MATHAI 5:19 - Bawm Common Language Bible Version

¹⁹ Chuvachun, âuzawng hi bang thupêk mê chem lakah hin pakhat mawh buar hen, chu hâwi ti bâk ding hen mi le tla sîntirtu zawng chu Vân Ram ah mi mêchem an ti lai; khawmsele, âuzawng Dân zâwt hen, sîntir bâktu zawng chu Vân Ram ah chun mi lian an ti lai.

MATHAI 5:19 ပူးပေါင်းရင်းမြစ်များ

SAM 119:128

Churuang chun na sîntirnâk zawzawng chu ka zûl le, thil diklo leikâng zawzawng chu ka hua.

SAM 119:6

Na thupêk zawzawng ka ngâi chun, ka mualpho lai lo.

DANIAL 12:3

Ruitu fing chu vân a mi chêunâk zawzawng hen an chêu lai le, mi tam tak thil ti ding hen sîntirtu chu ârfi hâwi hen an chêu kumza lai,” a ti.

MATHAI 11:11

Thungâi tak hen ka nan simh na, nunau ring mi lakah Baptistu Johan ngâk hen rokual dauh an suak lo rih; sikhawmsele, Vân Ram ah mi mê chem khawm anih ngâk hen chun an rokual dauh.

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 20:26

Sikhawmsele, nannih lakah lam chun chu hâwi asi lai lo; âuzawng nanmah lakah mi lian siding duhtu vial chu nan to-aw ah a um ding asi.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

LUK 1:15

Lalpa mitmuh hen milian asi lai le, uain leh zû rerêng a din lai loh, a suaknâk thawk hen Thlarau Thenhlimh hen a khat lai.

LUK 11:42

“Nannih Farisai tla, nan tlûn a pit! Pudina, chawngrei leh, thlâi kip tla parâ lû ah pakhat nan pêk tâwn le, repnâk leh Pathian dâwtnâk chu nan thlahthlamh tâwn. Chubang tla chu asi nan ti ding mi chu, a dang tla chu tlawlh lêmlo hen.

LUK 9:48

Anih nih chun an sinah, “Âuzawng ka min ruangah hi ngâksiatê hi lawmhtu zawng chu keimah an ka lawmh asi; âuzawng kei an ka lawmhtu vial chu hawng ka fialtu lawmh an si; nan ektê lakah a mê chem mi hi asi rokual chem mi chu,” a ti.

THILTI 1:1

Theophil duhtak: Ka lasuibu masa chem lakah khan Jisu thilti leh sîntirnâk a dawmhtîrnâk zawzawng thu kha ka rîn asi.

ROM 3:8

Takhan chun, zeirang me, “Thil ṭha a hawng tlung khonâk ding hen thilsual kan ti lai,” ti hen kan sim dauh lo? Mi zeimaw mi nih an ka phiar le, simlopi an ka simtir. Chu hâwi mi le tla chu an mawh hâwi hen Pathian nih a rêp lai

ROM 6:1

Zeise kan sim lai rawh ne? Zângfahnâk chu a pung khonâk ding hen sual hen nget ma kan um awt?

ROM 6:15

Zeitin asi lai ne? Dân lâirêl hen um kan si lo le, zângfahnâk lâirêl hen um kan si dauh ruangah kan sual ding ma si lai?

DEUTERONOMY 12:32

“Thu ka nan pêk na mi zawzawng ti ule, chu lakah mi chu zeikhawm sap lah ule, lawnh ber lah u.

DEUTERONOMY 27:26

“ ‘Pathian dân zawzawng leh sîntirnâk zûl duhlotu tlûnah Pathian siat um seh,’ an ti lai. “Mi zapi zawzawng nih ‘Amen!’ ti hen an sâng lai.

1 TIMOTHE 6:11

Sikhawmsele, nang, Pathian mi chubang thu chu tektâk le, repnâk, Pathian sunhsaknâk, lungnâk, dâwtnâk, dawnhkhonâk leh nunnêmnâk tla chu zûl rawh.

TITA 3:8

“Pathian lung rawh mi nih chun thil ṭha ti vima ding hen tum seh,” ti thu hi zumh a kâi asi, chu thu chu râlṭha tak hen na sim thlir ding hen ka nan duh asi. Chubang thu chu minung tla rangah a ṭha hen mang a tlâk asi.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

1 JOHAN 3:4

Âuzawng thilsual titu vial nih dân a buar tâwn, sual chu dân buarnâk asi.

THUPHUANG 2:20

Sikhawmsele, sâwinâk ka nan nei, nunau Jezebel, Pathian khuavângnu â ti mi kha na sâithiam le, anih nih chun ka to-aw tla chu pung le lêngnâk leh milem sawnhnâk thil ei tla sîntir hen diklonâk ah a nan rui na asi.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.