MATHAI 5:18 - Bawm Common Language Bible Version

¹⁸ Thungâi tak hen ka nan simh na, tual leh vân hi a vei lânlo chu Dân thu ah mi lasui ṭialtê mawh lasui ṭialtê khingkhuai mawh pakhat khawm a vei lai lo, a ektê hen a tlungkim lânlo chu.

MATHAI 5:18 ပူးပေါင်းရင်းမြစ်များ

SAM 102:26

An vei lai le, nang lam chu na um lai; puan hâwi hen an nawh ver lai le, na nawng lai le, an vei lai.

SAM 111:8

Zeiliau zawng rang asi, thudik leh repnâk pêk hen an um.

SAM 119:152

A lân thawk hen na sîntirnâk ka sîn le; zungzâl rang ding ah na timhtuah mi asi.

ISAI 40:8

Asi, belh chu a uai le, chawmpâr chu a chuai le, sikhawmsele kan Pathian thu chu zungzâl a um kumza lai,” a ti.

ISAI 44:26

Sikhawmsele, ka to-aw nih simkannâk a sim hen, ka thiltum langhtir ding hen mi ka fial chun, chubang tumnâk tla leh simkannâk tla chu dik tak hen ka tlungtir. Jerusalem ah minung an um nawlh ding mi thu ka sim le, Juda khuapi tla khawm sak nawlh ding thu tla ka sim. Chubang khuapi tla râwk an si rawh mi chu dirh nawlh hen a um lai.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

MATHAI 10:15

Thungâi tak hen ka nan simh na, lâirêl ni ah chun chu khua tla tuar ngâk chun Sodom leh Gomorah ram tuar ding chu a ziachâng a um dauh lai.

MATHAI 10:23

Chuvachun, khua khat ah an nehsawh na tikah khua dangah tektâk u; thungâi tak hen ka nan simh na, Minung Fapa a hawng kal lânah Israel khua tla chu nan ṭawl thluh lai lo.

MATHAI 10:42

Chun, âuzawng hi bang hawng ka zûltu tla lakah a mê chem mi pakhat sinah hin, ka ṭhiruai asi ruangah, tî dâi hâi khat cho khawm pêktu zawng chu, thungâi tak hen ka nan simh na, an lâwmman chu an dawk rîlmâl lai lo,” a ti.

MATHAI 11:11

Thungâi tak hen ka nan simh na, nunau ring mi lakah Baptistu Johan ngâk hen rokual dauh an suak lo rih; sikhawmsele, Vân Ram ah mi mê chem khawm anih ngâk hen chun an rokual dauh.

MATHAI 13:17

Thungâi tak hen ka nan simh na, khuavâng tam tak tla leh mirep tam tak tla khawm nih nan thil muh tla hi muh an duh le, sikhawmsele an muh lo; nan thil theih tla khawm hi theih an duh le, sikhawmsele an theih lo.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 17:20

Chun, anih nih chun an sinah “Nan lung tâwm ruangah. Thungâi tak hen ka nan simh na, anṭam chî fang khat hâwi lungnâk nan nei chun, hi tlâng sinah hin, ‘Hi thawk hen khinah khin va a ṭhinh,’ nan ti lai le, â ṭhial ko lai;

MATHAI 18:18

“Thungâi tak hen ka nan simh na, tual tlûnah zeizawng nan phuar mi vial vân ah phuar asi lai; tual tlûnah zeizawng nan phelh mi vial vân ah phelh asi lai.

MATHAI 18:3

“Thungâi tak hen ka nan ti na, nanna lêt hen ngâksiatê hâwi nan silo chun Vân Ram ah nan lût rîlmâl lai lo.

MATHAI 19:23

Chun, Jisu nih a ṭhiruai tla sinah, “Thungâi tak hen ka nan simh na, minei rangah Vân Ram ah lût chu har tak asi:

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 21:21

Chun, Jisu nih an sinah, “Thungâi tak hen ka nan simh na, lungnâk nan nei hen, nan zumhmaih lo chun, theipi lakah ti mi cho hi nan ti lai lo le, hi tlâng sinah khawm hin hawng a ṭhial le, tisumsumriat ah hawng a lawnh rawh, nan ti chun, nan ti hâwi hen a hawng um lai.

MATHAI 21:31

Chu minung panih nih chun zei mi dauh nih me an pa duhzia an ti?” a ti. Annih nih chun, “A masa dauh mi nih,” an ti. Jisu nih an sinah, “Thungâi tak hen ka nan simh na, siah khawlhtu tla leh nunau â zuar mi tla nih chun Pathian Ram an lût khalh na awt ma hi!

MATHAI 23:36

Thungâi tak hen ka nan simh na, chubang zawzawng chu tu san mi tla tlûnah a hawng tlung lai.

MATHAI 24:2

Anih lam nih chun an sinah, “Hi bang zawzawng hi nan muh mu? Thungâi tak hen ka nan simh na, chimtir lo hen lung â tiang mi rerêng hinah a um lai lo,” a ti le, a sâng.

MATHAI 24:47

Thungâi tak hen ka nan simh na, a neih zawzawng tlûnah hotu ah a siam lai.

MATHAI 25:12

Anih lam nih chun, ‘Thungâi tak hen ka nan simh na, ka nan theih na lo asi,’ a ti le, a sâng.

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

MATHAI 25:45

Chun, anih nih chun, an sinah, ‘Thungâi tak hen ka nan simh na, hi bang mi mê chem tla lakah pakhat tlûnah nan ti lo chun ka tlûnah ti lo nan si,’ ti hen, a sâng na lai.

MATHAI 5:26

Thungâi tak hen ka nan simh, quadran tê men na lîm lânlo chu chunah mi chu na suak rîlmâl lai lo.

MATHAI 6:16

“Buh nan ngei tik khawm ah mi perpê tla hâwi hen zûr mêl put lah u; annih nih chun mi mitmuh ah buh an ngei mi an langh khonâk ding hen an mêl an zûrtir tâwn. Thungâi tak hen ka nan simh na, an lâwmman chu an tawng dih rawh.

MATHAI 6:2

“Chuvachun, mi sinah zeilo na pêk chun, mi perpê tla nih mi sawr an lawh khonâk ding hen, pumhnâk in tla ah, zâwllâi tla ah an ti tâwn hâwi hen na mâika ah tâwtawrâwt tumtir lah. Thungâi tak hen ka nan simh na, an lâwmman chu an tawng thluh rawh.

MATHAI 8:10

Chun, Jisu nih chubang thu chu a theih chun thungâi chê a ti le, a zûltu tla sinah chun, “Thungâi tak hen ka nan simh na, Israel tla lak khawm ah hi tluk rak hen lungnâk fâk hi ka muh lo.

MARK 10:15

Thungâi tak hen ka nan simh na, âuzawng Pathian Ram chu ngâksiatê nih a lawmh mi hâwi hen lawmh lotu zawng chu a sungah an lût rîlmâl lai loh,” a ti.

MARK 10:29

Jisu nih chun, “Thungâi tak hen ka nan simh na, âuzawng keimah ruangah leh Thâwngthâng Ṭha ruangah in mawh, unaupa mawh, farnu mawh, nu mawh, pa mawh, fa tla mawh, ram tla mawh kaltâk rawh mi nih chun,

MARK 11:23

Thungâi tak hen ka nan simh na, âuzawng hi tlâng sinah hin, Hawng a ṭhinh le, tisumsumriat ah a lawnh rawh,’ ti hen, a thinlung ah zumhmaih lo hen a sim mi chu a tlung ngelchel lai ti lungtu nih an sim zia zawng hen an muh lai.

MARK 12:43

Chun, Jisu nih chun a ṭhiruai tla chu a kawh na le, an sinah, “Thungâi tak hen ka nan simh na, thawhlâwm bâwm ah thlâktu dang zawzawng ngâk hen hi numei pâm tak nih a thlâk tam dauh.

MARK 13:30

Thungâi tak hen ka nan simh na, chubang zawzawng chu a hawng tlung lânlo chu tu san mi tla hi an tlâu lai loh.”

MARK 14:18

Chun, an dûm le, an ei liauah Jisu nih, “Thungâi tak hen ka nan simh na, nan lakah mi pakhat ka sinah ei bâk mi tak nih hin a hawng ka tleihtir lai,” a ti.

MARK 14:25

Thungâi tak hen ka nan simh na, Pathian Ram ah a thar ka din ni a tlung lânlo chu grep zûn rah lakah mi ka din nawlh lai lo rawh,” a ti.

MARK 14:30

Chun, Jisu nih a sinah, “Thungâi tak hen ka nan simh, tusûn ah tuzân lîlâ ah hin âr veinih a khuang lânah nangnih veithum na ka pheh lai,” a ti.

MARK 14:9

Chun, thungâi tak hen ka nan simh na, laikulh zawzawng ah, kha zeizawng ah, Thâwngthâng Ṭha an simnâk zawng ah hi nunau thilti khawm hi amah theihkumzanâk ding hen an sim vima bâk lai,” a ti.

MARK 3:28

“Hi hi theih u! Minung fa tla hi an sualnâk zawzawng ah leh Pathian an simsiatnâk zei lei zawng ah khawm an simsiatnâk tla chu ngaihdam an si lai.

MARK 6:11

Chun, zei khua khawm ah an lawmh na lo hen, nan thu an ngâi lonâk zawng ah chu thawk hen nan suak tikah chun anmah theihtir na ding hen nan kezaphah tangah valeidip kawp mi chu khâwng u,” a ti.

MARK 8:12

Chun, anih chu a thinlung hen a rûm le, “Zei rangah me tu san mi tla nih hin singsiahnâk an hâwl? Thungâi tak hen ka nan simh na, tu san minung tla sinah hin singsiahnâk rerêng pêk asi lai lo,” a ti.

MARK 9:1

Chun, Jisu nih an sinah, “Thungâi tak hen ka nan simh na, hinah dîr tla, a zeimaw mi tla hi Pathian Ram thiltikhonâk hen hawng tlung mi an muh lânlo chu thihnâk tem lo thlo ding mi an um,” a ti.

MARK 9:41

Âuzawng ka mi nan si ruangah tî hâi khat din ding an pêk natu chu, thungâi tak hen ka nan simh na, a lâwmman chu a dawk rîlmâl lai loh.

LUK 12:37

An pu a hawng kal tikah ngâk kumza hen a muh na mi to-aw tla chu an thaw a suak. Thungâi tak hen ka nan simh na, anih nih chun a tâi a sâwm lai le, anmah tla buh dûm hen a totir na lai le, an eibâr a timhtuah lai.

LUK 13:35

Zauhnik, nan in chu a karo hen an mâk piak na rawh. Ka nan simh na, ‘Lalpa min hen a hawng kal mi chu a thaw a suak,’ nan ti lânlo chu, nan ka muh lai lo rawh,” a ti.

LUK 16:17

Sikhawmsele, Dân thu rîn zek tê tlâu ngâk chun vân leh laikulh tlâu a awl dauh lai.”

LUK 18:17

Thungâi tak hen ka nan simh na, âuzawng Pathian Ram chu ngâksiatê nih a lawmh hâwi hen lawmh lotu zawng a sungah an lût lai lo,” a ti.

LUK 18:29

Chun, Jisu nih chun an sinah, “Thungâi tak hen ka nan simh na, âuzawng Pathian Ram ruangah a in mawh, nupi mawh, unau tla mawh nu leh pa mawh, fa tla mawh kaltâk mi zawng chu,

LUK 23:43

Chun, Jisu nih a sinah, “Thungâi tak hen ka nan simh, tusûn ah hin ka sinah Paradis ah na um bâk lai,” a ti.

LUK 4:24

Chun, anih nih, “Thungâi tak hen ka nan simh na, khuavâng âukhawm mah khua leiah mi nih an lawmh dahlo.

JOHAN 1:51

Chun, Jisu nih a sinah, “Thungâi tak hen ka nan simh, vân â awng hen, Pathian vânmifial tla Minung Fapa tlûnah hin ṭum leh kâi nan muh teh lai,” a ti,

JOHAN 10:1

Thungâi tak hen ka nan simh na, “Âuzawng dawrâ kulh kawtkâ ah lût lo hen, a dang lei hen kâi mi chu, chu minung chu fîrmang leh rawkmang asi.

JOHAN 10:7

Chun, Jisu nih an sinah a sim nawlh le, “Thungâi tak hen ka nan simh na, kei hi dawrâ kawtkâ chu kasi.

JOHAN 12:24

Thungâi tak hen ka nan simh na, fâng mal tual ah a tlâ hen, a thi lo chun, amah lâwng hen a um kumza tâwn; a thi lam chun tam tak hen a rah tâwn.

JOHAN 13:16

Thungâi tak hen ka nan simh na, to-aw a pu ngâk hen a rokual lo; mifial khawm a fialtu ngâk hen a rokual lo.

JOHAN 13:38

Jisu nih, “Keimah ruangah na nungnâk na pêk awt mu? Thungâi tak hen ka nan simh, nangnih veithum na ka pheh lânlo chu âr a khuang lai loh,” a ti le, a sâng.

JOHAN 14:12

Thungâi tak hen ka nan simh na, âuzawng hawng ka zumhtu nih chun thil ka ti mi tla hi anih khawm nih a ti bâk lai; hi ngâk a thil rokual khawm a ti lai, Pa sinah ka kal awt ruangah.

JOHAN 16:20

Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.

JOHAN 16:23

“Chu ni ah chun nannih nih zeikhawm nan hawng ka deih lai loh. Thungâi tak hen ka nan simh na: Pa sinah zeizawng ka min hen nan deih mi chu a nan pêk na lai.

JOHAN 21:18

Thungâi tak hen ka nan simh, na ngâksia liau khan na tâi na sâwm le, na duhnâk zawng ah na kal tâwn; sikhawmsele, na upa tikah na kut na phar lai le, midang nih an sâwm piak lai le, na duhlonâk leiah an kalpi lai,” a ti.

JOHAN 3:11

Thungâi tak hen ka nan simh, kannih nih kan theih mi chu kan sim tâwn, kan muh mi chu kan theihtir tâwn; sikhawmsele, kan theihtirnâk nan pawm lo.

JOHAN 3:3

Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

JOHAN 3:5

Jisu nih a sâng le, “Thungâi tak hen ka nan simh, mi âukhawm tî ah leh Thlarau ah a suak lo chun Pathian Ram ah a lût kho lai loh.

JOHAN 5:19

Chun, Jisu nih an sinah, “Thungâi tak hen ka nan simh na, Fapa nih amah ko hen zeikhawm a ti kho lo, Pa thilti a muh mi cho lo chu; thil a ti mi hâwi zawng chu, Fapa khawm nih a ti bâk tâwn.

JOHAN 6:26

Chun, Jisu nih an sinah, “Thungâi tak hen ka nan simh na, thilchê tla nan muh ruangah nan ka hâwl mi asi lo le, sang tlang nan ei le, nan khawp ruang dauh khan asi.

JOHAN 6:32

Chun, Jisu nih an sinah, “Thungâi tak hen ka nan simh na, vân thawk hen mi sang kha Mosi nih an pêk na mi asi lo, ka Pa lam nih chun vân thawk hen sang tak an pêk na asi hi.

JOHAN 6:47

Thungâi tak hen ka nan simh na, âuzawng a lungtu nih chun zungzâl hen nungnâk a nei rawh asi.

JOHAN 6:53

Chun, Jisu nih an sinah, “Thungâi tak hen ka nan simh na, Minung Fapa taksa nan ei hen, a thisen nan din lo chun, nanmah lakah nungnâk nan nei lo.

JOHAN 8:34

Jisu nih an sinah, “Thungâi tak hen ka nan simh na, âuzawng thilsual titu vial sual sal asi.

JOHAN 8:51

Thungâi tak hen ka nan simh na, mi nih ka thu a zâwt chun, a thi rerêng lai loh,” a ti.

JOHAN 8:58

Jisu nih an sinah, “Thungâi tak hen ka nan simh na, Abraham suak lânah mi kasi rawh,” a ti.

1 PETER 1:25

sikhawmsele, Lalpa thu lam chu zungzâl hen a um kumza asi,” ti hen a sim hâwi khan. Thâwngthâng Ṭha an simh na mi chu hi thu hi asi.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.