsung khuasaknâk tla ah a nawktir dah loh.

1 PETER 5:7

Anih nih a nan sunhsak na tâwn ruangah nan lawksawngnâk zawzawng amah lakah ap ver u.