MATHAI 6:19 - Bawm Common Language Bible Version

¹⁹ “Tual ah rûlchawn leh a êk nih a einâk ah, mifîr tla nih an phûl hen an fîrnâk ah nan ro tla khawng lah u.

MATHAI 6:19 ပူးပေါင်းရင်းမြစ်များ

JOB LASUIBU 24:16

Zân ah mifîr tla chu in sungah an lût le, sikhawmsele, sûn ah anna thup le, chêu an sâi thiamlo.

JOB LASUIBU 31:24

Neih leh siah ka rinhsanh lo le,

SAM 39:6

dâidul tluk khawm asi lo. A thilti zawzawng zeikhawm asi lo; âunih â ting awt ti theihlo thlo hen neih a khawng.

SAM 62:10

Tha-le-zâng ko zumh lah; rawk hen lâwk a tum lah, neih leh siah khawmsele, chu lakah a ngauh lah.

EXODUS 22:2

A fîr mi chu a rulh ngelchel ding asi. Zeikhawm a nei lo chun a fîr mi ruangrûl ah amah chu sal ah zuar ding asi. Ran mawh, chawpê mawh, sanatung mawh, dawrâ mawh a fîr mi chu a nung hen a kil ko rih asi chun, pakhat ruangrûl ah panih a pêk ding asi. “Mifir nih zân ah in a rawk hen in dâwngpu nih a thah chun, minung thahtu mawhnâk tingtir ding asi lo. Sikhawmsele sûn lâi vâr ah asi chun mawh hen ngaih kho asi lai.

THUFING LASUIBU 11:4

Na thih ni ah neihnâk chu zeikhawm asi lo. Sikhawmsele zumhkâinâk nih na nungnâk chu a hum kho.

THUFING LASUIBU 16:16

Ngûn leh tangka ngâk hen, finghnâk leh theihnâk neih chu a ṭha tuktarâi.

THUSIMTU 2:26

Pathian nih amah lawmhtirtu tla chu finghnâk leh lâwmnâk leh theihnâk a pêk, sikhawmsele misual tla lam chu rian a ṭuantir na, a hâwltir na, a khawng tir na, an tawng mi tla chu amah lawmhtirtu tla rangah pêk ding hen. Zeikhawm an si lo, thli ṭhâwl mi hâwi asi.

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.

MATHAI 19:21

Jisu nih a sinah, “Ṭha rangtling hen um na duh chun, kal le, na neih chu zuar le, mipâm tla sinah pêk rawh; chuvachun vân ah ro na nei lai, chun hawng le, hawng ka zûl,” a ti.

MATHAI 6:20

Vân ah rûlchawn leh a êk nih a ei lonâk ah mifîr tla nih an phûl hen an fîrlonâk ah chun nan ro tla khawng lehlam u.

LUK 12:21

“Mah rangah neih khawng hen, Pathian leiah khawng lo mi chu, chu hâwi chu asi tâwn,” a ti.

LUK 12:33

Nan neih zawzawng zuar ule, mipâm tla sinah pêk u; vân ah mifîr kal lonâk ah, rûlchawn nih a râwk lonâk ah chun, tangka sâwngkhâwi li kho lo tla, neih vei kho lonâk ah nan ro khawng u.

LUK 12:39

Sikhawmsele, hi hi theih u, mifîr a hawng tik ding in dâwngpu nih theih sele, a vêng lai le, a in a pemhtir lai lo.

LUK 18:22

Chun, Jisu nih chu chu a theih rawh chun a sinah, “Tu khawm ah kâng khat na bat; na neih zawzawng zuar le, mipâm tla sinah ṭhen, chuvachun vân ah ro na nei lai; chun, hawng kal le, hawng ka zûl,” a ti.

LUK 18:24

Chun, Jisu nih amah chu a zauh le, “Mi nei tla chu Pathian Ram ah lût a har awt a!

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.