MATHAI 4:4 - Bawm Common Language Bible Version

⁴ Sikhawmsele, anih nih chun, “Minung hi sang cho hen an nung lai lo le, Pathian kâ thu kip suak hen an nung dauh lai, ti rîn asi,” ti hen a sâng.

MATHAI 4:4 ပူးပေါင်းရင်းမြစ်များ

EXODUS 16:15

Israel tla nih an muh rawh chun zei asi an theih rerêng lo, “Zei mesi?” ti hen anmah leh anmah anna deih. Mosi nih an sinah, “Hi hi buh, LALPA nih nan ei ding hen an pêk na mi chu asi.

EXODUS 16:35

Israel tla nih chun an umnâk Kanaan an tlung lânlo chu kum sâwmli kar manna an ei.

EXODUS 16:8

Churawhchun, Mosi nih, “Zânlei ah meh, zînglei ah sang nan duh tâwk an pêk natu ding chu LALPA asi, a tlûnah nan chipchiarnâk a theih tam tuktarâi rawh ruangah, kan tlûnah nan chipchiar mi chu LALPA tlûnah chipchiar nan si,” an ti.

EXODUS 23:15

Abib thla, Aigupta thawk hen nan suaknâk thla ah thu ka nan pêk na mi hâwi hen Sâng Thilnu telhlo Kût ulh u. Kût liauah ni sarih kar chu sang thilnu telh mi rerêng nan ei ding asi lo, thil ap ding put lo hen nan ka sawnh ding hen nan hawng ding asi lo.

MATHAI 15:11

Kâ ah lût mi chu minung nawmhtu asi lo le, kâ thawk suak mi chu, chu tak chu minung nawmhtu asi dauh,” a ti.

MATHAI 4:10

Chu ka hen Jisu nih a sinah, “Setan, kal ving! ‘Lalpa na Pathian sawnh le, amah rian cho ṭuan rawh,’ ti rîn asi,” a ti.

MATHAI 4:7

Jisu nih a sinah, “Lalpa na Pathian niksak dêl lah, ti rîn asi” a ti.

MARK 7:20

Chun, amah nih, “Minung paw sung thawk hen suak nih chun, chu tak nih chun minung a nawmh tâwn asi.

LUK 4:12

Chun, Jisu nih a sinah, “Lalpa na Pathian niksak dêl lah, ti asi,” ti hen, a sâng.

LUK 4:4

Chun, Jisu nih a sinah, “Minung hi sang cho hen an nung lai loh, ti rîn asi,” a ti le, a sâng.

LUK 4:8

Chun, Jisu nih a sinah, “Lalpa na Pathian mâimûk le, amah rian cho ṭuan rawh, ti rîn asi,” a ti le, a sâng.

JOHAN 15:26

“Chun, Pa sinah mi ṭangpitu nan sinah ka fial ding mi, Pa lakah suak Thlarau Pathian thutak phuangtu chu, a hawng tlung tikah, anih nih chun ka thu a theihtir lai.

JOHAN 6:63

Nungtirtu chu thlarau asi, taksa chu zeirang khawm ah a tlâklo; nan sinah thu ka sim mi tla hi thlarau asi, nungnâk khawm asi.

ROM 15:4

Pathian lasui thu ah felfênâk leh lungngamnâk tawng hen lungumnâk kan nei khonâk ding hen, tuan liauah rîn mi tla chu kanmah hawng kan sîntirnâk ding asi ruangah.

EPHESI 6:17

Chun, ruangsuahnâk lukhuh leh Thlarau nâmsâu (Pathian thu) chu lâk ule,

DEUTERONOMY 8:3

Sungvâng tak hen a nan siam na le, churawhchun manna ei ding a nan pêk na, an thlâk natu tla nih a lânah an ei dahlo mi buh chu. Hi hi mi nih sang lak cho ah a ngauh lo hen, sikhawmsele thil zeizawng LALPA nih a sim mi lakah a ngauh ding hen a nan sîntir na mi asi.