MATHAI 6:10 - Bawm Common Language Bible Version

¹⁰ Na Ram hawng tlung seh. Na duhzia vânah mi nih anti hâwi hen, tualah mi nih khawm ti seh.

MATHAI 6:10 ပူးပေါင်းရင်းမြစ်များ

NEHEMIAH 9:6

Churawhchun, Israel mi tla nih hi hâwi hen thla an cham: “LALPA, nangmah cho chu LALPA na si; vân tla leh vân ah mi ârfi tla na siam na. Ram leh tisumsumriat leh a sungah thil zeizawng na siam le, an ektê rangah nungnâk na pêk na. Vân thiltikhonâk tla chu kûn hen, nangmah an sawnh.

SAM 2:6

“Ka tlâng thenhlimh Zion ah, ka lal chu ka toh rawh,” a ti.

SAM 40:8

Ka Pathian na duhzia thilti chu ka duh a! Na sîntirnâk chu ka thinlung ah ka kil,” ti hen ka sâng.

ISAI 2:2

Ni a hawng tlung ding mi lakah Biakin umnâk tlâng chu tlâng dang zawzawng ngâk hen a sâng chem mi asi lai le, tlâng zawzawng tlûn leiah a fawng lai. Phun tam tak tla chu tî luang hâwi hen an hawng lût lai.

JEREMIA 23:5

LALPA nih, “David thlâk rep tak lakah mi lalchem ka thîm ding mi tik chu a tlung rawh. Chu lal nih chun fing tak hen lâi a rêl lai le, dik tak leh rep tak hen ram pumpi ah thil a ti lai.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

DANIAL 4:35

Tual tlûnah mi tla chu zeikhawm ah a ruat na lo le; vân ah mi vânmifial tla leh tual tlûnah mi tla chu amah thu thu hen an um. Amah dotu leh a thilti sâwi khotu âukhawm an um lo.

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

MATHAI 12:50

Âuzawng ka Pa vân ah mi duhzia titu zawng chu ka unau tla, ka farnu tla, ka nu tla an si,” a ti,

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 26:42

Chun, veinihnâk ah a va kal le, thla a cham nawlh le, “Ka Pa, din lo hen hi hâi nih hin hawng ka lanh kho lo thlo chun nangmah thu thu si seh,” a ti.

MATHAI 3:2

“Rim u, Vân Ram chu a nâi rawh,” ti hen, Judai ramkaro ah thusim hen a hawng kal.

MATHAI 4:17

Chu ri rawh chun Jisu nih chun, “Rim u, Vân Ram a nâi rawh,” ti hen sim a dawmh rawh.

MATHAI 7:21

“ ‘Lalpa, Lalpa’ hawng ka titu namên Vân Ram ah an lût lai lo; ka Pa vân ah mi duhzia titu lam chu an lût lai.’

MARK 11:10

Ram hawng tlung ding mi, kan pa David Ram chu a thaw a suak, Chungnung chem ah khin Hosana!” ti hen, an âu.

MARK 3:35

Âuzawng Pathian duhzia titu vial chu ka unau, ka far, ka nu tla an si,” a ti.

LUK 19:11

Chun, chubang thu tla chu an ngâi liauah, Jerusalem a nâi rawh ruangah leh Pathian Ram hawng lang sawm ding hen an ruat ruangah tahṭhimh thu a simh na.

LUK 19:38

“Lalpa min hen Lalchem a hawng kal mi chu a thaw a suak! Vân ah rem thu lêng seh. Pathian sinah rokualnâk um seh!” ti hen, Pathian an sawr rawh.

LUK 22:42

“Pa, rem na ti chun hi hâi hi ka sin thawk hen ṭhinh rawh; sikhawmsele keimah thu silo hen nangmah thu si dauh seh,” a ti.

JOHAN 4:34

Chun, Jisu nih an sinah a sim le, “Hawng ka fialtu duhzia ti leh a rianṭuan dih ding hi ka buh asi.

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

THILTI 13:22

Chun, anih chu a ṭhial nûnah khan an lal rangah David a siam rawh; Pathian nih chu minung chu thu theihtir hen, ‘David, Jese fapa, ka thinlung hâwi put mi ka tawng rawh, anih nih chun ka duh mi vial a ti lai,” a ti.

THILTI 21:14

Chun, lêm kho asi lo nûnah chun, “Lalpa thu thu si seh,” kan ti le, kan bâng rawh.

THILTI 22:14

Chun, anih nih chun, ‘Kan thlâktu tla Pathian nih a duhzia theihtu ah leh mirep To-aw tak chu muh hen, a hawlhkâ theihtu khawm ah a nan ruat rawh.

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

EPHESI 6:6

minung mitzauh vêng hâwi cho silo hen, Krist to-aw hâwi hen, thinlung ah Pathian duhzia ti dauh hen,

KOLOSA 1:13

Anih nih chun mûi thuneihnâk lakah mi hawng kan suah hen a Fapa zângfah tak ram ah hawng kan ṭhial rawh le;

KOLOSA 1:9

Churuang chun, Thlarau finghnâk leh theihkhonâk zawzawng leikângah amah duhzia theih rangtlingnâk ah chun nan hawng khat khonâk ding hen, kan theih ni thawk hen chun kannih khawm nih thlacham hen kan deih piak na mi kan bâng lo.

1 THESALONIKA 4:3

Pathian duhzia nan thenhlimhnâk ding chu hi hi asi, duhnâk hi bâng tâk ule;

1 THESALONIKA 5:18

zeizawng ah lâwmthu sim kumza u; chu chu nanmah lei thu ah Krist Jisu ah Pathian duhzia asi ruangah.

HEBRAI 1:14

Vânmifial tla chu zei an si ne? Annih tla chu Thlarau ver Pathian rianṭuantu, ruangsuahnâk tawngtu ding mi tla sinah ṭangpi ding hen fial an si.

HEBRAI 10:36

Pathian duhzia ti ding leh a thutiam chu nanna ting khonâk ding hen felfênâk nan herh asi.

HEBRAI 10:7

Churawhchun, kei nih, ‘Aw Pathian, ngâinik, Dân lasuibu lakah ka thu rîn asi hâwi hen, na duhzia ti ding hen ka hawng kal,’ ka ti,” a ti.

HEBRAI 13:21

Jisu Krist zârah amah duhzia ti ding leh amah lawmhtirtu ah um ding hen thlangamhtu Pathian nih chun thil ṭha nan duh mi zawzawng an pêk na seh. Jisu Krist sinah rokualnak zungzâl hen um seh! Amen.

1 PETER 2:15

Nan thil ṭha ti hen mi a hawlh salam mi tla chu na bângtir ding hen Pathian nih a nan duh na asi.

1 PETER 4:2

Churawhchun, tu thawk hen chun minung duh dân silo hen, taksa ah nan um kar zawng chu Pathian duhzia hen nan um ding asi.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 12:10

Chun, vân ah aw-hâu fâk tak ka theih mi nih chun, ‘Tuah chun kan Pathian ruangsuahnâk leh a thiltikhonâk leh Lal a sizia chu a langhtir le, tuah a Mesia thuneihnâk chu a langhtir rawh! Kan unau tla phiar hen Pathian mâika ah a sûn a zân hen a dîr tâwn mi chu vân thawk hen lawnh asi rawh,” a ti.

THUPHUANG 19:6

Chun, mi zapi cherkhet aw-hâu hâwi leh, tî tam tak â khâwk mi rihâu hâwi leh khuarît fâk tak hâwi hen, “Halleluia’’ (Pathian chu sawr u), kan Lalpa, Pathian Zeizawng tikho chu lalchem asi,

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.