MATHAI 5:16 - Bawm Common Language Bible Version

¹⁶ Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

MATHAI 5:16 ပူးပေါင်းရင်းမြစ်များ

EXODUS 34:35

a mêl chu chêu pup hen an muh. LALPA va sawnh nawlh ding hen a kal lânlo chu a mêl chu a khuh kumza.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

ISAI 58:8

“Ka sunhsaknâk chu na tlûnah zînglei nî hâwi hen a hawng chêu lai le, na liam mi mâ chu a dam sawm lai. A nan hum ding hen na sinah ka um kumza lai le; ka nan umpinâk nih zei leikâng zawng ah an hum lai.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

MATHAI 23:5

An thilti zawzawng chu minung muh ding ah asi an ti dauh tâwn. An thil bunh tla leh khimh tla chu an lian tir, an puansâr mûm an bawrtir tâwn.

MATHAI 23:9

Chun, tual tlûnah hin âukhawm ka pa ti lah u, nan Pa chu pakhat cho asi, vân ah mi khi.

MATHAI 5:45

nan Pa vân a mi fa tla nan si khonâk ding hen. Anih nih chun misual tla leh mi ṭha tla tlûnah chun a nî a suaktir tâwn le, mirep tla leh mi replo tla tlûnah khawm ruah a sûrtir tâwn asi.

MATHAI 6:16

“Buh nan ngei tik khawm ah mi perpê tla hâwi hen zûr mêl put lah u; annih nih chun mi mitmuh ah buh an ngei mi an langh khonâk ding hen an mêl an zûrtir tâwn. Thungâi tak hen ka nan simh na, an lâwmman chu an tawng dih rawh.

MATHAI 6:9

Chuvachun, nannih nih chun hi hâwi hen thlacham u: ‘Kan Pa vân ah mi, Na min zah hen um seh.

MATHAI 9:8

Chun, mi zapi tla nih chun chu chu an muh rawh chun an ṭih le, minung tla sinah chu hâwi thuneihnâk pêktu Pathian chu an sawr rawh.

LUK 11:2

Chun, anih nih chun an sinah, “Thla nan cham chun hi hâwi hen ti u: ‘Ka pa, Na min zahkâi seh, Na ram hawng tlung seh.

JOHAN 15:8

Hi ruang hin ka Pa chu chawnglawmh hen a um tâwn, tam tak nan rahnâk takah hin; chuvachun ka ṭhiruai tla nan si lai.

THILTI 9:36

Chun, Joppa khua ah a min Tabitha lungtu pakhat a um. (Greek hen a min chu Dorka asi, chu chu ‘Sakhi’ tinâk asi.) Chu nunau chu thil ṭha ti hen a hun zawzawng a mang tâwn le, chun, mipâm tla a ṭangpi tâwn.

1 KORIN 14:25

Chun, bawkbukhup hen mâi an mûk lai le, Pathian nan lakah a um ti a phuang lai.

2 KORIN 9:13

Hi rianṭuannâk nih hin a nan nik na ruangah Krist Thâwngthâng Ṭha leikângah nan thinlung nan zâwt zia ruangah leh anmah tla rangah leh mi zawzawng rangah thawhlâwmnâk ah nan thil siang tla ruangah hin Pathian an rokualtir tâwn asi.

GALATIA 1:24

Chun, keimah ruangah Pathian an chawnglawmh rawh.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

EPHESI 5:8

A lânah khan mûi ah nan um le, sikhawmsele Lalpa mi tla nan si nûnah chun chêu lakah nan um rawh. Churuangah, chêu lakah um mi tla hâwi hen nan um ding asi.

1 TIMOTHE 2:10

sikhawmsele, nunau, Pathian ka sunhsak â ti mi tla chu amah zuam tâwk hen thil ṭha ti hen, a thuam sele ka duh.

1 TIMOTHE 5:10

chun, thil ṭha ti lakah a minthang mi: nunau mah fa le zauhkhenh thiam, a in ah khual tla tlung hen, Pathian mi le kê ṭâwl leh an nawknâk ah ṭangpi hen, thil ṭha tinâk kip ah â pêk mi asi ding asi.

1 TIMOTHE 5:25

Chu hâwi ber hen thil ṭha hi a lang ko mi a um, chubang hâwi lo mi tla khawm chu thuh kho asi loh.

1 TIMOTHE 6:18

Thil ṭha ti ding hen, thil ṭha ti tam ding hen, hawk hen, midang tla vauh bâk ding hen simh na.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

TITA 2:7

Khatlei kângah ṭângṭawm mi tla nih kan tlûnah thu ṭhalo rerêng sim ding a nei lo ruangah an ningzak khonâk ding hen, zeizawng ah thil ṭha ti ding leikângah muhtirtu ah a siam le, na sîntirnâk ah chun na dik zia tla, zah na kâi zia tla, na thusim dik zia tla, sâwi kho lo mi chu langhtir rawh.

TITA 3:14

Kan mi tla khawm nih chun rah lo hen an um lonâk ding hen samphângnâk herh rang ding ah chun thil ṭha ti vima a sîn na seh.

TITA 3:4

Sikhawmsele, Pathian kan Ruangsuahtu vêlneih zia leh minung tlûnah a zângfah zia a hawng langh liauah khan;

HEBRAI 10:24

Chun, dâwt leh thil ṭha leh a ṭangpi tawnh ding hen kanna ruat tawnh lai.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

1 PETER 3:1

Chu hâwi ber hen, nannih nupi tla, nan pasal tla thu thu hen um u. An lakah zeimaw mi Pathian thu lung lo na khawmsele, thu silo hen, nan nunchan thenhlimh leh zahkâinâk hen neh na ding a tum u.

1 PETER 3:16

Sia leh ṭha theihnâk thiang tak nei ule, an simsiat na nâk leikângah Krist ah nan umdân ṭha sâwitu tla chu mualpho hen an um kho lai.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.

1 PETER 4:14

Krist lungtu nan si ruangah fâi nan si chun nan thaw a suak, rokualnâk Thlarau leh Pathian Thlarau chu nan lakah a um ruangah.