MATHAI 5:12 - Bawm Common Language Bible Version

¹² Lâwm ule, lâwptlo hen um u; vân ah nan lâwmman a tam ruangah. Chu hâwi ber hen nanmah lânah khuavâng um tla khawm an nehsawh na tâwn.

MATHAI 5:12 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

1 Lal 18:13

Jezebel nih khuavâng tla a thah na liauah khuavâng zâ pûk lakah sâwmnga hen murui nih ka suah na le, buh leh tî ka pêk na mi kha na theih lo na maw?

1 Lal 18:4

Jezebel nih LALPA khuavâng tla a thah na liauah Obadiah nih khuavâng zâ a kalpi na le, pûk ah sâwmnga hen murui nih a suah na le, pûk ah a thuh na; an ei ding buh leh tî a ruat piak na.)

1 Lal 19:2

Elija sinah Jezebel nih thu a thanh, “Thâituan tu tik ding ah khuavâng tla tlûnah na ti mi hâwi hen ka nan tilo mi asi chun pathian tla nih thi thlo hen hawng ka vuak seh,” a ti.

1 Lal 21:20

Ahab nih Elija a muh kâ hen a sinah, “Ka mêlmapa, ka sinah na hawng mu?” a ti. Elija nih a sâng le, “Asi, ka hawng mahi! LALPA mitmuh hen thilsual ti ding hen na pumpêk ual ma kha!

1 Lal 22:8

Ahab nih a sâng le, “Pakhat a um rih, Imlah fapa Mikaiah, sikhawmsele anih chu ka hua asi; kei rangah a ṭha kâng hen zeikhawm a sim lo ruangah, a sia lei kumza hen a sim tâwn,” a ti. “Chu minung chu sim khawm sim lah,” ti hen Jehosaphat nih a sâng.

2 Lal 1:9

Churawhchun, lalchem nih hotu pakhat minung sâwmnga Elija kawh ding hen a fial na. Hotu nih chun Elija tlângah a to mi hen a va a tawng le, “Pathian mi, lalchem nih a sinah kal ding hen an kawh,” a ti.

2 CHRONICLES 16:10

Hi thusim nih Asa chu khuavâng tlûnah a thin a run le, rêng a thlâk rawh. Chu liau chun midang tla khawm Asa nih thungâi a nehsawh na.

2 CHRONICLES 36:16

Sikhawmsele, Pathian mifial chu an do le, a thu tla siarlo hen khuavâng chu an nihsanh, a dawnghnâk ah chun LALPA thinthawknâk chu a fâk tuktarâi le, pakhat khawm a him mi an um lo.

NEHEMIAH 9:26

“Sikhawmsele, na mi tla chu an hel le, na thu an ngâi duh loh, na dân tla chu dunglei an sîttâk. Anmah rim ding hen simhtu khuavâng tla an thah na, zeiliau zawng ah an siarlo.

SAM 19:11

Na to-aw rangah theihthiamnâk na ka pêk le; ka zûl ruangah lâwmman pêk hen ka um.

SAM 58:11

Mi leh tla nih chun, “Mirep tla chu lâwmman pêk an si tak rawh, laikulh lâirêltu Pathian chu a um tatak ngâk,” an ti lai.

THUFING LASUIBU 11:18

Misual tla nih chun zeikhawm an lawh lo le, sikhawmsele thil dik na ti chun lâwmman na ting ngelchel lai.

ISAI 3:10

Mirep tla chu anna lâwm lai le, an rangah thil zeizawng a tluang lai. An rianṭuan tha fâk lakah anna lâwm kho lai.

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 26:8

LALPA nih sim ding hen thu hawng ka pêk mi ka sim lîm kâ hen an ka tleih le, an âu, “Hi ruang hin nang chu thah ding mi na si!

JEREMIA 37:14

Kei nih ka sâng le, “Chu hâwi asi lo! Ka tek lo,” ka ti. Sikhawmsele Irijah nih chun ka thu rêng a ngâilo. Ngâi ding ngangâk hen a tleih lam hawng ka tleih le, rianṭuantu sinah hawng ka put.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 6:16

“Buh nan ngei tik khawm ah mi perpê tla hâwi hen zûr mêl put lah u; annih nih chun mi mitmuh ah buh an ngei mi an langh khonâk ding hen an mêl an zûrtir tâwn. Thungâi tak hen ka nan simh na, an lâwmman chu an tawng dih rawh.

LUK 13:34

“Aw, Jerusalem! Jerusalem! khuavâng tla thahtu, na sinah Pathian nih a hawng fial mi tla lung hen thi thlap sehtu, ârpinu nih a fa tla a thla tangah a khurh hâwi hen na fa tla vei zei zat me khurh ka tum mi kha! Sikhawmsele, na duh lo.

LUK 6:23

Chu ni ah chun a lâwm ule, lâwptlo hen a lawk u; vân ah nan lâwmman a lian ruangah. Chu hâwi ber hen an thlâktu tla nih khuavâng tla tlûnah an ti tâwn kha.

LUK 6:35

Sikhawmsele, nan mêlma tla dâwt ule, an ṭhatnâk ding ti ule, pûktir u, lungdawng lo thlo hen, chun nan lâwmman a rokual lai, Chungnung chem fa tla nan si lai. Anih nih chun lâwm ding theih lo minung tla leh misual tla a dâwt tâwn.

THILTI 16:25

Sikhawmsele, thanṭim ah Pawl leh Sila chu Pathian sinah thla an cham le, la an sak le, rêngtlâk tla nih an ngâi.

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

ROM 5:3

Chun, chu ko chu silo hen kanna hamhnâk khawm ah lâwm hen kan um, hamhnâk nih chun felfênâk a siam le,

1 KORIN 3:8

Chun, a phuntu leh tî hen châwmtu chu pumkhat an si, sikhawmsele anmah rianṭuan hamh zia hâwi vima hen lâwmman an tawng vevê lai.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

PHILIPI 2:17

Asi, nan lungnâk hâwlnâk leh rianṭuannâk lakah chun tawih hen um menza khawmsele ka lâwm asi, nan ektê hen ka nan lawmhpi ber na.

KOLOSA 1:24

Tuah ka nan tuar piak na mi lakah hin ka lâwm, Krist hamh tuar mabân chu ka taksa ruangah ka tîttak ah hin ka zulhpeh vima asi;

1 THESALONIKA 2:15

chubang Juda tla nih chun Lalpa Jisu leh khuavâng tla khawm an thah le, kannih khawm hawng kan nar le, Pathian an lawmhtir lo, mi zawzawng an kalh tâwn;

HEBRAI 10:34

Rêng a tlâ mi tla tuarnâk chu nanna ting bâk rawh; thil ṭha dauh um kumza ding mi chu nan nei ti theih hen nan thil an lâk piak na mi tla khawm lâwm tak hen nan tuar kho asi.

HEBRAI 11:26

Mesia ruangah tuarnâk chu Aigupta ram rothil tla ngâk hen sum rokual dauh ah a ruat le, mâilei ah lâwmman pêk ding mi chu a chuanh ruangah.

HEBRAI 11:33

Chubang tla nih chun lungnâk hen ram tla an lâk le, thil dik an ti le, thutiam tla anna ting, chakeibaknei kâ tla an chîp piak.

HEBRAI 11:6

Sikhawmsele, lungnâk lo hen âukhawm nih Pathian lawmhtir kho asi loh. Pathian sinah a hawng kal mi nih chun Pathian chu a um ti leh amah hâwltu tla sinah lâwmman pêk mang asi ti lung ding asi.

JEM 1:2

Ka unau le tla, nan lakah niknâk zeital hawng um khawmsele, vânṭhatnâk ah ruat u.

JEM 5:10

Unau tla, khuavâng, Lalpa min hen thusimtu tla theihkumza u, tuarkhonâk leh felfênâk thu ah zûnzauhnâk ah mang na u.

1 PETER 4:13

A rokualnâk langh hen a um tikah lâwmnâk rangtling hen nan um khonâk ding hen Krist tuarpitu nan si ti theih hen a lâwm dauh lehlam u.

RUTH 2:12

Na thilti ruangah LALPA nih lâwmman a nan pêk seh, a nan humtu siding hen Israel LALPA Pathian na hawng fûk mi nih lâwmman tling tak a nan pêk seh,” a ti.