MATHAI 4:5 - Bawm Common Language Bible Version

⁵ Churawhchun, Diabol nih Khua Thenhlimh ah chun a lûtpi le, Pathian Biakin tlûn sîp zum ah a siah le,

MATHAI 4:5 ပူးပေါင်းရင်းမြစ်များ

2 CHRONICLES 3:4

A tualmâi kâu dân chu in vâng kauh feet 30 asi, a sânglei chu feet 180 asi. A kardang sung chu ngûn hen luanh asi.

NEHEMIAH 11:1

Ruitu tla chu Jerusalem ah an um le, midang tla vial chu dâwng râ ah dâwng khat vima hen Jerusalem khuapi thenhlimh ah um ding hen chamchawhnâk an nei, a dang vial chu khuapi dang tla leh khua lian dauh ah an um.

NEHEMIAH 11:18

A ektê hen, Jerusalem khuapi thenhlimh ah Levi um mi vial chu 284 an si.

ISAI 48:2

Khuapi thenhlimh lakah mi kan si, Israel Pathian, a min chu zeizawng tikhotu LALPA lakah ngauh mi kan si ti hen zûm tak hen thu nan sim nget rih.

ISAI 52:1

Jerusalem, chak tak leh rokual tak hen um nawlh rawh! Pathian khuapi thenhlimh, rokualnâk hen a thuam rawh! Lunglo tla chu na khua kulh sungah an lût lai lo rawh.

DANIAL 9:16

A lânah chun nangmah vêng mi kan si, churuang chun Jerusalem tlûnah na thinthawk lah rawh. Na khuapi leh na tlâng thenhlimh asi. Kan thlâktu tla nih thilsual an ti ruangah kan kiangkam ram minung zawzawng tla nih Jerusalem leh na mi tla an zauhnawmh.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

MATHAI 27:53

Chubang tla chu Jisu thawknawlh nûnah chun thlân ah mi chu an suak le, Khua Thenhlimh ah chun an lût le, mi tam tak sinah anna langh rawh.

LUK 4:9

Chun, Diabol nih chun Jerusalem ah a kalpi le, Pathian Biakin tlûn zum ah chun a siah le, chun a sinah, “Pathian Fapa na si chun a khâwk rawh;

JOHAN 19:11

Jisu nih, “Tlûnlei thawk hen pêk na si lo chun, ka tlûnah hin tikhonâk rerêng na nei lai lo; churuangah na sinah hawng ka pêktu nih khan sual a phurh khun asi,” a ti.

THUPHUANG 11:2

Sikhawmsele, biakin lênglei kulhsung lam chu tah sih lah, chu chu phun dang sinah pêk asi rawh, annih nih chun Khua Thenhlimh chu thla sâwmli leh thlanih an lamhbêk lai.