MATHAI 6:13 - Bawm Common Language Bible Version

¹³ Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

MATHAI 6:13 ပူးပေါင်းရင်းမြစ်များ

GENESIS 22:1

A nehnûnah chun Abraham chu Pathian nih a nik le, a sinah a kawh, “Abraham,” a ti. Abraham nih “Uai hinah ka um” ti hen a sâng.

1 Lal 1:36

Benaiah nih, “Kan ti lai, LALPA na Pathian nih birhtir seh.

1 CHRONICLES 16:36

LALPA Israel Pathian chu sawr u! Tuah leh zungzâl hen amah chu sawr u! Mi zawzawng nih, “Amen,” an ti le, LALPA chu an sawr rawh.

1 CHRONICLES 29:11

Nang chu na rokual hen thil na tikho, na rokual hen na chêu hen na lal. Tual leh vân ah mi thil zeizawng na tâ asi, nang chu lal zeizawng tlûnah lâirêltu sâng chem na si.

1 CHRONICLES 4:10

Jabez nih Israel Pathian sinah thla a cham le, “Pathian, mal hawng ka sâwm le, ram tam tak hawng ka pêk. Nganfâk hawng ka pêktu ding mi sualnâk zeizawng lakah hawng ka vêng le, ka sinah um rawh,” ti hen. A deih mi hâwi hen Pathian nih a pêk.

SAM 10:16

LALPA chu zungzâl lalchem asi. A ram ah mi Pathian dang tla sawnhtu chu a veih hep na lai.

SAM 106:48

LALPA, Israel Pathian chu sawr u; tuah leh zeiliau zawng ah sawr u! Mikip nih, “Amen! ” ti na seh. LALPA chu sawr u!

SAM 22:28

LALPA chu lalchem asi, phun tla lâi a rêl.

SAM 41:13

LALPA, Israel Pathian chu sawr u! Tuah leh zungzâl tiang hen amah chu sawr u! Amen! Amen!

SAM 47:2

LALPA, Chungnungchem, laikulh zawzawngah lâirêltu, Lal rokual chu ṭih ding asi.

SAM 47:7

Pathian chu laikulh pumpi lal asi; amah chu la hen sawr u!

SAM 72:19

A min rokual chu zungzâl hen sawr u, a rokualnâk nih tual zawzawng hi khattir seh. Amen! Amen!

SAM 89:52

LALPA chu sawr kumza rawh! Amen! Amen!

EXODUS 15:18

LALPA, nang chu, zungzâl hen lalchem ding mi chu na si,” an ti.

THUFING LASUIBU 30:8

Âwkrâwl thu simlo ding leh minei khawm silo mipâm khawm silo ding hen hawng ka umtir. Ka herh tâwk cho hen tî-le-râwl hawng ka pêk.

JEREMIA 15:21

Misual leh veihtu lakah mi ka nan hum lai. Kei, LALPA nih ka sim asi,” a ti.

JEREMIA 28:6

“A chê a! Hi hi LALPA nih a ti ding ka lungum! Babulon thawk hen Biakin ah mi thil-le-rî zawzawng leh mi zapi tla tleih hen an kalpi na lai na ti mi chu asi ngelchel lai ti ka lungum.

DANIAL 4:25

Minung thawk hen nar hen na um lai le, ramsa lakah na um lai, kum sarih sung chu chawchal hâwi hen belh na ei lai le, lêng ah dâm tlâknâk ah na it lai, churawhchun Pathian rokual nih lalram tlûnah thu a neih zia leh a duh mi sin zawng ah a pêk kho ti na theih lai rawh.

DANIAL 7:18

Chungnungchem Pathian mi tla nih lal thiltikhonâk anna ting kumza lai rawh,” a ti.

NUMBER 5:22

Hi tî nih hin na pawpi chu phingtir sele, na fa neinâk khawm dawngtir seh,” a ti. Nunau nih chun, “LALPA nih chu hâwi ti ding hen rem ka ti,” a ti ding asi.

MATHAI 26:41

Lêmnâk ah nan lût lonâk ding hen râlring kumza hen thlacham u. Thlarau lam nih chun a huam le, taksa lam chu a chak lo asi,” a ti.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

MATHAI 5:37

Nan thusim chu asi mi chu si seh,’ ‘Silo mi chu silo ko seh,’ chu ngâk hen a lei mi chu Setan lakah suak asi.

MATHAI 6:10

Na Ram hawng tlung seh. Na duhzia vânah mi nih anti hâwi hen, tualah mi nih khawm ti seh.

JOHAN 17:15

Nangnih annih chu laikulh ah mi lâk ding hen ngiar kasi lo le, Misual pa lakah na hum ding ka ti dauh asi.

1 KORIN 10:13

Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.

1 KORIN 14:16

Chu lo chun thlarau hen malsâwm piak na khawmsele theih dahlo tla umnâk ah um mi nih, nan lâwmthusim ah chun zeitin me “Amen” a ti kho lai, na thusim chu a theih lêm lo mi?

2 KORIN 1:20

Pathian thutiam tla chu zeizat tal si khawmsele amah lakah chun, “Asi” ti chu a um le; chun amah ruang khawm ah, “Amen” ti chu a um asi, kanmah tla ruangah Pathian rokualnâk ding hen.

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

DEUTERONOMY 8:16

Ramkaro ah an thlâk natu tla nih an ei dahlo mi buh manna an pêk na. Nanmah niknâk ding hen harsatnâk an pêk na le, a dawnghnâk ah thil ṭha hen mal an sâwm na ding hen.

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

2 THESALONIKA 3:3

Sikhawmsele, Lalpa chu zumh a kâi anih nih chun an chaktir na hen misual lakah chun an hum na lai.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

HEBRAI 11:36

midang tla khawm nih nehsawh leh vuak tla an tuar, chu lo khawm chu rêngkhimh leh rêngin ah khumh hen an um,

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 19:1

Chu nûn chun, vân ah mi zapi aw-hâu fak tak hâwi hen, “Halleluia’’ (Pathian chu sawr u), ruangsuahnâk tla, rokualnâk tla, thiltikhonâk tla, kan Pathian tâ asi;

THUPHUANG 19:4

Chun, upa kulpali leh thilnung pali tla chu an bawkbukhup le, Pathian laltophah ah a to mi chu an mâimûk le, “Amen! ‘’Halleluia’’ (Pathian chu sawr u!’’) an ti.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 21:4

An mit a mi mitthli zawzawng a nawt lai le, thihnâk a um lai lo rawh le, ngaihsiatnâk tla, ṭapnâk tla, nganfâk tla, a um lai lo rawh, thil masa tla chu a vei rawh,” a ti mi ka theih.

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.

THUPHUANG 5:13

Chun, vân leh tual tlûnah leh tual tang leh tisumsumriat sungah thilsiam chikip leh laikulh sungah an um mi zawzawng tla nih, “Laltophah ah a to mi leh Dawrâ Fa sinah chun, malsâwmnâk leh chawnglawmhnâk tla rokualnâk tla leh lârêlnâk tla zungzâl hen um seh” ti hen an la sak ka theih.