MATHAI 6:20 - Bawm Common Language Bible Version

²⁰ Vân ah rûlchawn leh a êk nih a ei lonâk ah mifîr tla nih an phûl hen an fîrlonâk ah chun nan ro tla khawng lehlam u.

MATHAI 6:20 ပူးပေါင်းရင်းမြစ်များ

ISAI 33:6

Phun tla sinah birhnâk a pêk lai. A mi tla chu a hum kumza na le, finghnâk leh theihnâk a pêk na. An ro rokual chem chu LALPA an zahnâk chu asi.

MATHAI 19:21

Jisu nih a sinah, “Ṭha rangtling hen um na duh chun, kal le, na neih chu zuar le, mipâm tla sinah pêk rawh; chuvachun vân ah ro na nei lai, chun hawng le, hawng ka zûl,” a ti.

MATHAI 6:19

“Tual ah rûlchawn leh a êk nih a einâk ah, mifîr tla nih an phûl hen an fîrnâk ah nan ro tla khawng lah u.

MARK 10:21

Chun, Jisu nih amah chu a zauh le, a zângfah le, a sinah, “Kâng khat na bat rih; kal le, na neih zawzawng zuar le, mipâm tla sinah pêk rawh, chun, vân ah ro na nei lai; chun hawng kal le, hawng ka zûl,” a ti.

LUK 12:33

Nan neih zawzawng zuar ule, mipâm tla sinah pêk u; vân ah mifîr kal lonâk ah, rûlchawn nih a râwk lonâk ah chun, tangka sâwngkhâwi li kho lo tla, neih vei kho lonâk ah nan ro khawng u.

LUK 18:22

Chun, Jisu nih chu chu a theih rawh chun a sinah, “Tu khawm ah kâng khat na bat; na neih zawzawng zuar le, mipâm tla sinah ṭhen, chuvachun vân ah ro na nei lai; chun, hawng kal le, hawng ka zûl,” a ti.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

1 TIMOTHE 6:19

Nungnâk, nungnâk tatak chu an kil khonâk ding hen tik hawng tlung ding mi rangah chun lungphûm ṭha tak an rangah khawng ding hen fawrh na.

HEBRAI 10:34

Rêng a tlâ mi tla tuarnâk chu nanna ting bâk rawh; thil ṭha dauh um kumza ding mi chu nan nei ti theih hen nan thil an lâk piak na mi tla khawm lâwm tak hen nan tuar kho asi.

HEBRAI 11:26

Mesia ruangah tuarnâk chu Aigupta ram rothil tla ngâk hen sum rokual dauh ah a ruat le, mâilei ah lâwmman pêk ding mi chu a chuanh ruangah.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

1 PETER 1:4

Churuangah, a mi tla rangah Pathian nih a siah mi malsâwmnâk rokual tak tla ting ding hen kan chuanh asi. Chu tla chu râwkkholo leh, nâwmtâm kâi lo leh nawh kholonâk mun vân ah nan rangah a nan kil piak na asi.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.