MATHAI 4:3 - Bawm Common Language Bible Version

³ Chun, Diabol chu a hawng kal le, “Pathian Fapa na si chun hi bang lung hi sang ah chang ding hen thu pêk rawh,” a ti.

MATHAI 4:3 ပူးပေါင်းရင်းမြစ်များ

EXODUS 16:3

“Aigupta ram ah khan LALPA nih hawng kan thah ver sele a ṭha ding mi ma hi a, chunah chun, um sele buh leh an duh duh kan ei ding mi, sikhawmsele, hi ramkaro ah tîhâl leh sungvâng hen thi ver ding hen nan hawng kan kalpi ma hi,” an ti.

MATHAI 14:33

Chun, lawng lakah um mi tla nih chun, “Pathian Fapa na si tak ngâk mahi,” ti hen, amah mâi an mûk.

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

MARK 1:1

Hi hi Pathian Fapa Jisu Krist Thawngthang Ṭha tlung dawmhtîrnâk chu asi.

MARK 3:11

Khuri nâwmtâm tla khawm nih amah chu an muh kip hen a mâika ah bawkbukhup hen, “Nang, Pathian Fapa chu na si,” ti hen, an âu tâwn.

MARK 5:7

Chun, aw-hâu fakpi a âu hen, “Jisu, Pathian Chungnung chem Fapa, kei leh nang zei me kanna tlâinâk um? Hawng ka rêp lo ding hen Pathian min hen ka nan ngiar chiam asi,” a ti.

LUK 1:35

Chun, vânmifial nih chun a sinah, “Thlarau Thenhlimh na tlûnah a hawng tlung lai le, Chungnung chem thiltikhonâk nih a nan huhphenh lai. Churuangah mi thenhlimh hawng suak ding mi khawm chu Pathian Fapa an ti lai.

LUK 22:70

Chun, an ektê hen, “Nang hi Pathian Fapa chu na si ma ne?” an ti. Chun, anih nih chun an sinah, “Si ta a,” a ti.

LUK 4:3

Chun, Diabol nih chun a sinah, “Pathian Fapa na si chun hi lung hi sang ah chang ding hen thu pêk rawh,” a ti.

LUK 4:41

Chun, khuri tla khawm, “Pathian Fapa na si,” ti hen, an âu le, mi tam tak paw sungah mi an hawng suak. Chun, anmah tla a fâi le, Mesia asi ti an theih le, an hawlh a siang lo.

LUK 4:9

Chun, Diabol nih chun Jerusalem ah a kalpi le, Pathian Biakin tlûn zum ah chun a siah le, chun a sinah, “Pathian Fapa na si chun a khâwk rawh;

JOHAN 1:34

Chu chu ka muh rawh le,” “chun hi hi Pathian Fapa asi ti ka theihtir rawh,” a ti.

JOHAN 1:49

Nathanael nih, “Sîntirtu, Pathian Fapa na si, Israel tla Lalchem na si hi,” ti hen a sâng.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JOHAN 9:35

Chun, an nar ti Jisu nih a theih le; chun, anna tawng rawh chun, “Minung Fapa na zumh ma?” a ti.

THILTI 9:20

Pumhnâk in ah chun Jisu chu Pathian Fapa a sizia thu a phuang rawh.

2 KORIN 1:19

Pathian Fapa Jisu Krist a thu, kei leh Silas leh Timothe nih nan lakah kan sim mi kha “Asi,” leh ‘Asi lo,” asi ṭung lêm lo, amah Pathian lakah chun, “Asi,” ti a um dauh asi.

GALATIA 2:20

Krist sinah khenhbêk hen ka um rawh, sikhawmsele ka nung; kei lam chu kasi lo rawh, Krist chu keimah lakah a nung dauh asi; chun tuah taksa ah ka nung mi hi lungnâk ah nung ka si– Pathian Fapa, hawng ka zângfah le, ka ruangrûl ah â pêk mi lungnâk ah chun.

1 THESALONIKA 3:5

Churuang chun ka tuar kho lo nûnah, lêmtu nih chun an thlûk na lebang lai le, kan ṭuan hamhnâk chu a thawt lebang lai ti hen, nan lung zia ka theih khonâk ding hen mi ka hawng fial asi.

HEBRAI 12:16

Âukhawm hur hen Esau hâwi hen taksa mi si hen, fapa upa dauh sinâk buh busuan khat ah zuartu nan si lonâk ding hen a thiamthih u.

HEBRAI 4:14

Chun, vân ah kal rawh hen, bâwlpu lalchem rokual Jisu Pathian Fapa chu kan nei ruangah kan thu lung hi kan pawm thlir lai.

HEBRAI 7:3

Melkizedek chu a pa khawm, a nu khawm, a thlâktu tla âukhawm, a suaknâk khawm, a thihnâk thu rerêng khawm rîn asi loh. Anih chu Pathian Fapa hâwi asi. Zungzâl hen bâwlpu asi kumza.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.