MATHAI 6:1 - Bawm Common Language Bible Version

¹ “Nan thil ṭha ti tla mi muh ding ah, minûng mitmuh ah tilo ding hen a thiamthih u; chu lo chun nan Pa vân a mi sinah lâwmman nan nei lai loh.

MATHAI 6:1 ပူးပေါင်းရင်းမြစ်များ

2 Lal 10:16

“Ka sinah hawng le, LALPA sinah ka pêk zia hi nangmah ngelchel nih hawng zauh,” a ti. Churawhchun, Samaria leiah an panih hen munkhat hen an kal rawh.

2 Lal 10:31

Sikhawmsele, Jehu nih LALPA Israel Pathian dân chu a thinlung zawzawng hen a zûl lo le, Jeroboam Israel tla sualtirtu zia a châwng dauh.

SAM 112:9

Mi samphâng sinah tam tak a pêk na le, a vêlneihnâk chu a palh dahlo, thiltikho tak leh zahkâi tak hen a um lai.

EZEKIEL 33:31

Churuangah ka mi tla chu na thusim ngâi ding hen anna pûm le, sikhawmsele ti ding hen na simh na mi chu an ti lêm lo. Na thusim chu la salam hâwi an ruat le, an duhleinâk chu a mahmun nget.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

ZEKARIA 13:4

Chu tikah chun khuavâng âukhawm langhnâk muh ruangah anna zûm lai lo rawh le, mi tla hum ding hen khuavâng thuam hen khawm anna thuam lai lo.

ZEKARIA 7:5

“Ram lakah mi tla leh bâwlpu tla nih kum sâwmsarih sungah thla nganâk leh thla sarihnâk sungah buh an ngei mi chu keimah sunhsaknâk ruangah asi lo,

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:6

Chun, Jisu nih an sinah, “Farisai tla leh Sadukai tla thilnu lakah chun a vêng ule, a thiamthih u,” a ti.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

MATHAI 23:5

An thilti zawzawng chu minung muh ding ah asi an ti dauh tâwn. An thil bunh tla leh khimh tla chu an lian tir, an puansâr mûm an bawrtir tâwn.

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

MATHAI 5:16

Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

MATHAI 5:46

An dâwt natu cho nan dâwt chun lâwmman zei me nan tawng lai? Siah khawlhtu tla khawm nih chu hâwi hen an ti bâk lo mazei?

MATHAI 5:48

Chuvachun, nan Pa vân a mi a ṭha rangtling hâwi hen nan ṭha rangtling ding asi.

MATHAI 6:16

“Buh nan ngei tik khawm ah mi perpê tla hâwi hen zûr mêl put lah u; annih nih chun mi mitmuh ah buh an ngei mi an langh khonâk ding hen an mêl an zûrtir tâwn. Thungâi tak hen ka nan simh na, an lâwmman chu an tawng dih rawh.

MATHAI 6:9

Chuvachun, nannih nih chun hi hâwi hen thlacham u: ‘Kan Pa vân ah mi, Na min zah hen um seh.

MARK 8:15

Chun, anih nih chun an sinah, “Farisai tla leh Herod thilnu lakah chun a vêng ule, a thiamthih u,” a ti thlir.

LUK 11:35

Churuangah chun na sungah chêu um chu thim a hawng si sual lai, a thiamthih rawh.

LUK 12:1

Chu liauah, mi zapi tam tak lamh chukmâk rê hen an hawng a pûm rawh chun, Jisu nih a masa chem hen a ṭhiruai tla sinah, “Farisai tla thilnu perpetnâk lakah chun a thiamthih u.

LUK 12:15

Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.

LUK 16:15

Chun, anih nih chun an sinah, “Minung mitmuh ah a reptir mi cho nan si, sikhawmsele, Pathian nih nan thinlung a theih; minung lakah chawnglawmhnâk chu Pathian mitmuh hen nâwm tak asi.

JOHAN 12:43

Pathian lakah mi sawrnâk ngâk hen chun, minung lakah mi sawrnâk, an duh dauh dangâiah.

JOHAN 5:44

Nannih chawnglawmh tawng lawmhtu tla, zeitin me nan lung kho lai? Pathian cho thawk hen a suak mi chawnglawmhnâk chu nan hâwl lo mi.

THILTI 3:12

Chun, Peter nih mi zapi tla a muh na rawh chun an sinah, “Nannih Israel mi le tla, hi bang hi zei rangah chê nan ti? Kanmah thiltikhonâk leh Pathian sunhsaknâk ruangah anih hi kan kaltir mi hâwi ngâi chun zei rangah nan hawng kan zauh?

GALATIA 6:12

Taksa a mêl dawhtir duhtu vial nih fêmtan siding hen an fial râm na tâwn asi; zei dang ruang khawm asi lo le, Krist kraws ruangah nehsawh an tuar lonâk ding cho asi.

DEUTERONOMY 24:13

a zânlei siar va pêk nawlh, churawhchun ṭha tak a it khonâk ding hen. Â lâwm lai le, LALPA na Pathian khawm na tlûnah â lâwm lai.

HEBRAI 11:26

Mesia ruangah tuarnâk chu Aigupta ram rothil tla ngâk hen sum rokual dauh ah a ruat le, mâilei ah lâwmman pêk ding mi chu a chuanh ruangah.

HEBRAI 2:1

Churuangah, nâ hen kan theih mi tla kha semsêngâi tak hen kan sunhsak khun ding asi, chu lo chun kan vei sual lebang lai.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

2 JOHAN 1:8

Kan ṭuan san kha nan thlâu lonâk ding hen, a man kim tak hen nan tawng khonâk ding hen a vêng u.