MATHAI 6:16 - Bawm Common Language Bible Version

¹⁶ “Buh nan ngei tik khawm ah mi perpê tla hâwi hen zûr mêl put lah u; annih nih chun mi mitmuh ah buh an ngei mi an langh khonâk ding hen an mêl an zûrtir tâwn. Thungâi tak hen ka nan simh na, an lâwmman chu an tawng dih rawh.

MATHAI 6:16 ပူးပေါင်းရင်းမြစ်များ

2 SAMUEL 12:16

David nih chu ngâksia dam ding hen Pathian sinah thla a cham. Zân siar hen a in kardang ah a lût le, ṭuang ah zân khuadei a rîl ko.

2 SAMUEL 12:21

A rianṭuantu tla nih, “Hi hi zei zia kan theihthiam lo thlo, ngâksia a dam liau lehlam ah na ṭap le, buh-an khawm na ei lo, a thih nûnah na thawk le, buh-an tla na ei!” an ti.

1 Lal 21:27

Elija nih thu a sim thluh rawh chun Ahab nih a puan a thlêk le, a lawnh ving le, salâpuan â aih; buh khawm ei lo hen salâpuan aih hen a it le, lawksawng leh zûr hen â sawk mang.

NEHEMIAH 1:4

Hi bang zawng thu ka theih rawh chun ka to le, ka ṭap rawh. Ni zeimaw zat chu ka lungfâk tuk ah tî-le-râwl ka ei lo. Pathian sinah thla ka cham,

ESTHER 4:16

“Juda zawzawng Susa ah pumh ver na le, ka rangah buh ngei hen thlacham u. Ni thum leh zân thum chu buh ei leh tî dinlo hen um u. Ka to-aw nungâk leh kei khawm nih chu hâwi kan ti bâk lai. Chu tikah dân si lah khawmsele lal sinah ka va kal lai, churuangah thi ding asi âwk le, ka thi ko lai,” a ti.

SAM 109:24

Buh ka tawng lo ruangah ka khûp tla a zê, zeikhawm kasi lo rawh, vun leh ruh cho hen ka um.

SAM 35:13

An damlo zâwnah lungkham tak hen puan ka aih, buh ei lo hen ka um; ka lû kûn hen thla ka cham,

SAM 69:10

Kei chu buh ngei hen ka nâutir le, mi tla nih an ka zauhnawmh.

DANIAL 9:3

Buh ngei hen salâpuan aih hen, vachâm lakah ka to le, LALPA Pathian sinah ṭhanem semsê ngâi tak a ngiar bû hen thla ka cham.

MALAKI 3:14

‘Pathian rianṭuan hi zeikhawm asi lo nan ti mi ruangah, LALPA nih a sim mi hâwi a thilti mawh thil kan ti rawh mi lakah pawi kan ti mi thu a sinah va langh ding tum hi zei me a ṭhatnâk a um?’ nan ti.

MATHAI 6:1

“Nan thil ṭha ti tla mi muh ding ah, minûng mitmuh ah tilo ding hen a thiamthih u; chu lo chun nan Pa vân a mi sinah lâwmman nan nei lai loh.

MATHAI 6:2

“Chuvachun, mi sinah zeilo na pêk chun, mi perpê tla nih mi sawr an lawh khonâk ding hen, pumhnâk in tla ah, zâwllâi tla ah an ti tâwn hâwi hen na mâika ah tâwtawrâwt tumtir lah. Thungâi tak hen ka nan simh na, an lâwmman chu an tawng thluh rawh.

MATHAI 6:5

“Chun, thla nan cham chun mi perpê tla hâwi hen nan ti ding asi lo; mi nih an muh khonâk ding hen pumhnâk in tla ah, zâwllâi lamṭhuam tla ah dîr bû hen thlacham an sunhsak tâwn. Thungâi tak hen ka nan simh na, an lâwmman chu an tawng thluh rawh.

MARK 2:18

Chun, Johan ṭhiruai tla leh Farisai tla nih chun buh an ngei le; chun, mi an hawng kal le, Jisu sinah, “Zei rangah me Johan ṭhiruai tla leh Farisai ṭhiruai tla nih buh an ngei le, na ṭhiruai tla nih an ngei tâwn bâk lo?” an ti.

LUK 18:12

Dinhni kar khat kip ah vei nih buh ka ngei tâwn, ka nei mi zawng parâ lû ah pakhat ka pêk tâwn, a ti.

LUK 2:37

chun, chu nûnah kum sâwmriat leh kum li asi tiang â mei. Anih nih chun Pathian Biakin kaltâk lo hen a sûn a zân a buh ngei leh thlacham hen Pathian a sawnh tâwn.

THILTI 10:30

Chun, Kornelia nih chun, “Ni li asi rawh, tu tik ding chirah hin ka in ah zânlei dâr thum ah thla ka cham le, minung pakhat puan chêu tak aih hen ka mâika ah a dîr le,

THILTI 14:23

Chun, kawhmi murui kip ah chun upa tla an ruat piak na le, buhngei bû hen thla an cham thluh chun an lung mi Lalpa sinah chun an kiltir na vima tâwn.

1 KORIN 7:5

Thlacham ding hen nanna pêk khonâk ding hen leh nanna kawmh nawlh khonâk ding hen sâwtlotê rangah rem nan ti vevê cho lo chun âu lei khawm a thlahthlamh lah u, chu lo chun nanna sûm kho lo ruangah Setan nih a nan lêm na lebang lai.

2 KORIN 11:27

sungvâng leh tîhâlnâk ah, buhngeinâk ah vei tam tak, damlo leh takkaro hen umnâk ah.

2 KORIN 6:5

Thungâi thlâk hen felfê tak a nawknâk ah, harsatnâk ah, hamhnâk ah, vuaknâk ah, rêngtlâknâk ah, nawktirnâk ah, ṭuanhamhnâk ah, it chiam lonâk ah, buhngeinâk ah,