MATHAI 4:8 - Bawm Common Language Bible Version

⁸ Chun, Diabol nih chun tlâng sâng tak ah a kalpi nawlh le, laikulh ram zawzawng leh an rokualnâk a zauhtir.

MATHAI 4:8 ပူးပေါင်းရင်းမြစ်များ

ESTHER 1:4

Thla ruk sung chu a lal in ah a neih a siah leh a rokualnâk leh a lalnâk a zauhtir na.

ESTHER 5:11

A neih leh a siah, fapa tam tak a nei mi tla, lal nih dîrmun sâng tak luahtu ah a siam mi tla, rianṭuantu zawzawng lakah a sâng chem a sinâk tla hen a hâwi leh sinah â sawr.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

NUMBER 23:3

Chun, Balaam nih Balak sinah, “Hi na duahphung thil ap kiangah hin dîr le, LALPA hen kanna tawng lai mawh tawng lai lo mawh ka va kal lai rih. Ka sinah a sim mi vial chu kan simh ver lai,” a ti. Churawhchun, amah lâwng hen tlângah a va kai le,

MATHAI 16:26

Mi nih laikulh hi a pum hen a ting sele, a nungnâk dawk sele, a rangah zei a ṭhatnâk a um lai? Asi lo leh, mi nih a nungnâk rûlah zei me a pêk lai?

MATHAI 4:5

Churawhchun, Diabol nih Khua Thenhlimh ah chun a lûtpi le, Pathian Biakin tlûn sîp zum ah a siah le,

JOHAN 5:20

Pa nih Fapa a dâwt le, a thilti zawzawng a sinah a zauhtir tâwn; hi ngâk a thilti rokual dauh hi a sinah a zauhtir teh lai, chê nan ti ding ah.

1 PETER 1:24

Pathian lasui thu nih, “Mi zawzawng chu belh hâwi an si; an rokualnâk zawzawng khawm chawmpâr hâwi an si. Belh chu a uai le, a pâr chu a tlawng,

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.