MATHAI 5:11 - Bawm Common Language Bible Version

¹¹ “Mi nih keimah ruangah an fâi na hen, an nehsawh na hen, âwkrâwl hen sual kip hen an phiar na tikah nan thaw a suak lai.

MATHAI 5:11 ပူးပေါင်းရင်းမြစ်များ

SAM 35:11

Ran mawh va mawh ngâk a fing dauh hen, hawng kan finghtirtu Pathian leiah anna her lo.

SAM 44:22

Nangmah ruangah zeiliau zawng ah thah hen kan um, dawrâ thah ding mi hâwi hen ruat kan si.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

JEREMIA 37:14

Kei nih ka sâng le, “Chu hâwi asi lo! Ka tek lo,” ka ti. Sikhawmsele Irijah nih chun ka thu rêng a ngâilo. Ngâi ding ngangâk hen a tleih lam hawng ka tleih le, rianṭuantu sinah hawng ka put.

MATHAI 10:18

asi, keimah ruangah governor tla leh lalchem tla mâikaah anmah leh phundang theihnâk ding hen an put na lai.

MATHAI 10:22

Keimah min ruangah mi zawzawng huat nan si lai; sikhawmsele, a dawngh tiang hen tuar huamtu zawng chu, chu tak chu ruangsuah hen a um lai.

MATHAI 10:25

Sîntu chu a sîntirtu hâwi hen a hawng um mi leh to-aw chu a pu hâwi hen a hawng um mi chu â tâwk. Indâwngpu men ‘Belzebul’ an ti chun, a dâwngsung tla chu an ti ding rêng asi!

MATHAI 10:39

Âuzawng a nungnâk tawngtu nih chun a dawk lai le; keimah ruangah a nungnâk dawktu nih chun a tawng lai.

MATHAI 19:29

Chun, mikip, in tla mawh, unau tla mawh, farnu tla mawh, pa mawh, nu mawh, fa tla mawh, ram tla mawh, ka min ruangah kaltâktu zawng nih chun a leh zâ a tawng lai le, zungzâl nungnâk anna ting lai.

MATHAI 24:9

“Chu tikah chun hamh tuar ding hen a nan tleihtir na lai le, an thah na lai; ka min ruangah phun zawzawng huat nan si lai.

MATHAI 27:39

Chun, mivel kip nih an lû an sut le,

MARK 13:13

Keimah min ruangah mi zawzawng huat nan si lai; sikhawmsele, a dawngh tiang hen tuar huamtu zawng chu, chu tak chu ruangsuak hen a um lai.”

MARK 13:9

“Sikhawmsele, a thiamthih u; lâirêltu tla an tleihtir na lai le, pumhnâk in tla ah an vuak na lai. Keimah ruangah governor tla leh lalchem tla mâika ah anmah tla theihtirnâk ding hen nan dîr teh lai.

MARK 4:17

sikhawmsele, anmah lakah chun ram an nei lo, sâwtlotê cho an um le; chu nûnah chun thu ruangah hamhnâk mawh nehsawhnâk mawh a hawng um ka hen an tlû sawm tâwn.

MARK 8:35

Âuzawng a nungnâk hum duhtu zawng nih a thlâu lai le; âuzawng keimah ruangah leh Thâwngthâng Ṭha ruangah a nungnâk thlâutu nih chun a him lai.

LUK 21:12

Sikhawmsele, chubang thil zawzawng a hawng tlung lânah chun a nan tleih na lai le, an nehsawh na lai. Pumhnâk in tla ah an kalpi na lai le, rêngin tla ah an khumh na lai; lalchem tla leh governor tla mâika ah an kalpi na lai.

LUK 21:17

Keimah min ruangah mi zawzawng huat nan si lai.

LUK 6:22

“Minung Fapa ruangah mi nih an hua na hen, an nawng na hen, an fâi na hen, nan min a ṭhalo ti hen an lawnh tlak na tikah nan thaw a suak teh lai!

LUK 9:24

Âuzawng a nungnâk hum duhtu zawng nih a thlâu lai le; âuzawng keimah ruangah a nungnâk thlâutu zawng nih, chu nih chun a hum lai.

JOHAN 15:21

Sikhawmsele, hi bang thil zawzawng hi ka min ruangah nan tlûnah an ti lai, hawng ka fialtu an theih lo ruangah.

JOHAN 9:28

Chun, annih nih chun an fâi le, “Nang hi amah ṭhiruai na si le, kannih lam chu Mosi ṭhiruai tla kan si.

THILTI 9:16

Chun, ka min ruangah hamhnâk zei hâwi tluk a fâk mi a tuar ding amah ka theihtir awt asi,” a ti.

ROM 8:36

Pathian lasui thu nih, “Nangmah ruangah nî tlâk hen thah hen kan um tâwn, Dawrâ thah ding mi tla hâwi hen ruat kan si,” ti hen a sim hâwi khan.

1 KORIN 4:10

Kannih lam chu Krist ruangah mi â kan si, nannih lam chu Krist ah mi fing nan si dauh. Kannih lam chu kan chak lo le, nannih lam chu nan chak, nannih lam chu mi chawnglawmh hen nan um le, kannih lam chu mi zauhnawmh hen kan um asi.

2 KORIN 4:11

Kannih dam hen um mi tla hi Jisu ruangah thi ding ah tleihtir hen kan um kumza, Jisu nungnâk khawm kan taksa thi kho ah hin a langh khonâk ding hen.

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

1 PETER 2:23

Mi nih hawlhsiat an barh liau khawm ah a barh na bâk lo, a tuar liau khawm ah a ṭhih na lo, lâirêltu rep, Pathian lakah a lungumnâk a ngauh dauh asi.

1 PETER 4:14

Krist lungtu nan si ruangah fâi nan si chun nan thaw a suak, rokualnâk Thlarau leh Pathian Thlarau chu nan lakah a um ruangah.

THUPHUANG 2:3

felfênâk na nei ber le, ka min ruangah na tuar rawh le, na zuai lêm lo.