MATHAI 5:4 - Bawm Common Language Bible Version

⁴ “Ngaihsia tla chu an thaw a suak, Pathian thlangamh hen an um awt ruangah!

MATHAI 5:4 ပူးပေါင်းရင်းမြစ်များ

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 30:19

Nannih Jerusalem ah um mi tla, nan ṭap lai lo rawh. LALPA chu mi siherhnâk nei mi asi le, amah ṭangpi deih hen nan auh chun a nan sâng na lai.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 57:18

“An thilti tla ka muh le, sikhawmsele ka damh na lai. Ka rui hen ka ṭangpi na lai le, thinlung ngaihsia tla chu thla ka ngamh na lai.

ISAI 66:10

Nannih hi khuapi duhtu zawzawng tla, Jerusalem lakah lâwptlo ule! Amah ruangah a lâwm u! Amah ruangah lungfâktu zawzawng tla, tuah a lakah a lâwm u!

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

EZEKIEL 7:16

A zeimaw mi chu tivakuam ah mi vaṭhu tla an lâu mi hâwi hen tlâng leiah an tek lai. An ektê hen anmah sual ruangah an rûm lai.

EZEKIEL 9:4

LALPA nih puannêm aihtu chu a kawh le, “Jerusalem khuapi chu ṭawl le khuapi sungah thil fihnungkâi zawzawng an ti mi ruangah hamh hen lawksawng mi zawng chu an chal lakah singsiahnâk siam piak khap na,” a ti.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

LUK 16:25

“Sikhawmsele, Abraham nih, ‘Ka fapa, nangnih na dam liau khan thil ṭha na ting le, chu hâwi ber hen Lazar nih thil ṭhalo â ting mi kha theih rawh; sikhawmsele, tuah anih chu hinah lungngam tak hen a um le, nang lam chu na hamh makha.

LUK 6:21

“Nannih tu ah sungvâng tla, nan thaw a suak, nan khim awt ruangah! “Nannih ṭap le tla, nan thaw a suak, nan ni awt ruangah!

LUK 6:25

“Nannih tuah khim mi tla, nan tlûn a pit! Nan sung a vâng awt ruangah. “Nannih tuah nih-le-khêk mi le tla, nan tlûn a pit! Ngaihsia hen nan ṭap awt ruangah.

LUK 7:38

A dung leiah a kezaphab bul ah chun ṭap bû hen a dîr le, a mitthli hen a kezaphah a chinh le, a sam hen a nâwt, a kezaphah chu a châwchawk chiam le, sariak rimthâw hen a chulh.

LUK 7:50

Chun, anih nih nunau sinah chun, “Na lungnâk hi ruang na suak phah asi, lungngam tak hen kal rawh,” a ti.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

THUPHUANG 21:4

An mit a mi mitthli zawzawng a nawt lai le, thihnâk a um lai lo rawh le, ngaihsiatnâk tla, ṭapnâk tla, nganfâk tla, a um lai lo rawh, thil masa tla chu a vei rawh,” a ti mi ka theih.