MATHAI 5:10 - Bawm Common Language Bible Version

¹⁰ “Repnâk ruangah nehsawh tuar rawh tla chu an thaw a suak; Vân Ram an tâ asi ruangah!

MATHAI 5:10 ပူးပေါင်းရင်းမြစ်များ

SAM 37:12

Misual nih mi ṭha a phiar le, hua tak hen a zauh.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

MATHAI 10:23

Chuvachun, khua khat ah an nehsawh na tikah khua dangah tektâk u; thungâi tak hen ka nan simh na, Minung Fapa a hawng kal lânah Israel khua tla chu nan ṭawl thluh lai lo.

MATHAI 19:14

Jisu lam nih chun, “Ngâksia tetê ka sinah hawng kaltir ule, nar lah na u; Vân Ram chu hi bang hâwi mi tla tâ asi ruangah,” a ti.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MATHAI 5:3

“Thlarau leikâng ah thinlung hamh mi tla chu an thaw a suak; Vân Ram an tâ asi ruangah!

MARK 10:14

Sikhawmsele, Jisu nih chu chu a muh rawh chun thungâi a lungsi lo; ṭhiruai tla sinah chun, “Ngâksia tetê tla ka sinah hawng kaltir ule, nar lah na u; Pathian Ram chu hi bang mi tla tâ asi.

MARK 10:30

tu dam sung lîlâ hin in tla, unaupa tla, farnu tla, nu tla, fa tla, ram tla a let zâ hen, nehsawhnâk tla hen, tawng lo ding âukhawm an um lo; tik hawng tlung ding mi ah zungzâl nungnâk hen.

LUK 21:12

Sikhawmsele, chubang thil zawzawng a hawng tlung lânah chun a nan tleih na lai le, an nehsawh na lai. Pumhnâk in tla ah an kalpi na lai le, rêngin tla ah an khumh na lai; lalchem tla leh governor tla mâika ah an kalpi na lai.

LUK 22:29

chun ka ram ah ka dawhkân ah nan din hen nan ei khonâk ding hen ka Pa nih Ram hawng ka ruat piak mi hâwi hen Ram ka nan ruat piak na asi; chun, Israel phun leinih lâirêl piak hen laltophah ah nan to lai.

LUK 6:20

Chun, a vân a tâu le, a ṭhiruai tla chu a zauh na le, “Nannih ngâkṭah tla, nan thaw a suak, Pathian Ram nan tâ asi ruangah!

LUK 6:22

“Minung Fapa ruangah mi nih an hua na hen, an nawng na hen, an fâi na hen, nan min a ṭhalo ti hen an lawnh tlak na tikah nan thaw a suak teh lai!

JOHAN 15:20

‘To-aw a pu ngâk hen a rokual lo,’ ti thu kan simh na rawh kha, theihkumza u. Anmah nih kei an ka nehsawh chun, nannih khawm an nehsawwh na lai; ka thu an zâwt chun, nannih thu khawm an zâwt lai.

THILTI 5:40

Chun, mifial tla chu an kawh na le; an vuak na le; an vuak thluh nûnah Jisu min hen thu simlo rawh ding ti thlir hen an thlah na rawh.

THILTI 8:1

Sawl khawm nih a thi mi chu rem a ti. Chun, chu ni ah chun Jerusalem ah kawhmi um tla chu nehsawh tuar anna dawmh rawh. Mifial tla cho lo chu lungtu zawzawng tla chu Judai leh Samaria ram khua kip ah anna rekrâwi ver rawh.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

PHILIPI 1:28

dotu tla zei leikâng khawm ah lâu lo hen nan um ti nan thâwngthâng ka theih kho lai, chu chu an rangah veihnâk asi ti theihtirnâk fiang tak asi, nannih rang lam chun ruangsuah ding nan si ti theihtirnâk fiang tak asi dauh, chu khawm chu Pathian lakah mi asi.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

2 TIMOTHE 3:11

mi nih an ka nehsawnhnâk tla, ka tuarnâk tla, thungâi na theih; Antiokei khua ah, Ikoniam khua ah, Lustra khua ah ka lakah thil tlung mi leh nehsawhnâk ka tuarnâk tla kha, chubang zawzawng ah chun Lalpa nih ruang a hawng ka suah rawh.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 5:11

Tuar khotu tla chu mi thawsuak kan ti na. Job felfê zia chu nan theih, Lalpa nih a dawnghnâk ah a ti zia khawm kha nan theih, Lalpa chu siherhnâk leh khuaruatnâk hen a khat zia khawm kha.

1 JOHAN 3:12

Kain misual lakah mi mah unau thahtu hâwi khan kan um ding asi lo le, zeiruang me Kain nih anih chu a thah? Amah thilti a diklo le, a unau Abel thilti chu a dik ruangah.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.