MATHAI 5:6 - Bawm Common Language Bible Version

⁶ “Repnâk ruangah sungvâng tîhâl tla chu an thaw a suak, an khim awt ruangah!

MATHAI 5:6 ပူးပေါင်းရင်းမြစ်များ

SAM 107:9

Tîhâl tla rangah an tîhâl a riam tir na le, sungvâng tla rang ah thil ṭha hen a khimtir na.

SAM 145:19

Amah zahtu tla sinah chun an herh mi a pêk na le; an âu mi a ngâi le, ruang a suah na.

SAM 17:15

Thilsual ka ti lo ruangah kei lam nih chun kan muh lai, chun, ka meng tikah na ka umpinâk nih lâwm hen ka khat lai.

SAM 63:5

Ka nungnâk nih a chenh lai le, a khim lai; Na sinah lâwm tak hen sawrnâk la ka hawng sak lai.

SAM 65:4

Nangnih na thîm na mi tla, na mun thenhlimh ah um ding hen na hawngpi na mi chu an lâwptlo. Na in ah mi thil ṭha leh na Biakin thenhlimh ah malsâwmnâk hen kan khim lai.

SAM 84:2

Chunah um chu ka duh a! LALPA Biakin ah um ka ngâi. Pathian nung sinah ka pumpiluk hen la ka sak.

THUFING LASUIBU 10:24

Mirep nih an duh mi thil an tawng le, sikhawmsele misual tla nih an ṭih chem mi an tawng.

THUFING LASUIBU 21:21

Vêlnei tak leh zumhkâi hen um le, na san a sâu lai; midang nih a nan zah lai le, ṭhadektê hen an ti lai.

LA TLA LA 5:1

Ka lungduh, ka nupi, ka dûm ah ka lût. Ka rimthâw leh murrah ka pumh; ka khuaitizû leh a thlâr tla ka ei; uain leh nûk ka din. Nunau tla nih Hawng ka duhtu, din le ei rawh, dâwtnâk hen na khim lânlo din rawh! Nunau nih

ISAI 25:6

LALPA Zeizawng tikho nih hi Zion Tlâng tlûnah hin laikulh phun zawzawng rangah puai, buh ei ding mi ṭha chem leh uain ṭha chem mi hen puai a tuah awt.

ISAI 41:17

“Ka mi tla nih tî duh hen an hâwl liauah an tîhâl tuk hen an dang a châr ver liauah Kei, LALPA nih an thlachamnâk chu ka sâng lai le; Kei, Israel Pathian nih ka kaltâk na rêng lai loh.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 65:13

Churuang chun hawng ka sawnhtu leh ka thu ngâitu tla nih chun ei ding tam tak an tawng lai le, sikhawmsele nannih lam chu sungvâng leh tîhâl hen nan um lai ti ka nan simh na. Annih chu anna lâwm lai le, sikhawmsele nannih lam chu nan ning a zak lai.

ISAI 66:11

Fa a nu ṭângkâ ah mi hâwi hen a sul-le-lam tluangnâk ah nanna lâwm lai.

JEREMIA 31:25

A dî mi tla leh a sungvâng hen a uai mi tla chu buh hen ka khimtir hen ka panhlâutir na lai.

LUK 1:53

Sungvâng tla chu thil ṭha tla hen a khawptir na, minei tla chu kut karo hen a kaltir na.

LUK 6:21

“Nannih tu ah sungvâng tla, nan thaw a suak, nan khim awt ruangah! “Nannih ṭap le tla, nan thaw a suak, nan ni awt ruangah!

LUK 6:25

“Nannih tuah khim mi tla, nan tlûn a pit! Nan sung a vâng awt ruangah. “Nannih tuah nih-le-khêk mi le tla, nan tlûn a pit! Ngaihsia hen nan ṭap awt ruangah.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 7:37

Chun, Kût ṭiak awt ni, ni rokual takah chun, Jisu a dîr le, a âu le, “Âuzawng a tîhâl mi chu ka sinah hawng kal sele din seh.

THUPHUANG 7:16

An sung a vâng lai lo le, an tî khawm a hâl lai lo, nî nih a emh na lai lo le, a linhnâk khawm nih a hamhtir na lai lo.