MATHAI 6:24 - Bawm Common Language Bible Version

²⁴ “Âukhawm nih hotu panih rian an ṭuan kêp kho lo, pakhat hua hen pakhat a duh lai, asi lo leh, pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai lo.

MATHAI 6:24 ပူးပေါင်းရင်းမြစ်များ

GENESIS 47:17

Churawhchun, an ran zawzawng fâng thlengnâk ding hen Josef sinah an kalpi le, an dawrâ tla, rang tla, kêl tla, ranrual leh sanatung tla hen fâng a thleng piak na. Chu kum ah chun an ran neih tla zawzawng hen fâng a thleng piak na le, a pêk na.

1 Lal 18:21

Elija chu mi zapi tla sinah a va kâi le, an sinah, “Zei tiang riamruam me nan thinlung remh lo hen nan um awt? LALPA chu Pathian asi chun amah chu sawnh u; sikhawmsele Baal chu pathian asi chun amah chu sawnh ko u!” a ti. Sikhawmsele, zapi tla chu an dâisip.

2 Lal 17:41

Chu minung tla nih chun LALPA chu sawnh hen an milem khawm chu an sawnh fâwn, chu hâwitê hen chun an thlâk tla khawm nih tutiang hen an ti vima.

EZEKIEL 20:39

LALPA Zahkâi nih, “Israel mi zawzawng tla, tuah a lâwm u! Nan milem rian kha ṭuan vima ko u! Sikhawmsele ka nan simh na, hi nûn chun nan milem lakah thil nan ap mi nih ka min thenhlimh nan zah lonâk chu an bângtir na lai le, ka thu nan ngâi lai rawh.

ZEPHANIAH 1:5

Nî, thlâ leh ârfi tla sawnh ding hen in tlûnah kâitu vial chu ka veih hep na awt. Keimah hawng ka sawnhtu leh zumhkâi tak hen thutiamtu sikhawmsele, Milkom pathian an ti mi min hen thutiamtu tla chu ka veih na lai.

MATHAI 4:10

Chu ka hen Jisu nih a sinah, “Setan, kal ving! ‘Lalpa na Pathian sawnh le, amah rian cho ṭuan rawh,’ ti rîn asi,” a ti.

LUK 16:11

Sum telê lakah men zumh nan kâilo chun âunih me sum tak chu an kiltir na lai?

LUK 16:13

To-aw âukhawm nih hotu panih rian a kêp kho lo; pakhat hua hen pakhat a duh lai, asi lo leh pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai loh,” a ti.

LUK 16:9

“Chun, ka nan simh na, sum telê hen nan rangah hâwi tla siam u; sum a veih tikah zungzâl umnâk ah chun an umtir na nâk ding hen.

GALATIA 1:10

Asi chun, tuhin minung ma kan lêm, Pathian? Asi lo leh, minung ma lawmhtir kan tum ne? Minung lawmhtir hen um sele Krist to-aw kasi lai loh.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

2 TIMOTHE 4:10

Dema nih chun tuliau laikulh hi a sunhsak ruangah hawng ka kaltâk le, Thesalonika khua ah a kal rawh. Kresken chu Galatia ram ah a kal rawh le, Tita chu Dalmatia ah a kal bâk.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.