MATHAI 5:45 - Bawm Common Language Bible Version

⁴⁵ nan Pa vân a mi fa tla nan si khonâk ding hen. Anih nih chun misual tla leh mi ṭha tla tlûnah chun a nî a suaktir tâwn le, mirep tla leh mi replo tla tlûnah khawm ruah a sûrtir tâwn asi.

MATHAI 5:45 ပူးပေါင်းရင်းမြစ်များ

JOB LASUIBU 25:3

Amah rianṭuantu vânmifial âunih rêl kho lai? Pathian chêu nih a cherhlo mi ram rêng a um mazei?

SAM 145:9

Mikip sinah a ṭha le, a thilsiam zawzawng lakah ṭhat a suah.

JEREMIA 5:24

Fângzûn liau ruah leh fûr tlâk tîr ruah ka sûrtir le, kumsiar hen fângzûn tik ka nan pêk na khawm ah, hawng ka zah ding nan awt dahlo.

MATHAI 5:9

“Remnâk siamtu tla chu an thaw a suak, Pathian fa ah sak hen an um awt ruangah!

LUK 6:35

Sikhawmsele, nan mêlma tla dâwt ule, an ṭhatnâk ding ti ule, pûktir u, lungdawng lo thlo hen, chun nan lâwmman a rokual lai, Chungnung chem fa tla nan si lai. Anih nih chun lâwm ding theih lo minung tla leh misual tla a dâwt tâwn.

JOHAN 13:35

Nanna dâwt chun, mi zawzawng nih ka ṭhiruai tla nan si ti chu lak chun an theih na lai,” a ti.

THILTI 14:17

sikhawmsele, Pathian nih amah chu a dik asi ti theihtirnâk umlo hen a siam lo, chu hâwi hen thil ṭha a ti tâwn, vân thawk hen ruah tla leh ei ding a nan pêk na, nan thinlung lâwmnâk hen a nan khattir na tâwn kha,” an ti.

EPHESI 5:1

Chun, a fa duhtak tla hâwi hen anmah bangh ding hen um tum u.

1 JOHAN 3:9

Âuzawng Pathian fa nih chun, Pathian nunchan amah lakah a um kumza ruangah thilsual a ti tâwn lo, Pathian a Pa asi ruangah thilsual a ti kho lo.