MATHAI 5:39 - Bawm Common Language Bible Version

³⁹ Kei lam nih chun ka nan simh na, misual do lah u; na vawrhlei biang ah a nan benghtu zawng chu khat leikâng khawm dawnh.

MATHAI 5:39 ပူးပေါင်းရင်းမြစ်များ

1 Lal 22:24

Churawhchun, khuavâng Zedekiah chu Mikaiah sinah a hawng le, a mêl ah a bengh le, “LALPA thlarau nih zei liauah hawng ka kaltâk ti hen a nan simh?” ti hen a deih.

JOB LASUIBU 16:10

Mi nih an hawng ka sâwi, ka kiangkam ah an hawng a pûm le, ka mêl ah an hawng ka bengh.

THUFING LASUIBU 20:22

Thil diklo rangah a pêk lah, LALPA lakah a ngauh le, amah nih a diktir lai.

THUFING LASUIBU 24:29

“Keimah lakah a ti ziatê hen a lakah ka ti bâk awt, amah hâwitê hen ka um bâk awt,” ti lah.

ISAI 50:6

An hawng ka vuaktu tla lakah ka kêng ka dawnh. An ka zauhnawmh liauah ka khap na lo le ka khamul an phâwi hen ka mêl ah chil an ka sah liau khawm ka khap na lo.

LUNGFÂKNÂK 3:30

Vuak leh zauhnawmhnâk khawm kan duh ver ding asi.

LEVITICUS 19:18

Âukhawm lehrul sam hen hua kumza lah. Sikhawmsele nangmah na dâwt hâwi hen na zâwlbâwm dâwt rawh. Kei, LALPA chu kasi.

MIKAH 5:1

Jerusalem mi tla, na kawrsen rual pumh na! Hual hen kan um rawh, Israel ruitu an do na rawh!

MATHAI 5:40

Chun, âuzawng na lakah thunawk tuah hen na kawrdawh lâk a tum chun na puan khawm lâktir dâidua.

LUK 22:64

Chun, a mit an tuam le, “Sim rawh, âunih a nan vuak?” ti hen, an deih tâwn.

LUK 6:7

Chun, Dân sîntirtu tla leh Farisai tla nih chun a phiarnâk ding an tawng khonâk ding hen Dinhni ah a damh awt leh awtlo an thlingthlâk.

JOHAN 18:23

Jisu nih a sinah,”Thu sual sim kasi chun, ka sualnâk hawng ka theihtir; sikhawmsele, thu ṭha ka sim khawm ah zei rangah na hawng ka bengh?” a ti le, a sâng.

1 KORIN 6:7

Asi, hi hi nanna replonâk tak pakhat chu asi: thupawi nanna neitawnh mi hi. Zei rangah me diklo tak hen nanna tinâk chu nan ṭuan kho lo? Zei rangah naunehnâk chu nan tuar dauh lo?

1 THESALONIKA 5:15

Âukhawm nih âu sual khawm sual hen rulh lo ding hen a thiamthih u; thil nanna ti piak tawnhnâk leikângah leh mi zawzawng tlûnah nanna ti piaknâk leikâng khawm ah a ṭha lei vial ti kumza u.

HEBRAI 12:4

Sual do hen thih phah rê hen nanna ṭang lo rih.

JEM 5:6

Mi rep chu nan mawhtir le, nan thah, chun anih nih chun an do na lo.

1 PETER 3:9

Sual chu sual hen rulh lah u, siatbarhtu chu siatbarh bâk lah na u, chu ngâk chun mal lam sâwm lehlam na u. Churuang chun malsâwmnâk ting ding hen Pathian nih a nan kawh na asi.