MATHAI 5:3 - Bawm Common Language Bible Version

³ “Thlarau leikâng ah thinlung hamh mi tla chu an thaw a suak; Vân Ram an tâ asi ruangah!

MATHAI 5:3 ပူးပေါင်းရင်းမြစ်များ

2 CHRONICLES 33:12

Chu a tuarnâk ruangah chun thinlung ah nâunâk a nei le, LALPA Pathian lei hâwi hen a sinah ṭangpi a ngiar.

2 CHRONICLES 33:19

Lal thlachamnâk leh Pathian nih a sângnâk, a rim lânah thilsual a ti mi tla, lunglo pathiannu Aserah lem leh a sâwnhnâk mun siam mi tla zawzawng chu khuavâng thâwngthâng rînnâk bu ah rîn asi.

2 CHRONICLES 33:23

Sikhawmsele, a pa hâwi hen nâu tak hen LALPA leiah a kîr duh loh, a pa ngâk hen a sual zia a zual dauh.

2 CHRONICLES 34:27

Jerusalem leh a mi tla rêp ding hen thihnâk thu na theih rawh chun na nipuan thlêk hen leh ṭap hen ka mâika ah nâu tak hen na rim.

2 CHRONICLES 7:14

ka sinah thla an cham hen an thilsual ti bâng hen an rim chun vân thawk hen ka ngâi lai le, an sual tla ka ngaihdam lai le, an ram chu ṭha hen ka siam nawlh lai.

JOB LASUIBU 42:6

Churawhchun, thu ka sim mi zawng ruangah thungâi ka ning a zak le, vachâm leh valeidip lakah ka rim rawh,” a ti.

SAM 1:1

Misual tla umdân zûllotu mawh misual tla thupêk duhlotu leh Pathian rangah mang tlâk lo mi zûllotu chu an lâwptlo.

SAM 112:1

LALPA chu sawr u! Mi, LALPA zahtu leh, a thupêk zûl nuam titu tla chu an thaw a suak.

SAM 128:1

LALPA lakah Ê-aw ngâi, a thupêk lakah um mi chu an thaw a suak.

SAM 146:5

Amah ṭangpi ding hen Jakob Pathian neitu leh Pathian lakah a ngauh mi chu a thaw a suak.

SAM 2:12

thir bû hen amah chu mâimûk u, chu lo chun a thinthawk sawm lai le, nan thi chawlh lai. Amah hum ding hen a sinah kaltu chu an lâwptlo.

SAM 34:18

Mizer tla sinah LALPA chu a nâi; lungumnâk nei lotu tla chu ruang a suah na.

SAM 41:1

Mipâm lungkhamtu chu an lâwptlo; a lawksawng ni ah LALPA nih a ṭangpi na awt asi.

SAM 51:17

Pathian, ka bâwlnâk chu thinlung nâunâk asi, Mi â nâutir mi leh thinlung ah rim mi chu na nawng lo.

SAM 84:12

Zeizawng tikho Pathian, nangmah an ngauhsantu tla chu anna lâwm ngâk a!

THUFING LASUIBU 16:19

Mi zûm pakhat si hen an thilneih lakah vo va nei ngâk hen chun nâu tak leh pâm tak hen um chu a ṭha dauh.

THUFING LASUIBU 29:23

Zauhnawmh mang chu mah niamtirtu asi. Sikhawmsele, na nâutir chun, mi zah hen na um lai.

THUFING LASUIBU 8:32

“Tuah, tlangvâl tla, ka thu ngâi u. Thu ka sim mi hâwi hen ti ule, lâwptlo tak hen nan um lai.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

MATHAI 11:25

Chu liau chun Jisu nih, “Aw ka Pa, tual leh vân Lalpa, nangnih mifing leh mi fâifîm tla sinah hi bang thu hi na pheh, nâusêm tla sinah na phuang ruangah hin ka nan sawr.

MATHAI 11:6

Âuzawng ka tlûnah zumhmaihnâk neilotu chu an thaw a suak,” ti hen a sâng.

MATHAI 13:16

“Nannih mit lam chu a vân ṭha asi, a muh tâwn ruangah; nan nâ khawm a vân ṭha asi, a theih tâwn ruagah.

MATHAI 19:14

Jisu lam nih chun, “Ngâksia tetê ka sinah hawng kaltir ule, nar lah na u; Vân Ram chu hi bang hâwi mi tla tâ asi ruangah,” a ti.

MATHAI 24:46

A pu a hawng kal tik ah to-aw chubang hâwitê ti hen a hawng muh mi chu a thaw a suak lai.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MATHAI 3:2

“Rim u, Vân Ram chu a nâi rawh,” ti hen, Judai ramkaro ah thusim hen a hawng kal.

MATHAI 8:11

Ka nan simh na, sak leh thlang thawk hen mi tam tak an hawng kal lai le, Vân Ram ah chun Abraham tla, Isak tla, Jakob tla sinah an to lai.

MARK 10:14

Sikhawmsele, Jisu nih chu chu a muh rawh chun thungâi a lungsi lo; ṭhiruai tla sinah chun, “Ngâksia tetê tla ka sinah hawng kaltir ule, nar lah na u; Pathian Ram chu hi bang mi tla tâ asi.

LUK 11:28

Sikhawmsele, anih lam nih chun, “Pathian thu theih hen zâwttu tla hi mi vânṭha an si dauh, ti sim a ṭha dauh,” a ti.

LUK 18:14

Ka nan simh na, a masa ngâk hen chu minung chu mawh lo dauh hen a in ah a lâwi rawh. A sung-û tir mi zawng an nâu lai le, â nâutir mi chu chawnglawmh hen an um lai,” a ti.

LUK 22:29

chun ka ram ah ka dawhkân ah nan din hen nan ei khonâk ding hen ka Pa nih Ram hawng ka ruat piak mi hâwi hen Ram ka nan ruat piak na asi; chun, Israel phun leinih lâirêl piak hen laltophah ah nan to lai.

LUK 4:18

“Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

JOHAN 20:29

Jisu nih a sinah, “Nangnih chun na hawng ka muh ruangah na lung asi mu? Muhlo hen hawng ka lungtu zawng chu an thaw a suak,” a ti.

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

JEM 1:10

chun, unau minei chu Lalpa nih a niamh tikah a lâwm seh. Minei chu belhpâr hâwi hen a vei awt ruangah.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

THUPHUANG 19:9

Chun, vânmifial nih ka sinah, “Dawrâ Fa nupi neihnâk puai ah an sâwm mi tla chu an thaw a suak, ti hen rîn rawh,” a hawng ka ti. Chun, vânmifial ber nih, ‘Hi bang thu hi Pathian thudik chu asi,’ a ti nawlh.

THUPHUANG 22:14

An nipuan thiang tak hen suktu leh nungnâk thing rah ei hen khuapi kawtkâ ah a lût khotu tla chu an thaw a suak.

THUPHUANG 3:17

‘Ka nei le, sum leh pâi ka chawng le, zeikhawm ka samphâng lo,’ na ti le, sikhawmsele, mi ngâkṭah tak leh zângfah kâi tak na si zia tla, na pâm zia leh takkaro leh mitchâw na si zia na theih lo asi.