MATHAI 5:9 - Bawm Common Language Bible Version

⁹ “Remnâk siamtu tla chu an thaw a suak, Pathian fa ah sak hen an um awt ruangah!

MATHAI 5:9 ပူးပေါင်းရင်းမြစ်များ

1 CHRONICLES 12:17

David chu anmah tawng ding hen a suak le an sinah, “Hawng ka ṭangpi ding hen hâwikawmh ah hawng mi nan si chun, lawmh ding mi nan si. Kan sinah hawng a bawp u! Sikhawmsele, ka mêlma lakah hawng ka pêktu nan si lam chun, kei lam nih chun zeitin khawm kan ti na lo ruangah hawng kan thlâktu Pathian nih a theih awt ko, amah nih an rêp na lai,” a ti.

SAM 120:6

Remnâk huatu tla hen munkhat ah ka um mi hi a sâwt tuktarâi!

SAM 34:12

Nun nuam tak hen um ding na duh ma? San sâu leh lâwmnâk na duh ma?

MATHAI 5:45

nan Pa vân a mi fa tla nan si khonâk ding hen. Anih nih chun misual tla leh mi ṭha tla tlûnah chun a nî a suaktir tâwn le, mirep tla leh mi replo tla tlûnah khawm ruah a sûrtir tâwn asi.

MATHAI 5:48

Chuvachun, nan Pa vân a mi a ṭha rangtling hâwi hen nan ṭha rangtling ding asi.

LUK 20:36

thi khawm an thi awtlo rawh asi, vânmifial tla tluk hen an um awt ruangah; thawknawlhnâk fa tla an si ruangah Pathian fa tla an si lai.

LUK 6:35

Sikhawmsele, nan mêlma tla dâwt ule, an ṭhatnâk ding ti ule, pûktir u, lungdawng lo thlo hen, chun nan lâwmman a rokual lai, Chungnung chem fa tla nan si lai. Anih nih chun lâwm ding theih lo minung tla leh misual tla a dâwt tâwn.

THILTI 7:26

Chun, a thâituan ah an lakah minung panih anna sual liauah an sinah a hawng tleng le, ‘Pu le tla, unau nan silo mazei; zei rangah diklo tak hen nanna ti?’ ti hen, remh a tum.

ROM 12:18

Ti kho asi chun, nangmah lei tal mi zawzawng hen rem hen um u.

ROM 8:14

Pathian Thlarau rui hen an um mi vial tla chu Pathian fa tla an si.

ROM 8:16

Thlarau ngelchel nih chun kanmah thlarau hen Pathian fa tla kan si ti hawng kan theihtir tâwn.

ROM 8:19

Thilsiam zawzawng tla nih chun thungâi lungum bû hen Pathian fa tla hawng langhnâk chu thungâi an mawhlah asi.

1 KORIN 6:6

Unau pakhat nih a unau chu lâirêlnâk ah a tlunh tâwn? Lunglo tla sinah a va si ngê rih.

2 KORIN 13:11

A dawnghchem ah chun unau le tla, lâwm tak hen um u. Ṭhat rangtling hen um ule; lungngam tak hen um ule, thinlung munkhat put ule, lungrual tak hen um u; chun zângfahnâk 1eh remnâk Pathian chu nan sinah a hawng um lai.

2 KORIN 5:20

Chun, Krist ruangrûl ah rêl kan si le, Pathian nih kanmah mang hen a nan ngiar chiam na ti kho asi. “Pathian hen hawng a rem u,” ti hen Krist ruangrûl ah ka nan ngiar na asi.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

EPHESI 4:1

Chun, a nâutirnâk leh thu tang dawnhnâk zawzawng nei hen zângfahnâk ah a dawnh tawnh bû hen,

PHILIPI 4:2

Lalpa lakah chun thinlung munkhat put ding hen Eudia ka ngiar le, Suntuki khawm ka ngiar ber asi.

KOLOSA 3:13

dawnhkhonâk tla hen a thuam u, âuzawng nih âu lak zawng ah thupawi nei ule, a dawnhtawnh hen a ngaihdam tawnh ule, Lalpa nih a nan ngaihdam na hâwi hen khan a ngâihdam u.

HEBRAI 12:14

Mi zawzawng hen remnâk leh thenhlimhnâk nei ding hen a ṭang u, chubang thenhlimhnâk lo hen âukhawm nih Lalpa an muh lai loh.