MATHAI 5:7 - Bawm Common Language Bible Version

⁷ “Mi khuaruat kho tak tla chu an thaw a suak, Pathian khuaruatnâk anna ting awt ruangah!

MATHAI 5:7 ပူးပေါင်းရင်းမြစ်များ

2 SAMUEL 17:28

Annih tla nih chun khêng, tualbêl, ihkhun, David leh a hâwi le rangah buh rangah wheat, barley, buh, sang em mi, bâilep, purun, khuaizû, nûk khal, riakthâu leh dawrâ tla an hawng put. David leh a mi tla chu sungvâng leh tîhâl hen ramkaro ah an um lai ti an theih ruangah.

2 SAMUEL 22:26

Aw LALPA, nangmah lakah zumh an kâi mi sinah chun zumh na kâi, mi ṭha tla sinah na ṭha rangtling asi.

SAM 112:4

Mi ṭha tla rangah chêu chu mûi a cherhtir, khuaruat mi, vêlnei leh mi dik rangah.

SAM 112:9

Mi samphâng sinah tam tak a pêk na le, a vêlneihnâk chu a palh dahlo, thiltikho tak leh zahkâi tak hen a um lai.

SAM 18:25

LALPA, mi zumhkâi sinah chun zumh na kâi le; mi ṭha rangtling sinah chun na ṭha rangtling.

SAM 37:26

Zeiliau zawng ah midang rangah a thawt hen a pêk hen a pûktir na le, a fa le khawm malsâwm hen an um.

THUFING LASUIBU 11:17

Vêl na nei liauah ṭhat suahtu na si. Ṭhatlo na rawt chun nangmah nganfâk na pêk mi asi.

THUFING LASUIBU 11:25

Hawk le, na sul-le-lam a tluang lai. Midang ṭangpi na le, nang khawm a nan ṭangpi bâk lai.

THUFING LASUIBU 14:21

Lâwmnâk na duh chun, mipâm tla sinah vêlnei tak hen um. A zei mi tal na zauhnawmh chun sual asi.

THUFING LASUIBU 19:17

Mipâm sinah thil na pêk mi chu LALPA rangah na lângtir mi asi le, LALPA nih a nan rulh nawlh lai.

ISAI 57:1

Mi ṭha tla chu an thi le, âukhawm nih an theih hen an âwva lo. Sikhawmsele an thih liau khawm ah vânduainâk nih an lung a fâktir kho lo.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

HOSEA 1:6

Gomer nih fa panihnâk a nei le, chu chu nunau asi, LALPA nih Hosea sinah, “Israel mi tla rangah ka dâwtnâk ka langh lo hen ka ngaihdam na awtlo rawh ruangah, a min ah ‘’Lo-ruhamai’’ (Dâwtlo) ti hen sak.

HOSEA 2:1

Churuangah na hâwi Israel mi,”Ammia’’ (Pathian Mi tla) leh “LALPA nih a dâwt mi tla,” chu kawh na.

HOSEA 2:23

Ka mi tla chu ram lakah ka birtir lai le, sul-le-lam tluang tak hen ka siam na lai rawh. “Dâwtlo” an si mi chu, ka dâwtnâk ka zauhtir na lai le, “Ka mi tla ansi lo” an ti mi tla chu “Ka mi tla nan si,” ka ti lai. Annih nih, “Kan Pathian na si,” an ti lai.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

MARK 11:25

Chun, thlacham hen nan dîr tik zawng ah âu lak khawm ah thupawi zeimawh nan nei chun ngaihdam u; nan Pa vân ah mi khawm nih nan buarnâk tla chu a nan ngaihdam na khonâk ding hen.

LUK 6:35

Sikhawmsele, nan mêlma tla dâwt ule, an ṭhatnâk ding ti ule, pûktir u, lungdawng lo thlo hen, chun nan lâwmman a rokual lai, Chungnung chem fa tla nan si lai. Anih nih chun lâwm ding theih lo minung tla leh misual tla a dâwt tâwn.

ROM 11:30

Nannih Phundang tla rangah lam chun, tuan chun Pathian thu nan ngâilo le, sikhawmsele tuah lam chun, Juda tla nih an ngâilo ruangah Pathian khuaruatnâk nan tawng asi.

1 KORIN 7:25

Chun, mi âuzawng nupi pasal nei lo rih mi leikâng thu ah chun Lalpa thupêk rerêng ka nei lo. Sikhawmsele, zumhtlâk a um ding hen Lalpa sinah mi zângfahnâk tawng kasi ruangah ka ngaihdân ka sim lai.

2 KORIN 4:1

Churuangah chun zângfahnâk kan tawng hâwi vima hen rianṭuannâk hi kan nei ruangah kan duai lo;

EPHESI 4:32

Chun, a zângfah tawnh hen siherhnâk nei hen um ule, Pathian nih Krist ah a nan ngaihdam na hâwi ber hen a ngaihdam tawnh u.

KOLOSA 3:12

Chun, Pathian mi thîm, mi thenhlimh leh duhtak tla hâwi hen siherhnâk thinlung tla, vêlneihnâk thinlung tla, ngâiniamnâk tla,

1 TIMOTHE 1:13

A lânah simsâwitu leh nehsawhtu leh zirhtu sikhawmsele lunglo hen theihlo mi kasi ruangah khuaruatnâk ka tawng asi.

1 TIMOTHE 1:16

Sikhawmsele, hi ruangah hin asi khuaruatnâk ka tawng mi chu, Jisu Krist nih chun misual chem ka lakah hin â dawnhkho zia zawzawng a langhtir khonâk ding hen hi nûnah zungzâl nungnâk nei ding hen amah lungtu tla rangah zûnzauhnâk ding ah.

HEBRAI 4:16

Chun, khuaruatnâk kan tawng khonâk ding leh bawmh kan herh tikah ṭangpinâk leh zângfahnâk kan tawng khonâk ding hen zângfahnâk laltophah chu râlṭha tak hen kan naih lai.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

1 PETER 2:10

A lân chun Pathian mi tla nan si lo, tu lam chun amah mi tla nan si, a lân chun Pathian khuaruatnâk nan tawng lo, tuah lam chun khuaruatnâk nan tawng rawh asi.